Зэрэглээ

Шинэ оны мэнд

2011-12-30T21:18:00.000-08:00

Сая ТВ үзэж байгаад нэгэн түүх сонсов.

Нэгэн хүний уйгагүй, хийж буй зүйлдээ үнэнч, мөрөөдлийн төлөөх зүтгэлийн тухай түүхийг сонсоод он солигдохын энэ мөчид та бүхэнтэй хуваалцмаар санагдсан болой.

Японы Токиогийн Сүгинами ахлах сургуулийн үлээвэр найрал хөгжмийн хамтлаг өнгөрсөн жил Японы улсын хэмжээний бүх үлээвэр найрал хөгжмийн тэмцээнд нэгдүгээр байр эзэлсэн юм. Уг хамтлаг байгуулагдаад 33 дахь жилдээ ийнхүү аварга болж чаджээ. Хамтлагийг ийнхүү олон жил удирдаж дасгалжуулж ирсэн удирдаач энэ онд 34 дэх жилдээ уйгагүй ажиллаж ирсний үр дүн юм. Тэрхүү удирдаач анх уг сургуулийн ахлах сурагч байхад энэ хамтлаг байгуулагдаж эхлээд наймхан хүүхэд л байжээ. Хоёрын хооронд цөөхүүлээ, төгстөл улсын наадамд орно ч гэж байхгүй, дэмий юмаар хөөцөлдөж байна гэж эхлээд бодож хаяж явж үзжээ. Гэвч хамт хөгжим тоглодог найз нь битгий яваач гэж гуйж, хамтдаа хөгжмөө тоглохыг ятгадаг байв. Харамсалтай явдал болж тэр найз ослоор нас баржээ. Ажил явдлын үеэр гэрт нь очиж эмгэнэл илэрхийлэх үед талийгаачийн ээж нь дуудаж уулзаад, дугтуйтай мөнгө өгч гэнэ. Талийгаач найз нь улсын тэмцээнд орохыг мөрөөдөж, шинэ хөгжим авах гэж мөнгө хадгалж цуглуулж байсан байжээ. Нэгэнт хүү нь тэрхүү мөрөөдлөө биелүүлж чадахгүй болсон тул оронд нь шинэ хөгжим авч тоглоорой гэж ийнхүү мөнгийг нь өгсөн аж. Найзынхаа уйгагүй зүтгэл, мөрөөдлийг мэдээд өөрөөсөө ихэд ичжээ. Ингээд найзынхаа мөрөөдлийг биелүүлэхийн төлөө сургуулийнхаа үлээвэр найрал хөгжмийн хамтлагийг шилдэг болгоё гэж эрс шулуудан, ахлах сургуулиа төгссөний дараа хөгжмийн сургуульд орж. Мэргэжлээ эзэмшээд буцаад ахлах сургуульдаа очиж ажилд орж, хамтлагаа сэргээн байгуулж, улсын тэмцээнд орох хэмжээний сайн хамтлаг байгуулахын төлөө ажиллаж, 22 жил болж байж улсын наадамд орж чаджээ. Ингэж орсны дараа 10 жилийн дараа түрүүлж чадсан юм.

Энэ хүн сурагчдадаа байнга хэлдэг үг нь: Битгий бууж өг, шантар, орхиж яв. Алдаа гаргахаас бүү ай, та нарын хөгжмийг сонсож эрч хүч авах хүн заавал бий, тийм болохоор тэр хүмүүсийн төлөө тогло" гэдэг байна.

Эл удирдаач багшийн уйгагүй зан, шантралгүй ажилч хөдөлмөрч, мөрөөдлийн төлөөх итгэл, зүтгэл мундаг юм. Ахлах сургуулийн сурагчид гурван жил болоод л төгсөөд явна, дахиад л шинэ гишүүд хамтлагт орно, дахиад л дасгалжуулж сургана гээд энэ бол нөр их хөдөлмөр.

Энэ хамтлаг зүгээр ч нэг хөгжим тоглохгүй, хогийн сав, шүүр, хүрз юу л бол юу ашиглаж, хөгжим болгож, үзэгчдээ хөгжөөх баясгах зүйл хийдгээрээ онцлог, шинэлэг юм.

2012 ондоо та бүхэн мөрөөдлийнхөө төлөө шантралгүй зүтгэж, хүссэн санасандаа хүрэхийг хүсье.

tip

2011-12-07T00:36:00.001-08:00

Өчигдөр Японы Мэйжи компанийн 明治ステップ　хүүхдийн сүүнээс цацраг идэвхт хорт бодис cesium илэрч ээжүүд сандралдаж, санаа зовцгоож бухимдалтай байна. Хэдийгээр улсаас тогтоосон стандартаас бага илэрсэн гэсэн ч хэн л бяцхан зулзагынхаа биенд ийм бодис бага хэмжээгээр ч гэсэн орсон гэхэд тоохгүй өнгөрөөх билээ.

Японы хойд нутаг, Токио, Канагава гээд Канто хавьд амьдарч байгаа шинээр ирсэн ээжүүдэд цацраг идэвхт хорт бодисгүй хоол хүнсний зүйл хэрхэн авах вэ гэдэг дээр зарим нэг мэдээлэл хүргэе.

1. OISIX гэрт хүнсний зүйл хүргэдэг үйлчилгээ

Одоогийн байдлаар Oisix хүүхдэд зориулсан хоол хүнсний бараагаа маш сайн, нэгд нэгэнгүй, тогтмол шалгаж, хянаж байгаа. Дэлгүүр хоршооны үнээс үнэтэй ч гэлээ амт чанар сайн, химийн хор хэрэглээгүй, аюулгүй гэдэг талаасаа зүгээр.

Гишүүнчлэлийн төлбөр гэж байхгүй.

2. Pal systems　болон らでぃっしゅぼーや хүнсний зүйл хүргэдэг үйлчилгээ

Энэ мөн химийн хор хэрэглээгүй хүнсний ногоо жимс, мах, бусад хүнсний зүйл болон хэрэглээний зүйлс зардаг бөгөөд цацраг идэвхийн хэмжээг тогтмол шалгадаг.

3. Ус - Цэвэр ус авах бол урд болон баруун Японы усыг авсан нь сэтгэлд амар биз ээ.
Ус авбал Акайши нуруудынх буюу 南アルプス бус баруун アルプス-ын ус авсан нь зүгээр.

4. http://okfood.blog.fc2.com/ Энэ сайт цацраг идэвхт хорт бодисгүй гэж үзсэн хоол хүнсний зүйлсийг бичдэг нэг хүний блог. 100 хувь баталгаатай гэж хэлэхгүй ч санаад авахад илүүдэхгүй.

5. http://www.greenpeace.org./japan/ja/earthquake/monitoring/ болон http://securitytokyo.com/ гээд вебсайт ороод хувиараа цацрагийн хэмжээг шинжилж мэдээлдэг байгууллагуудын мэдээллийг авч үзэж болно. Грийнпийс Токиогийн дэлгүүрт зарагдаж байгаа загас, ногоонд шинжилгээ хийж түүний үр дүнг байршуулсан байгаа.

6.Rakuten онлайн худалдааны сайтыг ашиглаад Японы баруун болон урд зүгийн ногоо, сүү, өндөг худалдаж авч болно. Окинава, Кюүшүгийн ногоо гэх мэт. Хүргэж өгөх үйлчилгээ үнэгүй гэх мэтийг нь судлаад сонгоод авч болно.
Зарим нэгийг жагсаавал:
http://item.rakuten.co.jp/aspara/10000002/?scid=af_ich_link_img#10000002
http://item.rakuten.co.jp/yaoya809/shunvege-p001/?scid=af_ich_link_img
http://item.rakuten.co.jp/freshveg/c/0000000120/
http://www.ja-town.com/shop/g/g72017316/
зэрэг олон газрууд Ракүтэнд бий.

7. National Azabu болон Костко, IKEA зэрэг гадаадын бараа зардаг дэлгүүрээс хүнсний ногоо жимс бүтээгдэхүүн зэргээ авч болно. Гэхдээ генийн өөрчлөлттэй, химийн бодис хэрэглэсэн байхыг үгүйсгэхгүй тул үүнийг бас анхаарна биз дээ.

8. Дүүрэг хотоос цацрагийн хэмжээгээ шалгаж вебсайтдаа байрлуулж байгаа болохоор түүнийг бас харж байж болно.

Жишээ нь Ёкохама хот бол http://www.city.yokohama.lg.jp/kenko/syoku-anzen/1-2/sinaisan.html

Хүнсний барааны хаана хийсэн, ямар орцтой гэх мэт бүх мэдээлэл бичээстэй байдаг болохоор шалгаж мэдэж авч байх нь зүгээр.

Японы 2011 оны трэнд бараа-2

2011-11-23T23:14:00.001-08:00

16. ショットノートShot note

гэсэн АйФөүнд хэрэглэдэг тэмдэглэлийн дэвтрийн програм сайн тархсан. Доорх видеог харвал тайлбарлалтгүй ойлгомжтой болов уу

17. 体脂肪計タニタの社員食堂　Биеийн өөхийг хэмжиж байх "танита" ажилтнуудын хоолны газар

Японы Танита гэдэг компани анх Японд ахуйн зориулалттай биеийн жин хэмжигчийг үйлдвэрлэж гаргасан мөн биеийн өөх болох өсөлтийг хэмжигчийг хийсэн зэргээр танил болсон компани юм. Энэ компани "биеийн өөхөө хэмжиж, зөв зохистой хооллох танита ажилтнуудын хоолны газар" гэсэн ном гаргаж тэр нь асар эрэлттэй зарагдаж "трэнд" болов. Энд ч байгууллага нь ажилтнуудынхаа жинг тогтмол үзэж, таргалалттай нөхдийг тур гэж албан үүрэг өгөх нь өгч, сануулах нь сануулж, зарим нь тураахын тулд алхаа хэмжигч, элдэв бялдаржуулах газрын тасалбар, хөнгөлөлт зэрэг өгөх гэх мэт ажил зохион байгуулна. Ажилтнууд нь "за би ирэх жил 10 кило хасна" гэсэн амлалт байгууллагынхаа өмнө авах нь авна. Үүнтэй холбоотойгоор Танита-гаас ажилчдын гуанзны хоолыг өөх багатай, витамин, тэжээл сайтай хоолтой байх цэс боловсруулж гаргалаа. Яг Танита дэглэмээр хооллоход үнэхээр турдаг юм байна лээ шүү, дашрамд хэлэхэд.

18. 紅酢（ホンチョ） Хончё гэсэн жимсний ханд

Өмнөд Солонгост их зарагдаж байгаа гэсэн хончё гэгдэх жимсний ханд Японд "трэнд" болов. Энэ жимсний хандыг уугаа л сайхан, хөөрхөн болоо л гүйгээд байх юм шиг байгаа юм. Өмнөд Солонгосын Кара гэж охидын хамтлаг рекламдаад тэгээд л гарч өгсөн гэж байгаа. Сайн маркетингдсэн бүтээгдэхүүн байнаа.

19. ソフィーナプリマヴィスタ皮膚くずれ防止化粧下地 Софинагийн Примафиста хэмээх арьсны халимаас хамгаалах суурь тос. Түрхээ л таван насаар залуу харагдана гэж байгаа.

20. タブレット端末 Таблэт

АйПад болон Андройдын таблэтүүд сайн зарагдаж байна. Хэрэглэхэд хялбар, овор багатай, авсаархан, дэгжин гээд олон талаараа хүмүүсийн сонирхолыг яалт ч үгүй татна. Би ч бас таблэттэй болмоор л байна.

21. K-POP【少女時代＆KARA】 Өмнөд Солонгосын Кара мөн Шёожёжидай хамтлагууд

энэ жил Японд гүйлгээтэй хамтлаг байлаа. Кара нь тарлаа барилаа гэж шуугиснаа буцаад нийллээ гээд л. Баахан хүмүүс санаа зовж, нойр хоолноос гарав ш дээ тэр үед нь.Өмнөд Солонгосын эр, эм янз янзын хамтлагууд Японы зах зээлд сайн өрсөлдөж байна. Энэ хоёр хамтлагийн охид Японы дуучин охидод байхгүй хөл гар, хөдөлгөөний эвсэл байгаад байдагт нь юм уу ямар ч байсан хүмүүс сүйд майд болох юм. Эд ч япон хэл ус сураад японоор дуулаад зах зээлдээ сайн үйлчилж байна.

22. 旅ナビ CN-SG500 Панасоникоос гаргасан Табинаби гэсэн бүтээгдэхүүн. Аялал хийхэд очих газар, хоол уушны газар, үзэж харах зүйлс гээд бүхий л мэдээллийг өөртөө багтаасан эд. Ном барьж явах бус үүнийг бариад явбал аялал илүү амар хялбар болох юм. Дажгүй эд юм байна.

23. ラジオ【ラジコ】 Ражико гэсэн радио буюу смартфөүн, таблэт, ПС зэрэгт радио онлайнаар сонсож болох программ. Дажгүй эд. Радио сонсмоор байгаа бол гар утас юм уу ПС-ндээ суулгачихвал сонсоод байж байхад их зүгээр.

24. レンジでチンするから揚げ粉 Бичил долгионы зууханд хийгээд л бэлэн болох караагэгийн нунтаг

караагэ гэж япон маягийн шарсан тахианы мах бөгөөд үүнийг хийх гэдэг амтлах, тосонд хайрах гээд бөөн ажил болдог юм. Үүнийг хөнгөвчилж уг нунтагт амтлаад бичил долгионы зууханд хийж 3 минут болоход л шарсан тахиа бэлэн болно. Туршаад үзэхэд гэмгүй.

25. ネスレココアドール白ココア Нэстлэ компанийн цагаан какао

Цагаан шоколад ашиглаж хийсэн цагаан нунтаг какао амттай зүйлд нугасгүй хүмүүсийн хувьд шинэлэг бараа байлаа.

Үлдсэн тав нь:

26. ルックまめピカトイレのふき取りクリーナー Жорлон цэвэрлэх шингэн: Гол онцлог нь ОО-ын цаасанд шингээгээд цэвэрлэхэд цаас хуйларч ноолроод байхгүй гэдгээр шинэлэг.

27. アットノン Шархны сорвийг арилгах тос.

28. JINS エア・フレーム Жинс гээд нүдний шилний өнгөлөг дэгжин хуйлж, нугалж мушгиж болдог хүрээтэй шил

29. マル・マル・モリ・モリ！ Марүмарү мори мори дууны нэр.

30. アサヒダブルゼロカクテル Асахигаас гаргасан спиртийн хольцгүй коктэйль. Жирэмсэн хөхүүл, машин унаж яваа болон бусад ямар нэг байдлаар архи ууж болохгүй ч уусан юм шиг наастртай байхад уух ундаа.

2011-11-23T04:11:00.000-08:00

Японы никкэйтрэнди сэтгүүлээс 2011 онышилдэг 30 бараа бүтээгдэхүүнийг нэрлэжээ. Түүнийг жагсаавал:

1. смартфөүн

Энэ ч бүр цойлж өгсөн шүү. Өнгөрсөн жилийн яг өдий үеийн тв-ийнреклам, одоо гарч буй рекламыг харахаар "пөөх ямар хурдан хувираавэ" гэж бодогдож байна шүү дээ. Өнгөрсөн жил гар утасны реклам дэлгэгддэг, смарт бишутсыг л гаргаад байлаа. Одоо бол бүгд смартфөүн.

2. фэйсбүүк

Япончууд дундблоггүй хүн бараг ховорбайх шүү. Хөгшин залуугүй нэг блог бичээд байгааюм. Гэхдээ алдартан, одод, олны танилаас бусад нь нэр усаа тас нууна. Манаймонгол блогчид бол ил тод байхад энд бол эсрэгээрээ. Эхнэр нөхөр 2 байлаа гэхэдхэн хэн нь нөгөөгөө блог бичдгийгмэдэхгүй, мэддэг байлаач мэдэхгүй дүр үзүүлэх жишээтэй. Хувийнмэдээллээ ил гаргах туйлын дургүй япончуудын хувьд фэйсбүүк амжилттай байж чадна гэжанх зарим шинжээчид итгэхгүй байлаа. Харин энэ 2 дугаар сараас фэйсбүүк гэнэт эрчээ авчодоо олон япончууд фэйсбүүктдэг болж байна. Ийнхүү нийтэд түгээхэд гол үүрэг гүйцэтгэсэн нь зарсурталчилгааны компаниуд. Зах зээлээ дутуу үнэлж болохгүй ээ гэж.

3. тог хэмнэхсэнс

Гамшгийн дараатог хэмнэх хөдөлгөөнтэйхолбоотойгоор халуун зун тогонд хэмнэлттэй шинэ хэлбэр төрхтэй сэнсхудалдаанд олноор гарч ирсэн. Авсаархан, жижиг, ширээн доороотавьчихаж болохоор хэлбэр дүрстэй. Лед гэрэлтүүлэгтэй, цэнэглэгддэг гээдшинэлэг бүтээл.

4. гопангэж санёогийн талх баригч

Аваадтавьчихмаар эд шүү. Будаагаар талх боов хийнэ гэж байгаа. Анх худалдаанд гараад лсар хүрэхгүй хугацаанд бүтэн жил зарна гэжтөлөвлөж байсан тоогоо гүйцээсэн. Айл бүр л авчихав ууяав.

5. ниссинийкап нүүдл гохон бэлэнгоймон будаа

Бэлэнгоймонгийн амттай будаатай бэлэн хоол гэх үү дээ. Их сайн зарагдсан энэжил.

6. дайхацү мира э:с ба мазда дэмио 13скай актив

ミラ イース ＆デミオ 13-スカイアクティブ

Гэсэн багашатахунаар урт зам туулах чадвартай авсаархан машинууд. Эдгээр машин 30 кмт нэглитр шатахуун иддэг, авсаархан хийцтэй хөнгөн тэргүүд.

7. маккори будааны вино

санторикомпанийн будааны вино маккори бас их сайн зарагдсан. 20-30 насны бүсгүйчүүдийг зах зээлийнгол хэрэглэгчээр онилсон энэ бүтээгдэхүүн уг нь бол солонгосынх. Будаанд дуртай хүмүүст яг таарсанидээ ундаа.

7. уиллкомкомпанийн хэн ч байсан тогтмол үнэтэй гэсэн үйлчилгээний төрөл

Гар утасныуиллком компани сард 980 иэн төлөөд 10 хүртэлх минутын 500 утасдалтыг үнэгүй ярих боломжолгодог үйлчилгээ үзүүлдэг бөгөөд энэ жил уг үйлчилгээнд орволхоёр дахь гар утас үнэгүй өгнө гэж байгаа юм. Өөрөөр хэлбэл нэг үнээр хоёр утастайболноо гэсэн үг.

9. локонинс

Урьд нь жороорөгдөг байсан өвчин намдаагч эмодоо чөлөөтэй авахболомжтой болжээ. Толгой өвдөх зэрэгт энэ эмийг уугаад л нам.

10. камэнрэйдэрс трансформэйшиний бүс 仮面ライダーオーズ 変身ベルト　dxオーズドライバー

Анимэ, мангабагаасаа үзэж уншиж өссөн хүүхдүүд ийм зүйлийг сайн ойлгохбайх. Хүүхдүүд дуртайанимэныхаа медаль, картыг хэдэн зуугаар нь цуглуулах юм энд. Камэн рэйдэрс гээдалдартай анимэгийн хүүхдүүдэд зориулсантоглоомон бүс сайн зарагдсанбайна. Хүүхдүүдэд медаль, картцуглуулж бүсэндээ хийнгүүт дуу явдаг юмгэсэн. Тэрэнд нь болоод л хүүхдүүдэд бөөн баяр.

11. рүниа төмөр замын парк,музей

Нагояад энэонд шинээр нээгдсэн музей бөгөөд төмөр зам, галт тэрэг, цахилгаан тэрэгт дуртай хүмүүсийн очдог газарболоод байна. Энэ японд галт болон цахилгаан тэргэнд донтсон хүмүүс байх юмаа.тэдэнд зориулсан сэтгүүл, ном, кафэ байна. За тэд тэгээд амралтаараазургийн аппаратаа бариад галт, цахилгаан тэрэгний зураг авах гээд алга болно.Нэг тэрэг шинээр явна гэнгүүт баахан хүмүүс хар үүрээр зургийнаппараттай зогсож зургийг авна. Сүүлийн удаа явна гэхээр нь зургийн аппарат,нулимсаа арчих нусны алчуураа барьж очино гээд л. Тэгэхээр энэ музей трэндболох нь ойлгомжтой.

12. トーニングシューズ тоонингү шүүзү

өмсөөд алхвал хөөрхөн, бие бялдарсайхан болгодог гэж рекламдаж буй пүүз. Ул, гутлын хэлбэр зэрэг нь хүний биеийнтэнцвэрийг зөв болгож, алхажявахад булчингийн ажиллагааг жигдрүүлж, гоё болгодог юм гэсэн.

13. ダンボール戦機 プラモデル lbxシリーズ Сонигийн псп-гийн тоглоом

Смартфонгараад тоглоом үйлдвэрлэгчдэд тун өрсөлдөөнтэй байгаа үед сонигийн псп-гийн энэтоглоом овоо ш дээ.

14: サンシャイン水族館 саншаинсүизокүкан буюу нарныгэрэл аквариум

Токиод байдагэнэ усан хүрээлэн аль дээр үеэс байсан ч 2010онд бүрэн засварт орж2011 оны 8 сард эргэн ажиллаж эхэлсэн юм. Халуун зун тийшээ очиж усан ертөнц харж баясах,зугаалах хүмүүс их байлаа.Токиод ирвэл очиж үзвэл сонирхолтой.

15. ぽん酢ジュレ понзүжүрү

Японы хоолнынэг төрлийн амтлагч.Понзү гэж уг нь шингэнамтлагч байдаг юм. Цуурхуу зүйл бий. Дүүфүү, загас, сүши, сашими, саладгээд дуртай идэх юмаа амтлаад идэж болдог. Амтгүй хоол хийсэн үед аврал болно.Понзүг гел маягтайболгож хийсэн нь энэ жил сайн борлогджээ.

Японы оны үг-3

2011-11-20T05:07:00.001-08:00

40. 東北魂 Тоохокүгийн хийморь сүлд гэж буулгавал хэр зөв юм бол доо.

Гамшиг нэрвэгдсэн Тоохокү бүсийн хүмүүст туслах дэмжих хандивын данс ажиллуулах үед энэ үг нэлээн явсан, одоо ч хэвээр.

41. 年の差婚 тоши но сакон буюу Насны зөрүүтэй гэрлэлт

Саяхан 68 настай Ча Като гэж инээдмийн жүжигчин 45 насаар дүү бүсгүйтэй гэрлэлээ шүү дээ. Хайр дурлалд насны хязгаар үгүй ээ. Өөрөөсөө дүү залуутай суух бас нэлээн байх юм, япон хүүхнүүд наснаасаа залуу харагддаг болохоор хамтдаа ер ялгагдахгүй харагдана л даа.

42. どじょう内閣 Дожёо найкакү Парламент дахь эрээлж загас

Шинэ ерөнхий сайд Нода үг хэлэхдээ өөрийгөө эрээлж засагтай зүйрлэж "Би ганган хайрстай алтан загас биш намагтай усны эрээлж загас шиг байх болно. Би ард түмний төлөө ажиллаж, урагш авч явах болно" гэж хэлснээс хойш энэ үг хэвлэлээр их гарав.

43. トモダチ作戦 Томодачи Сакүсэн Найз төлөвлөгөө

Гамшгийн дараа Японд АНУ-ын аврах хүчин ийм нэртэй аврах ажиллагаа явуулсан юм.

44. どや顔 Доя гао

Ямар нэг юм бүтэлтэй болох, өөрөөрөө бахархах үед гаргах нүүрний хувирлыг Доя гао гэр нэрлээд хүмүүс "доя гао" гаргаж зураг хөргөө авахуулдаг мода гарав.

45. 内部被曝 Найбү хибакү Хүний биед нэвтрэх цацраг идэвхт бодис

Гайт Фүкүшимагийн станцын ослоос болж цацраг идэвхт бодис гээчийг мэдэж амьдрахгүй бол болохоо байлаа. Хүний биед цацраг идэвх бодис нэвтрэх нь хамгийн уршигтай. Мэдээж хэмжээ болон бодисын төрлөөс хамаарна. Би ч энд хоол хүнс, ус сүү таргаа нэлээн чанга шүүлтүүрээр шалгаж авдаг болсон.

46. なでしこジャパン Надэшико Жапан

Японы хөл бөмбөгийн эмэгтэй тамирчдын багийг Надешико Жапан гэж нэрлэж байгаа. Тэд сая дэлхийн эмэгтэйчүүдийн аварга болоод бөөн баяр хөөр. Гамшгаас хойш баяртай хөөртэй юм дутагдаад байсан улсад нэг ч гэсэн овоо доо. Азийн эмэгтэй баг гэдэг утгаараа ч бид бүгдийн бахархал болно л доо.

47. ノーサイド Ноо сайдо

Энэ рагбийн спортод хэрэглэдэг үг юм байна лээ тиймээ. Би рагби даанч мэдэхгүй юм даа. Утга нь шүгэл дуугарсны дараа бүгд "дайсан" биш, талцахгүй гэж. Ерөнхий сайд Нода Ардчилсан нам доторх хэрүүл маргаантай холбоотойгоор бултаараа "ноо сайдо" байя гэж хэлж энэ үг бас хэвлэлийн байнд өртөв. Манайхаар бол эвтэй байцгаая л гэж.

48. 美ジョガー Би жогаа

Энэ бол хөөрхөн хүүхэн, гүйлт гэсэн хоёр үгийг нийлүүлээд хэлж байгаа үг. Жоггинг хийхээр хөлс цутгаа л хөсрий царайтай болоо л, унаган төрхөөрөө шал ичмээр гэж боддог бүсгүйчүүл байж магадгүй. Тэгвэл жоггинг хийхдээ ч хөөрхөн байцгааж, бүсгүйчүүдийг жоггинг хийхийг уриалж гаргасан нэр томъёо. Би-жогаа хийхийн тулд тэгэхээр гоё хувцастай, ганган, дэгжин харагдах ёстой болноо доо. Тэгээ л спортын барааны "би-жогаа" хувцас зарж байгаа дэлгүүр рүү явна, өчнөөн мөнгөөр хувцас авна гээд.

Би ч өмнө нь аль тааралдснаа өмсөө л гол нь пүүзэндээ анхаараа л гүйдэг байв. Одоо ч гүйхгүй л дээ. Гүйе ч гэлээ, би-жогаа болж гүйхгүй л бол моодны биш болчихлоо ш дээ. Тийм үнэтэй хувцас авах мөнгө ч алга ааайн.

49. 風評被害 Фүхё хигай

Хоосон цуу үг, худал мэдээллээс болж эдийн засагт муугаар нөлөөлөхийг хэлж буй юм.Гамшгийн дараа цацраг идэвхт бодисийн тархалтаас болж үнэн худал нь мэдэгдэхгүй мэдээ мэдээлэл, цуу яриа тархаж, бизнес эрхлэгчид, тариачид, ногоочид, аялал жуучлалынханд сөргөөр нөлөөлж байна. Фүкүшима гэнгүүт л бүгд айж зугтаа л.

50. フクシマ50 Фүкүшима 50

Ослын үеэр Фүкүшимагийн станцад ажиллаж байсан эрэлхэг ажилтнуудыг Фүкүшима 50 гэж нэрлэж ардын баатрууд болцгоосон билээ. Тэнд 50 ажилтан бий гэсэн ойлголтоор ийм тоо гарсан ч угтаа бол түүнээс олон байсан гэсэн. Амь насаа үл тоон тэнд ажиллаж байсан, ажиллаж байгаа хүмүүс бол мундаг.

51. 復興 Фүкко Сэргээн босголт

Япон гамшгаас болж маш их хохирол амсаж байна. Түүнийг даван туулах, сэргээн босгоход хугацаа, мөнгө, хүч хөдөлмөр нэлээн шаардагдана. Фүкүшимагийн станцыг жагсаалаас бүрмөсөн гаргаж нам дарахад 30 жил дор хаяж шаардлагатай гэсэн тооцоо бий. Цацраг идэвхт бодист хордсон нутаг дэвсгэрийг цэвэрлэх, эргэж хүн амьдрахад боломжтой болгоход түүнээс ч илүү хугацаа орж мэднэ.

52. 平成の開国 Хэйсэй но кайкокү Хэйсэй онд улс орноо нээх

1852 онд Япон улс гадаад худалдаа, аялал жуулчлалыг чөлөөтэй болгож хилээ нээсэн түүхтэй. Хуучин ерөнхий сайд Наото Кан 2011 оныг үүнтэй адилтгасан лоозон хэлж байв.

53. 放射線量 Хоошасэнрёо Цацрагийн хэмжээ

За энэ нэг гайтай станцын асуудлаас болж цээжлэе гэж бодох ч үгүй байх байсан элдэв үг цээжлэх хэрэгтэй болоод төвөгтэй юмаа. Ухаан муу хүн эрдэм мэдлэгээс зугтаанаа гэж. Гэхдээ ер нь цацраг идэвхийн тухай мэдлэгтэй байх нь зүгээр юм байна гэж бодох болов. Чернобылийн осол, Казахстаны Семипалатинск, Уйгар хавийн нутаг дахь цөмийн туршилтууд гээд Монголын нутагтай ойр болсон, болж буй иймэрхүү зүйлсээс болж цацраг идэвхт бодис хэр орж ирснийг бүү мэд. Тэгээд хаана ч байсан хэрэгтэй юм гээд хувьдаа цацрагийн идэвх хэмжигч авав. Сая Токиогийн Сэтагаяа дүүрэгт ради гэгч бодис булаастай байснаас өндөр хэмжээний цацраг ялгарч байсныг илрүүлсэн шиг өөр хаана ч юу ч булаатай юм, хэмжээ л явахад илүүдэхгүй юм. .

54. ホットスポット Хоттосүпотто Халуун цэг

Зарим газарт бороо шороотой холилдоод цацраг идэвхт бодис хуримтлагдаж цацрагийн хэмжээ өндөр болсныг "халуун цэг" гэж нэрлэж байна. .

55. ぽぽぽぽーん Попопопооон

Дээр нэг дурдсан Адвертайсин Каунсил Жапан корпорацийн рекламны дууны үг юм. Энэ реклам гамшгийн дараа ТВ-ээр мөн л улиг болтлоо явав. Утга нь хүнтэй мэндэлж байвал найз нөхөдтэй болно гэж.Үүнийг сонсоод байвал ойр зуурын япон мэндчилгээ сурчихна даа. Би одоо энэ рекламыг сонссон чинь үнэндээ дотор муухайрч байна шүү.

56. 満身の怒り Маншинно Икари Уурандаа шатах

Токиогийн их сургуулийн радиац изотопын төвийн дарга Тацүхико Кодама Парламентын доод танхимын хурлын нийгмийн халамж, хөдөлмөрийн хорооны хуралт гэрчээр орохдоо "цөмийн станцын осол, хямрал болон хордсон хоол хүнсний талаар төрийн үйл ажиллагаа хамаг уурыг шатааж байна" гэсэн утгатай үг хэлсэн юм.

57. マルマル、モリモリ Марүмарү моримори

Марүмо но окитэ гэсэн нэртэй олон ангитай хөөрхөн кино ТВ-ээр гарч түүний дуу Марүмарү моримори хүмүүсийн таашаалд онцгой нийцсэн юм. Ёстой хөөрхөн хоёр хүү охин хоёр дуулдаг юм.

Гамшгийн дараа бөөн бүүдгэр сүүдгэр хүмүүсийн сэтгэлийг баясгах зүйл энэ олон ангит кино болж байлаа. Энэ дуу чихэнд амархан хоногшино.

58. 見せましょう野球の底力を Мисэмашё яккюү но сокочикара о

Тохокүгийн бэйсболын нэг багийн тамирчин энэ үгийг хэлж хэвлэлээр бас гарав даа. Гамшгийн дараа тамирчдад тун хэцүү байхад нь энэ үг хэлж сэтгэл санааг өргөж, бэйсболоор хүмүүсийн хийморийг сэргээж, туслая гэсэн санаатай.

59. メルトダウン Мэрүтодаүн Хайлах

Цөмийн станцын реактор хайлж байна уу үгүй юу гээд л бөөн л юм болж байлаа. Meltdown гэсэн англи үгийг япон дуудлагаар мэрүтодаун гэж дуудна. Тэгээд л мэрүтодаун болох нь уу яанаа гээ л бөөн л юм болов доо. Тэгсэн мэрүтодаун бол болсон л байсан бай лээ л дээ.

60.ラブ注入 Рабү жюүнюү Хайрыг таръя

Таношинго гэж хошин шогийн жүжигчин гэх үү эмэгтэй дотортой эрэгтэй хүн, уг нь залуу л даа, гараараа зүрхний дүрс үүсгэн Хайрыг таръя (тариа тарихын тарих) гэж хэлээд дараа нь хөлөө алцайж хэвтээд Ханэда айрпорт гэж хэлж алиалдаг юм. Тэгээ л наятай эмээгээс найман сартай бацаан хүртэл энэ нөхрийн хөдөлгөөныг дуурайж арзагнаж байна ш дээ энд чинь одоо.

Японы оны үг -2

2011-11-20T04:26:00.001-08:00

17. 計画停電 Кэйкакү тэйдэн Хуваарьт тог хязгаарлалт

Өнөөх л гамшигтай холбоотой, Фүкүшимагийн цөмийн станцын ослоос болж Тоокио, Ёкохама гээд төвийн бүсийн нутаг дэвсгэрт тог хэмнэх ажиллагаа эрчимтэй өрнөсөн. Энэ үед хуваарьтайгаар тогийн хязгаарлалт хийв дээ. Халуун зун л тиймхэн байлаа. Гэхдээ үүний нэг сайн тал нь хэсэг хугацаанд байгаль орчинд ээлтэй байсан, мөн тог бага хэрэглэх, тог хэрэглэхгүйгээр ажиллах, ашиглах боломжтой эд зүйлс шинээр бүтээгдэж гарсан.

18. 原子力ムラ Гэнширёокү мүра Цөмийн энергийн тосгон

Цөмийн энергийг дэмжигч байгууллага, бизнесийнхэн, хэвлэл мэдээлэл, төрийн байгууллага, судлаачид зэргийн холбоо сүлбээг нэгтгэж хэлж буй үг.

19. Кодама дэшёока Энэ чинь цуурай юу даа

Гамшгийн дараа ТВ-ийн нэвтрүүлгүүд тувт гамшгийн тухай үзүүлж, реклам сурталчилгаа эрс багасаж, цэнгээн зугаатай үзүүлбэр цөөрч, тэр үед Advertising Council гэж байгууллагын сурталчилгаа л байнга гараастай байв. Түүний нэг нь хүүхдийн зохиолч Мисүзү Канэкогийн зохиосон Цуурай шүлгийг ашигласан реклам байв.

Шүлгийн утга нь хүн юу гэж л хэлнэ түүнийг хүүхэд давтаж хэлдэг гэж. Сайн уу гэвэл сайн уу, баярлалаа гэвэл баярлалаа гээ л. Тэгээд "энэ чинь цуурай юу даа" гэхэд нь "Үгүй ээ бид бүгд л тийм шүү дээ" гэнэ. Үүгээрээ бусадтай ярихдаа хэлэх үгээ бодоцгооё гэж хэлж буй хэрэг. Энэ реклам ч сүүлдээ чихний тээр болсон. Хүмүүс үгийг нь өөрчилж далийлгаж эхэлсэн. Жишээ нь Бүх юм зүгээр? "бүх юм зүгээр" "Нээрээ?" "Нээрээ" Реактор хайлав аа?" "Реактор хайлав　аа" "Энэ чинь цуурай юу?" "Үгүй ээ Эдано" гэх жишээтэй.

20. 災後 Сайго

Гамшгийн дараа гэсэн утгатай үг.

21. 再生可能エネルギー Сайсэ кано энэрүги

Сэргээгдэх эрчим хүч гэсэн үг. Гамшгийн дараа сэргээгдэх эрчим хүчийг эрчимтэйгээр судалж, хэрэглэх шаардлага тулгараад юм юм л туршаад байна.

22. 3.11

9.11 гэдэг шиг гамшгийн сар өдрийг ийнхүү товчилж хэрэглэх болов.Тэр өдөр ч бас эвгүй байсан шүү. Тогоо шиг том гэдэстэй байсныг ч хэлэх үү.

23. シーベルト Шийбэрүто

Фүкүшимагийн ослоос бол бараг хүн бүр л цөмийн физик судаллаа ш даа: Цацраг идэвх бодисын тухай тодорхой мэдлэгтэй болцгоохгүй бол болохгүй байна шүү дээ. Ингээд шийбэрүто буюу зиверт гэх хүний биед нэвтэрч нөлөөлөх цацраг идэвхийг хэмжих нэгжийн нэр томъёог цээжилж авав. 1 зиверт нь 1000 милизиверт болно. 1000 милизиверт бол 1 сая микрозиверт гэж цээжилчихээд яваа. Мили, микро-ын дунд толгой эргээд унадаг юм.

24. 自粛 Жишюкү "өөрийгөө хянах"

Гамшгийн дараа хүмүүс ухамсраараа тогоо хэмнэж, ийш тийш аялалаа хойшлуулж больж, зугаа наадам хийхээ больж гэхчилэн өөрсдийн үйлдлээ хянаж зохицуулахыг хэлж буй болно. Тэр үед ч өөрийгөө хянаж чадахгүй, жорлонгийн цаас, зарим төрлийн хүнсий зүйлсийг хүмүүс ихээр жоорлон худалдаж аваад, гайхсан шүү. Жорлонгийн цаасыг бөөнөөр нь аваад л жоорлоод. Яадаг байнаа тэгж.Хүмүүс наадам наргиан хийхээ больсон чинь эргээд эдийн засагт нь сөргөөр нөлөөлөөд, за за хэт өөрийгөө хянахаа больцгооё, сакүра гарч харж, пиав ууцгааж эдийн засагтаа нэмэр болцгооё гэж бас уриа яваад л байлаа.

25. ジャスミン革命 Жасүмин какүмэй

Он гараа л хойд Африк, Арабын нутгаар хувьсгал өрнөөд л яав даа энэ жил чинь. Тунисын хувьсгалыг хэвлэлийнхэн Жасмины хувьсгал гэж нэрлэж явсан нь энэ жилийн үгэнд нэр дэвшжээ.

26. 除染 Жёсэн хоргүйжүүлэх

Цацраг идэвхт бодисыг цэвэрлэх нөр их ажил өрнөөд байнаа энд. Мэдээгээр тогтмол энэ үг сонсогдоно. Бүрэн хоргүйжүүлнэ гэж байхгүй юм шиг байна даа. Наранцэцэг тарилаа, тусгай бодистой усаар шүршлээ, хөрсөө ухлаа гээд л байдаг л арга хэмжээ авч байна.

27. スマホ Сүмахо

Энэ жил смартфөүн мандлаа ш дээ. iPhone, Android OS гээ л. Смартфөүныг товчлоод сүмахо гэж дуудаад байгаа юм. Япончууд ч үг товчилж дуудах дуртай улс. Макдональдсыг Макү, Макүдо гэх жишээтэй.

28. 節電 Сэцүдэн Тог хэмнэх

Энэ жил тогны хязгаарлалттай холбоотойгоор тогоо хэмнэх хөдөлгөөн эрчимтэй өрнөв. Компаниуд ажлын цагаа 8-4 цагийн хооронд болгож орой хэрэглэх тогоо хэмнэх, зарим үйлдвэрээ зогсоох, ажилчдаа ид халуун зунаар амрааж сэрүүцүүлэгчийн тог хэмнэх гэх мэт олон янзын арга хэмжээ авч байлаа. Хаа сайгүй гэрэлтүүлгийнхээ тоог цөөрүүлж, гудамжны гэрэл ч бүүдгэр болов. Одоо ч тог хэмнэх хөдөлгөөн өрнөсөөр л байна. Хүйтэнд хэрхэн тогонд хэмнэлттэйгээр дулаан халуун суух вэ гээ л.

29. ゼロではない "огт үгүй бол биш"

Цөмийн аюулгүй байдлын хорооны нэг нөхөр ийм үг хэлж элдвээрээ дуудуулсан үйлтэй. Цөмийн түлш дахин идэвхжиж, урвалд орох магадлал "огт үгүй" бол биш гэсэн утгатай үг хэлээд олны дунд баахан шуугиан болсон. Огт үгүй бол биш гэдэг чинь тийм магадлалтай л гэсэн үг биз дээ. Тэгэхээр шууд л магадлал бий л гээд хэлчихнэ биз дээ. Тэгэхдээ тэгж хэлэхээс эмээж ийм нэг тойруу ч гэхэд хаашаа юм унжуу сунжуу зүйл хэлж бариад.

30. 想定外 Соотэйгай "Таамаглаж байснаас өөр"

Гамшгийн дараа энэ үг их хэрэглэгдсэн. Таамаглаж бодож байснаас илүү хүчтэй газар хөдлөлт болсон, бодож байснаас илүү хүчтэй цүнами болсон, бас бодож байснаас аюултай эвдрэл цөмийн станцад гарсан гээд л.

31. ソーシャルメディア Соошарү мэдиа Олон нийтийн мэдээлэл

Твиттер, СНС, блог гэх мэт олон нийтийн мэдээллийн хэрэгсэл газар хөдлөлт, цүнамигийн үеэр хэрэглээ нь асар өссөн. Одоо ч тэр твиттер, фэйсбүүкийг гамшгийн дараа анх удаа хэрэглэж буй хүмүүсийн тоо нэмэгдсээр байна. Би ч ТВ-ээс нь илүү твиттэрээр мэдээлэл илүү авдаг, твиттер хэрэглэгчээс нь шууд асуугаад харьцахад ч амар.

32. タイガーマスク Тайгаа масүкү

Тайгаа масүкү гэж нэг манга, анимэ бий. Тэр манганы гол баатарын нэрээр өөрийгөө нэрлэсэн нууцлаг нөхөр ч юм уу нөхөд хүүхдүүдэд сурагчийн цүнх хэрэгсэл бэлэглэсэн явдал гарч ТВ, хэвлэлээр л бөөн шуугив. Тэр хэн бэ, яагаад ингэв гээ л. Спайдерман, Бэтман юм уу хаашаа юм. Сонин сонин хэрэг гарах юм аа, цүнх дүүрэн мөнгө гамшигт өртөгсдөд өгөөрэй гэсэн бичиг хавчуулаад хотын дүүргийн жорлонд орхисон явдал сая гараа л. Нэрээ нууцалж хандив бэлэг өгөх нь гоё юм байх аа.

33. ただちに тадачини - шууд

Гамшгийн дараа цацраг идэвх бодис тархаж хүмүүс санаа зовних үед албаны хүмүүс "шууд эрүүл мэндэд нөлөөлөх нөлөөгүй" гэж их хэлж ярьж байлаа. Одоо ч тэгсээр л байна. Яг одоогоор, шууд, тэр даруйдаа нөлөө байхгүй гэсэн утгаар хэлээд байгаа боловч цаашид, хойшид, дараа нь нөлөө байхыг бол хэлж чадахгүй юм. Тэрийг цаг хугацаа л харуулах байх даа.

34. 脱原発 Дацүгэнбацү Цөмийн станцаас татгалзая

Фүкүшимагийн станцын ослоос хойш цөмийн станцаас татгалзая гэсэн уриа лоозонтой хөдөлгөөн өрнөж байнаа. 9 сард Токиод 60 мянган хүн оролцсон том жагсаал цуглаан болсон. Бага хэмжээний жагсаал бол болсоор л байгаа.

35. 建屋 Татэяа Байр

Өнөөх л айхтар Фүкүшимагийн станцын осолтой холбоотойгоор их хэрэглэсэн үг. Станцын тоног төхөөрөмж хэрэгслийг хадгалах агууламжийг нэрлэсэн үг.

36. タブレット табүрэтто Таблет

Энэ жил таблет компьютер хүчээ авав даа. АйПадаас авахуулаад.

37. 地デジ難民 чидэжи нанмин

Энэ жил 7 сард Япон ТВ-ын аналог системээс дижитал рүү шилжиж, өнөөх бөөрөнхий дэлгэцтэй хуучны ТВ-үүд хог дээр үсрэв. Энэ талаар мэдээлэлгүй, бэлтгэлгүй хүмүүс гэрийнхээ антеныг солиулж чадалгүй хоцорч, ТВ үзэж чадахгүй явдал гарч. Тэдгээр хүмүүсийг "чидэжи нанмин" гэж мэдээ сэлтээр нэрлэв.

38. 超円高 Чё эн така Иэний өндөр ханш

Энэ жил Японы иэны ханш өндөр байна. Импортын барааны хувьд асуудалгүй ч Японы компаниудын хувьд бараагаа гадаадад зарахад алдагдалтай болоод байна л даа. Хэр удаан ийм байх юм байгаан, надад бол импортын бараа авахад ашигтай сайхан л байна.

39. 津波てんでんこ Цүнами тэндэнко

Далайн эрэгтэй ойрхон Иватэ мужийн Санрикү гэдэг газарт хэрэглэдэг үг бөгөөд цүнами ирвэл амиа бодож амиа хамгаалж өндөр газар руу зугтаж, өөрөө өөрийгөө аварцгаа гэсэн утгатай. Нэг нэгнээ хүлээж, гэр рүүгээ харайлгаж, юм хумаа цуглуулж барих гээд байлгүй бушуухан л өндөр газар руу гүйж амиа авар гэж зааж сургадаг юм байна. Энэ үгийг дагаж нэг сургуулийн бүх сурагчид аврагдсан явдал гарсан гэсэн мэдээ дээр уншиж байсан юм байна.

Японы оны үг (1)

2011-11-18T06:29:00.001-08:00

Япон жил бүр тухайн жилд олны дунд тархсан, яриа хэвлэлд их гарсан "оны 10 үг"-г шалгаруулдаг уламжлалтай. Монголд "сайннннн бод, сайнннн бод" "ариун явдал мөн үү" гэх мэт үг орж ирэх байх.

Энэ жилийн оны 10 үгэнд нэр дэвшсэн 60 үгийг танилцуулъя:

1. Агепо ёо あげぽよ

Арван жилийн охидын дунд тархсан, "кайфтай" гэсэн утгатай, сэтгэл хөөрсөн үеийг илэрхийлэх үг юм шиг байгаан. Би ямар хэрэглэх биш. Харин одоо хэрэглэж байнаа. Савцгаая, идэцгээе, дарвицгаая өөр юу ч гэдгийн сэтгэл их хөдөлж хөөрсөн үедээ хэлж байгаа үг.

2. あとは流れで Ато ва нагарэ дэ

Энэ үг сүмочдынхэргээс болж тархсан үг. Найрааны хоёр бөх барилдахдаа нэг нь түлхэж өгөөд тэгээд найрааны дагуу унаж өгнө. Тэгээ л "барилдааны аясаар нь" барилдаад л унаад өгөх гэсэн утгатай .

3. アフター４ Афтаа фо

Гамшгийн дараа тог хэмнэх үүднээс компаниуд 4 гэхэд ажил тарааж байснаас холбоотойгоор 4-өөс хойш гэсэн утгатай хэрэглэж байв.

4. 安全神話Анзэн шинва

Ямар нэг нөхцөл байдал аюулгүй гэж хүчтэй итгэх гэсэн утгатай. Бас л гамшгийн дараах цөмийн станцтай холбоотой гарсан. Цөмийн станц аюулгүй гэж бүгд бат итгэцгээж байлаа хөөрхий.

5. --定のメド иттэй но мэдо

Кан ерөнхий сайд огцрох асуудал яригдах үед "тодорхой алхам" хийчихээд суудлаа өгнө гэсэн утгаар хэрэглэж гаргасан үг. Тодорхой алхам хийх, байшин бол шаваа тавьчихаад, баримжаа гараад ирэхээр гэсэн утгаар хэлж байв.

6. エダる Эдарү

Дээрх Эдано гамшгийн үеэр байнга ТВ-ээр мэдээлэл хийж, хөөрхий 7 хоног нойргүй явсан байх шүү. Амралтгүй, нойргүй ажиллахыг "эданодох" гэж хэлцэх болжээ. .

7. エンディングノート Эндинг ноото

Эндинг ноото гэж кино гарсан. Би үзээгүй. Эндинг ноото гэж хэрэв ямар нэг байдлаар үхэлтэй тулгарахад өөрийгөө яамаар байгааг бичиж үлдээх тэмдэглэл гэсэн үг гэж ойлгосон. Тухайлбал оршуулгаа ингэж хийлгэнэ, ингээрэй, тэгээрэй, намайг ухаангүй болбол ингээрэй гэх мэт.

Би хувьдаа нэг тун ойрын хүнээс Эндинг ноото авч байсан. Тэгээд бурхан болоход нь түүний дагуу гүйцэтгэж байсан билээ.

8. おかわり君 окавари кими

Сайтама Сэйбү Лайнз гэсэн нэртэй бэйсболын багийн нэг тамирчин ярилцлагандаа "окавари" буюу хоол нэмэхэд хэлдэг үгийг "дуртай үг" гэж хэлснээс хойш хэвлэл тв энэ үгийг юм бүрд ашиглаад эхэлсэн юм гэж ойлгосон. Үнэндээ би ч энэ үгийг яаж хэрэглээд байгааг ойлгохгүй байгаа. Тэгэхээр энэ үг эхний 10 үгэнд орохгүй байлгүй гэж шууд дүгнэлээ яршиг.

9. 推しメン ошимэн

АКБ48 гэж 48 төрлийн охидоос бүрдсэн хамтлаг Японд байтугай гадаадад бут авч байна. 48 төрлийн гэдэг нь 48 янзын type байна гэж ойлгож болно. Тэгээд эрчүүдийн дуртай "төрөл" ямар нэг хэмжээгээр байх тул ингэж сайн гүйлгээтэй хамтлаг болоод байна гэж дүгнээд байгаа. За тэгээд энэ хамтлагтай холбоотой гарсан үг бөгөөд "санал болгох гишүүн" гэсэн утгатай.

10.お嬢様の目は節穴でございますか – Ожоосама но мэ ва фүшиана дэ гозаймаска

Эрхэмсэг бүсгүй таны мэлмий сохорсон юм биш биз гэсэн утгатай үг. Хоолны дараа нууцыг тайлъя гэсэн инээдмийн, адал явдалт зохиолд гарсан үг. Энэ үгийг хэрэглэмээр л байна, даанч нөхрөөсөө өөр хүнд хэрэглэж чадахгүй юм даа.

11. おねえキャラ Онээкяра

Энэ Японд ТВ-ээр эмэгтэй хүний хувцас өмсөж нүүрээ будсан эрчүүд нэлээн гарах юм. Зарим нь ч ижил хүйстэн, зарим нь ч биш. Гаднаа эрэгтэй болоод төрсөн ч дотор тал нь эмэгтэй гэсэн улс.Тэднийг онээкяра　гэж дуудаж байна.

12. 瓦礫 гарэки

гамшгийн дараах хог, сүйрсэн эд зүйлс, байгууламжийг хэлж буй үг.

13. がんばろう日本 Ганбароо Ниппон

Энэ үг энд хаа сайгүй харагдана. Хичээгээрэй Япон улс минь гэсэн утгатай. Гамшгийн дараа булдаараа сөхрөлгүй, шантралгүй, урагшаа босож тэмүүлж, хичээцгээе, мэрийцгээе гэсэн утгатай их хэрэглэж байна.

14. 絆 Кизүна

Энэ үг мөн л гамшгийн дараа энд тэндгүй бичигдсэн үг. "Холбоос" гэсэн утгатай үг. Салшгүй холбоос гэх ч юм уу. Бие биетэйгээ салшгүй холбоотой, амин холбоотой шүү дээ бид гэсэн утгаар хэрэглээд байгаа.

15. 帰宅難民 Китакү нанмин

Гамшгийн дараа гэртээ харих боломжгүй болсон хүмүүсийг хэлж буй үг. Тээврийн хэрэгсэл зогсож, хүмүүс гэртээ харьж чадахгүй явдал их болсон.

16. 君、きゃわゆいネェ Кими каваюүинээ

Чи яасан хөөрхөн золиг вэ, Чи ёстой хөөрхөн юм аа гэсэн утгатай үг. Хошин шогийн жүжигчин Шинго Фүжимори энэ үгийг гаргаж ирж хэрэглэсэн нь гоё сонсогдсон юм шиг байгаан. Би охиндоо байнга хэрэглэдэгийн.

Үргэлжлэл дараа

хүүхдийн хоол

2011-09-20T23:20:00.000-07:00

Зулзага бор хоол бага багаар идэж сурч эхэлж байна. Монголд хүүхдийн будаа, зутан, шингэн бантан, ээдэм зэрэг өгч оруулдаг гэж дуулсан. Харин энд надад монгол арга хэлж заах хүн үгүй тул япон аргаар хооллож эхэлж байна.

Үүнээс заримыг нь танилцуулъя:

Бор хоолыг 5 сартайгаас өгч эхлэх бөгөөд эхний хоёр гурван долоо хоног бол хүүхдийг халбага амандаа хийж, зууж, хооллож сурах гол зорилготой байна. Тиймээс их бага идлээ, тэжээл бага авлаа гэх зэргийг чухалчлалгүй халбаганд дасгахад л анхаарна.

Хоолоо амнаасаа эхэлж гаргаад байдаг нь хүүхдийн хэл хөх угж хөхөж сурсан шигээ халбагаа хөхөх гээд байдагтай холбоотой (юм гэнээ)

Гол үндсэн хоол нь будааны зутан. Будааны 10-тын зутанг бэлтгэхдээ: Агшаасан будаа 1 том хоолны халбага, 150 млгр ус. Агшаасан будаагаа усанд хийж 15 минут орчим зөөлөн гал дээр таггүй буцалгана. Буцалж байх зуур нь будаагаа халбагаар нялцайлгаж нунтаглаж болно. Галаа унтраагаад тагийг нь тавиад 10 минут болно. Дараа нь туйлын цэвэрхэн цайны шүүрээр шүүж гарсан шүүсийг өгнө. Шүүс ч гэж илгэн тараг шиг болсон байна. Шүүрээр шүүхдээ будаагаа халбагаар дээрээс нь дарж шүүсийг нь шахвал сайн гарна. Илүү гарсан шүүсийг мөс хөлдөөдөг саванд хийж хөлдөөж дараа нь хэрэглэж болно.

Үндсэндээ ийм зутан байхад дээр нь ногооны нухаш нэмээд өгөөд байж болно. Эхний хоёр долоо хоногт 10-тын зутан идэж байгаад гурав дахаас эхлээд зутан, ногооны нухаш хоёр өгч эхэлсэн.

Ногооны нухаш бэлтгэх:
1. Луувангийн нухаш:Луувангийн витаминтай хэсэг нь гадна талдаа тул хальсыг нь нимгэн авна. Тэгээд үрэгчээр үрнэ. Хоолны нэг том халбага үрсэн лууванг 100-150 млгр усанд буцалгана. Лууван сайхан зөөлрөхөөр нь шүүж аваад, гурил элддэг жижиг элдүүрээр сайтар нунтаглана. Тэгээд лууван буцалсан уснаас жаахныг хийж зутанархуу болгоно.

2. Амтат хулуу pumpkin Сайтар угааж, хальсыг нь аваад усанд буцалгана. Болоод ирэхээрээ аяндаа бутарсан байдалтай болно. Элдүүрээр түүнийгээ нунтаглаад, жаахан ус хийж зутан болгоод болно. Би хүүхдийн хуурай сүүг найруулдгаар нь найруулаад 1 том хоолны халбага хулууны нухаш дээр 60 млгр хийж зутан болгож өгсөн.

За тэгээд төмс, байцаа зэрэг бусад ногоог иймэрхүү байдлаар бэлтгээд байна.

Ногооны шөл бэлтгэх: Лууван,байцаа, сонгино зэрэг ногоо том хэрчээд чанаад шөлийг нь ногооны нухашаа зутан болгохдоо хольж хэрэглэж байна. Энэ их амар. Нэг бэлтгээд хөлдөөсөн байхад хэсэгтээ санаа амар хэрэглэчихнэ. Шөлөө шүүхдээ цэвэрхэн марль ч юм уу хэрэглээд тунгалаг болгоод авчихна. Японд хүүхдэд махан төрлийн зүйлээс цагаан махтай загаснаас эхэлж өгнө. Үхэр, гахай, тахианы мах 7, 8 сартайгаас өгч эхэлнэ. Үхрийн сүү шууд хэрэглэхгүй, хүүхдийн хуурай найруулдаг сүүг голдуу хэрэглэнэ. За нэг иймэрхүү байдлаар хооллоод, 6. 7 сартайгаас нь өдөрт хоёр удаа хооллодог болгож тоог нь нэмээд явна даа.

...

2011-09-13T22:26:00.000-07:00

Зулзагаа харж, зугаацуулах нэгэн сайхан ажилтай болж юун блог этэр вэ л байна. Ээж болсноор олон юманд суралцаж, өөрчлөгдөж байна. Явдаг зүглэдэг газрын зам өөр тийш дурайж, ярьдаг сэдэв ч өөрчлөгдөөд энэ нэг бяцхан нөхөр үг хэлж ярьж чадахгүй арчаагүй юм шиг хэрнээ хавийн томчуудыг харцаараа хөдөлгөөд л.Харцаараа хөдөлгөх гэснээс олон хүмүүс хүүхдээ авахуулдаг болчихно гээд уйлсан ч орхиод байж бай гэж их зөвлөх юм. Харин Японд эмч сувилагч болон элдвийн номон дээр авахуулмаар байвал аваад л бай, тэврүүлмээр байвал тэврээ л бай, тэгвэл ээж аав эргэн тойрондоо итгэх итгэл нь зузаарч, эх үрийн холбоо чангарч, хүүхдийн санаа сэтгэл амар амгалан байж, илэн далангүй, "дотогшоо" биш, нийтэч хүн болно гэж зөвлөнө. Хүүхэд тэврүүлэх гэдэг муу зан сууна гэдэг худлаа, эрх болно гэдэг ч худлаа, хүүхдэд ямар нэг шаардлага байгаад л тэврүүлмээр байгаа тул тэврүүлмээр байхад нь тэврээ л байх хэрэгтэй, угаасаа тэврэх үе ч богинохон учраас ийм хөөрхөн эгдүүтэй үед нь ээж нь ч гэсэн тэврээд байхгүй юу гэнэ.
Хожуу төрж гаргасан зулзага юм болохоор би бол зулзагаа уйлагнах шинж харагдав уу үгүй юу тэврээд л авна. 3, 4 сартайд ялангуяа тэврүүлэх гэх нь их байлаа. Харин одоо тэврүүлэх гэж уйлагнахаа байсан. Байдлыг нь хараад байхад үнэнгээсээ ч надад итгээд байдаг юм уу, газар дэвсгэр дээр тавьчихаад эргэн тойронд нь юм хумаа янзлаад, ПСдээд, хоолоо хийгээд яваад байхад хараад л хүлээгээд л байж байдаг болов. Муу зан сурсан юм алга л байна.
Өөрийнхөө байдлыг ийм тийм гэж дурдах нь хаашаа юм. Гэхдээ өөрийн туршлагаас ч гэх үү найз нөхдөдөө зөвлөхөд: тэврүүлдэг муу зан суучихна гэж айлтгүй тэврээ л байгаарай.

Одоо зулзага 5 сар гараад явж байгаа. Бид хүүхдийн дохионы хэл сурах гээд эхэлж байна. Хүүхэдтэйгээ хэлд ортол дохиогоор ойлголцоод ирвэл амар болно. Харин нялх хүүхдэд гар хуруугааа хөдөлгөөд дуулчих монгол дуу ховор юм. Япон дуу л сурахаас. Солгой хоолойтой юм болохоор дуулахаар хөөрхий муу зулзага хөгжмийн сонсголгүй, дуу буруу аялдаг болчих вий дээ гэж санаа их зовох юм. Энэ хоёр дуунд манай охин дуртай гэж жигтэйхэн. Дохионы багш заахаар бөөн баяр, намайг дуулахаар таг дүмбэ. Яалтай билээ, солгой хоолойтой ээжийг.

Санана даа №1

2011-06-12T23:41:00.000-07:00

Япон улсаас хэзээ нэгэн цагт явах үед санан үгүйлэх зүйлсээс:

Санана даа 1: Амар тайван байдал
Эргэн тойронд дугуйн зогсоолд хүүхдийн өнгө өнгийн эгдүүтэй дугуй, унаа тавиастайг харах дуртай. Хулгайлчихвий гэж айх зүйл алга бололтой. Улаанбаатарт гэрийнхээ гадаа ингээд тавибал яах бол. Нэн тэргүүд санах зүйл бол энэхүү амар тайван орчин юм.

Эко-арт

2011-01-19T23:54:00.000-08:00

Камакүрагийн Хасэдэра сүмд эко арт гэж хаягдал картон хайрцагаар хийсэн бурхадыг байрлуулжээ. Японы сүм ер нь "бизнес ухаан", "үйлчилгээ" их сайн шүү. Хүмүүсээс мөнгө өг гээд нэхээд байхгүй, очихоор иймэрхүү хүний сонирхол татах зүйл тавих, тавтай тухтай зугаалж явах нөхцлийг бүрдүүлж, хүмүүсийн өргөлөөр өөрсдийгөө болгоод байна. Очсон хүн ч амар тайван, амирлангуйг мэдэрч, нүдээ баясгаж, сэтгэлээ тайвшруулаад буцна.

Өдөр нь бол ийм харагдаж байлаа:

2011-01-19T23:35:00.000-08:00

2010.8.15

........Саяхан Монгол ТВ-ээр Борнуурын төмсчдийн ярилцлага үзэв. Өөрсдөө хотод төмсөө шууд худалдаалчих газаргүй, хүүхдийн сургалтын төлбөр этэр гээд ургац хураах цагаас өмнө төмсөө хурааж ченжүүдэд зардаг, хямдхан ченжүүдэд зарахаар нөгөөдүүл нь УБ-т элдэв төмстэй холих нь холиод, үнэтэй зараад байдаг, төмсчид төмсөө тариад олигтой орлого олдоггүй гэх мэт олон зовлон зүдгүүр байх ажээ.
Үүнийг сонсож суухад Японы дээрх нэвтрүүлэг санаанд орсон юм.

Японы Рүбикон но Кэцүдан гэсэн цуврал нэвтрүүлгийн саяхны нэгэн дугаараар сэкисаба гэдэг загасны тухай гарсан юм.

Японоор саба (хар амар загас?)гэж загас байх. Монгол нэршлийг сайн мэдэхгүй учраас саба гэдгээр явлаа шүү. За тэгээд саба сайхан амттай загас ч сүши хийхэд тэр бүр тохиромжгүй байдаг ажээ. Харин саба дунд Японы Оита мужид сэкисаба гэж брэнд болсон загас сүши, сашими хийхэд янзтай болдог гэнэ. Тансаг хоолны нэг. Нэг загас 5000 иэн орчим үнэтэй. Загасчид дунд сэкисаба баригчид бэлтэй, хөрөнгөтэй байдаг гсн.
Анх сэкисаба 200-хан иэн байсан гэжүгэ. Сэкисаба баригчид ч өнөөгийх шиг хөлжсөн байсангүй. Байдаг л нэг загас л байж дээ. Торонд нь орвол бараг хог гээд чулуудах нь чулууддаг байсан бололтой.
Тэгсэн нэгэн нартай сайхан өдөр Токиогийн нэг компаниас Оита мужийн загасны аж ахуйн компанид сэкисабагаа зараач гэсэн хүсэлт ирүүлжээ. Японд загасчид загсаа ченжүүдэд зарна. Ченжүүд цааш нь том ченжид зарна гэх мэт шат дамжлагатай.
Тэгээд л бизнэс чаанс гээд л баярлаад л өнөөх компани ченжүүдээс сэкисаба авч явуулжээ. Гэтэл өнөөх загаснууд нь гологдол болдог гэжүга. Хаа газар төстэй явдал байх байх. Ченжүүд загасчдаа дээрэлхэнэ, загасаа сайн муу холино гэх мэт. Загасчид ченжүүдтэй хэрэлдэхээр дараа нь хандах хүнгүй болно гэж айна. Ингээд ченжүүдээс загас авахгүйгээр, шууд загасчдаас загас явбал яасын гэж компани сэтгээд загасчидтай шууд уулзаж чанартай загас газар дээрээс нь авахаар шулуудна. Загасчдыг цуглуулаад хуралдаад, манайд шууд зараач гэтэл загасчид "нөү шүү" гэцгээв. Учир нь загасчид ченжүүдээс айгаад шууд зарж чадахгүй байлаа. Компани загасчдыг нэг нэгээр нь ятгаж, гуйж гувшиж гүйсээр сүүлдээ сэкисабаг илүү үнэтэйгээр худалдаж авъя гэж санал тавив. Тэгсэн ч санаснаар хурдан бүтсэнгүй. Удаан хүлээсний эцэст нэг загасчин сэкисаба авчирч өгч баярын тэнгэр нь болж. Уламжлал ёсоор загасыг шууд тоолж үнэ өгдөг байсан бол компани сэкисабаг авахдаа жинлэж үнэ өгдөг шинэ практик гаргаж, загасчдад тааламжтай нөхцлийг бүрдүүлж өгөв. Ингээд загасчдаас ашгүй нэг сэкисабагаа авдаг болов. Дараагийн асуудал борлуулалт. Компани сэкисабаг Япон даяар борлуулж, ашиг олохгүй бол зарлага орлогоосоо даваад байлаа. Компани энэ тэнүүгээр хөлөө хугалтал гүйж, сэкисабагаа магтаж, дуулж, сурталчилж, сашими хийж зараач гэж гуйж гувшаад, тоодог газаргүй. Хүмүүст сэкисабаг түүхийгээр нь сашимид идэхэд амттай гэдгийг батлахын тулд хими, шинжлэх ухааны туршилт хийж батлаад, дараа нь загасны мэргэжилтнүүдэд амсуулж амтлуулж баахан ажил үйлс өрнүүлэв. Ингээд удалгүй сэкисабаг хүмүүс мэддэг болж худалдаа наймаа ч өрнөж эхлэв. Анх 200 иэн байсан сэкисаба хэдхэн жилийн дараа 1500 иэн болж үнэтэй, тансаг хоолны нэг болжээ. Өрнүүн сайхан байтал дараагийн проблем гарч ирэв. Юу гэвэл хуурамч сэкисаба. Үнэтэй загас гарч ирж хүмүүс дуртай худалдаж авахын зэрэгцээ хуурамчаар сэкисаба гэж зардаг явдал газар авав. Тэр бүртэй тэмцэж хэрүүл хийж явбал барахгүй ажил болох байв.
Компани яах уу гээд л толгойгоо базлана. Хуурамч сэкисабагаас болж бизнес буурч эхэлнэ. Компани бодон бодон эцэст нь гайхалтай мэргэн шийдэл олсон гэж байгаа. Тэр нь сэкисабаг "брэнд" болгох явдал байлаа. Өөрөөр хэлбэл сэкисабаг брэнд болгож, улсад бүртгүүлснээр өөр газар нутаг үүнийг ашиглах боломжгүй болж, зөвхөн Ойта мужийн тэр л газраас барьсан саба сэкисаба гэсэн тэмдэгтэйгээр худалдаалах эрхээ авав. Хуурамч сэкисабаг ийнхүү дарж авч, дархан цолоо мандуулжээ.

Нутаг нутаг өөрсдийн онцлог барааг брэнд болгож бүртгүүлж, түүнээ бизнес болгож, хамгаалах боломж бол бий. Харин Монголд брэнд бүртгүүлэх нь хэр байдгийг сайн мэдэхгүй юм. Улиастайн улаан сармис, Увсын ягаан жамц давс, чацаргана, Борнуурын төмс гэх мэтээр ч юм уу брэндээ гаргаад, баталгаажуулж бүртгүүлчихээр бүтээгдэхүүнтэй байвал... гэж бодогдов.

Journey - Don't Stop Believing (Live)

2010-07-20T00:49:00.000-07:00

ном уншлага

2010-07-19T21:38:00.000-07:00

Ноблийн шагналт, Унгарын зохиолч Имрэ Кертээзийн зохиол "Мөрдөн байцаагчийн түүх" ном. Энэ ном бол 2010 онд миний хийсэн, хийх номын наймаанд хамгийн сор нь болох ном гэж шууд шалгаруулав.
Хэлмэгдүүлэлт, дарангуйлал, хүний мөс чанар, харгислал, хувь заяа.... ийм цөөхөн хэдэн хуудсанд тийм том санаа, үйл явдлыг ингэж мундаг илэрхийлж гаргана гэдэг...Уншаад өөрийн эрхгүй 1937 оны хэлмэгдэлтэд өртөгсдийг бас хэлмэгдүүлэгчдийг төсөөлж бодов. Зүрх зүсэм...

шинэ хүүхэлдэй

2010-07-19T21:12:00.000-07:00

Японы хүүхэлдэйн кино бүтээлээр дэлхийд алдаршсан Жибли студийн шинэ уран бүтээл Каригүраши но Ариэтти киног үзэв.

Жибли студийн кинонуудыг дахин дахин үзээд үзээд уйдаж залхана гэж байхгүй, гайхалтай хурц санааг гайхамшигтай уран дүрслэлтэй үзүүлдэг. Хүүхэд, томчуудгүй үзэхэд сонирхолтой, бас ямар ч орны хүн үзсэн ойлгомжтой байдлаар киногоо хийдэг онцлогтой. Жиблигийн шинэ уран бүтээл гарах сургаар л догдлоод л хүлээсээр ашгүй нэг юм ингэж үзэж, сэтгэлийн цангаа тайлав.
Жиблид би үнэхээр хайртай. Анх Японд ирчихээд дасаж өгөхгүй, бас ар гэртээ санаа зовоостой сэтгэл санаа тогтворгүй, соёлын шоконд ч орсон байсан уу, хэл ус мэдэхгүй ганцаардсан үед Жиблигийн Сэн то Чихиро но Камикакүши хүүхэлдэйн киног үзээд, сэтгэл гэдэг орвонгоороо эргэж, энэ улсад ихийг үзэж суралцах ёстойгоо ойлгосон ч гэх үү. Ийм гайхалтай соёл, заншил бас үүнийг ингэж илэрхийлж гаргаж байгаа ухаант хүмүүсийг хүндэлсэн ч гэх үү. За тэгээд хүүхэлдэйн киноны "магнат" Миязаки Хаяог мэдэхгүй хэн байхав. Саяхан Хаяо найруулагч "АйПад" этэрийг "discusting" гэсэн гсн. За хадуурах нь.

Жиблигийн энэ жилийн уран бүтээл нь Каригүраши но Ариэтти буюу махчилбал Зээлдэн амьдрагч Ариэтти хэмээх оодой бяцхан хүмүүсийн тухай кино.

Ер нь Жиблигийн кинонуудад нийтлэг байдаг хэдэн зүйлс байгаад байх шиг байгаан. Тухайлбал, хүн гээч этгээдээс болж байгаль дэлхийн үзэсгэлэн гоо аажмаар устан алга болсоор буйг илэрхийлэх, мөн айлын ааштай байрын муур, нохой хэнэггүй царайлж байгаад гол баатарт тусалдаг, бас "энэ сайн баатар, энэ муу баатар, муу баатарыг алж бүрмөсөн устгасугай" гэсэн агуулга гаргаад байхгүй, зүгээр л хүний мөн чанарыг л харуулдаг гэх мэт. Шинэ уран бүтээлд ч энэ санаанууд шингэснийг харах болов уу.

Үзээд дуусахад гэгээлэг хэрнээ бас гуниг төрүүлж байлаа. Гуниг гэдэг нь гунигтай кино гэдэг утгаар биш шүү. Хүн бидний мөн чанар, бас хорвоо дэлхийн устаж мөхөж буй ховор сайхан зүйлсийг бодоод л.

山口百恵 - さよならの向う側

2010-06-29T02:13:00.000-07:00

80-тай эмгэн болов

2010-06-25T03:08:00.000-07:00

Саяхан хугас өдөр 80-тай эмгэн болж холхив. Хөл гар гэж хүнд, алхаа гишгээ удаан, мойног хуруу, чих дүлий, нүд гэж сохор номин... Хөөрхий муу эмээгээ бодож өрөвдөв. Өөрийгөө нэгэн цагт ийм болох нь дээ гэж бодохоор айдас ч төрөх шиг.
Хугас өдөр эмгэн болж, шатаар өгсөж, дэлгүүрээр наймаа хийх гэж оролдож, сонин сэтгүүл дэлгэж, мөнгө төгрөгөө тоолж, гар утсаар оролдож, хүн амьтантай ярих гэх мэт хэд хэдэн даалгаварыг биелүүлэх гэж "үйлээ үзэж, үгээ хэлэв".

Японд дэлгүүр хоршоо, гар утасны үйлдвэр, настай хүмүүст зориулж бараа таваар үйлдвэрлэгчид, барилгын компани, автобус, метро гэх мэт тээвэр үйлчилгээний газар гэх мэт үйлчилгээний газрууд иймэрхүү байдлаар хөгшин, настай хүмүүст үйлчилгээ нь хэр нийцтэй байгааг шалгаж судална. Албан тушаал нь ахих тусам ийм хувцас хэрэгсэлтэй байх хугацаа нь уртсах бололтой. Жишээ нь менежер бол хагас өдрөөс бүтэн өдөр болох гэх мэт. Нүдний шил, хөл гарт зүүх хэрэгсэл зэрэг нь 70, 80 хүрсэн хүн ямар байх вэ гэдгийг судалж хийсэн эдлэл.

Үүнээс гадна үлдсэн хугас өдөр нь хараагүй болон тэрэгтэй хүний оронд орж, зовлонг нь ойлгож, тэдгээр хүмүүст хэрхэн үйлчилж туслах вэ гэдгийг судалж үзэцгээв.

Үйлчилгээ гэдгийг иймэрхүү байдлаар сайжруулж явдгийг Монголд нэвтрүүлэх юм сан.

Уран зохиолд дуртай хүмүүст

2010-03-08T17:09:00.000-08:00

Монголын уран зохиолд дуртай, сонирхдог, уншдаг хүмүүст ардын уран зохиолч С.Дашдооровын тухай мэдэж танилцахад зориулж энгийн, танилцуулга-веб рүү орж үзнэ биз ээ.
http://dashdoorov.com

Японы алга дарам газар

2009-11-10T02:12:00.000-08:00

Японы өмнөд зүгт оршдог Окиноторишима- Японы хамгийн жижиг арал. Далайгаас цухуйсан энэ хэсэг алга дарам газар гэх нь хаашаа юм, дундаж асар майхны хэмжээтэй юм шиг байгаа ч ач холбогдлын хувьд нэн тэргүүнд ордог, ёстой л бие бага ч бэлчээр томтой гэлтэй. Энэ цухуйсан газрыг далайд оруулчихгүйн тулд эргэн тойронд нь хамгалаалт босгож, хашаад түгжээд лацалсан. Арлын эргэн тойрон улсын хараа хяналтанд байдаг бөгөөд хамаагүй хүмүүс дураараа очиж явж болдоггүй, өндөржүүлсэн хамгаалалттай. Хятадууд энэ газрыг арал биш, хад чулуу гэж үздэг ч хүн, амьтан амьдрах ямар ч боломжгүй энэ жижиг газрын төлөө Япончууд олон жил тууштай тэмцэж, нүдний цөцгий мэт хамгаалж буй. Ингэхийн учир нь үүнийг арал гэж тооцсоноор эргэн тойрны 400 мянган километр квадрат талбай эдийн засгийн онцгой бүсэд тооцогдож, ингэснээр Япон энэ талбайд далайд олборлолт, загас барих гээд аж ахуйн үйл ажиллагаагаа чөлөөтэй эрхлэх юм. Мөн энэ арал батлан хамгаалах, цэргийн зориулалтаар ашиглахад нэн тохиромжтой байршилтай.

Хятадуудын хад чулуу төдий зүйл гэж үзэж байгааг үгүйсгэх гэж хоёр гаруй жилийн өмнө арлын далайд байгаа хэсэгт тулгуурлаж нарны гэрлээр ажилладаг гэрэлт цамхаг барьчихсан. Одоо усан онгоцны боомтны байгууламж барихаар томоохон мөнгө төлөвлөчихсөн. Алдаж болохгүй "алга дарам газар аа, түүний амт аа" гэж.

нэт, кино

2009-11-01T19:25:00.000-08:00

Өнгөрсөн сар Японы Токиогийн дүүргийн шүүх интернэтээр зурагтын нэвтрүүлгийг зөвшөөрөлгүй тавьж, төлбөртэй үзүүлж байсан этгээдийг шүүж Зохиогчийн эрхийг хамгаалах хуулийг зөрчсөн хэргээр 5 сая иэний торгууль, 3 жилийн хорих ял, 5 жилийн тэнсэн ногдуулж, компанийг нь 20 сая иэнээр торгов. Винни p2p file sharing програм зохиож гаргасан программистыг 1.5 сая иэнээр торгож, Виннигээр зохиогчийн эрхийг зөрчиж файл дамжуулж хуваалцаж байсан этгээдүүдийг баривчилсан хэрэг хэдэн жилийн өмнө гарч байсан. Түүний дараа Share хэмээх програм бас гарч, түүгээр зохиогчийн эрхийг зөрчиж, анимэ дамжуулцгааж байсан 3 нөхрийг баривчилсан хэрэг өнгөрсөн жил гарсан. Гэхчилэн Японд интернэт хэрэглэж зохиогчийн эрхийг зөрчих гэмт хэрэгтэй тэмцэх тэмцэл нь эцэж цуцашгүй, шийтгэх шийтгэл нь чанга хатуу. Ирэх жилийн 1 сараас интернэтээс зохиогчийн эрхийг зөрчиж тавьсан дуу хөгжим, кино, ном, нэвтрүүлэг, файл зэргийг татаж авахад гэмт хэрэгт тооцохоор хуулиа өөрчлөв. Улам л чангалж байна.

Сая Солонгост суралцагч Монгол оюутны холбоо сайтын Сонор мялаах мэдээ буланд Би чамд хайртай 2 киног шууд үзэх линкийг тавьсан байх юм. Зохиогчдод бол ямар юмны сонор мялаах мэдээ байх вэ. Мэдээж үзэж байгаа хүмүүст бол үнэгүй юм нугасгүй, шууд үзэх сайхан. Харин ийнхүү интернэтэд монголын шинэ киног шууд тавьж байгаа хүмүүсийг яамаар ч юм бэ дээ. Монголын тв-үүдээр гадаадын киног дураараа сайхан үзүүлдэг нь дүүрч гэхэд монгол киногоо ингэж тавихгүй байвал зүгээр сэн. Оюуны өмч, уран бүтээл туурвигчдын хөдөлмөрийг үнэлж, тэд ажил хөдөлмөрийн үр шимээр ашиг орлого олж, дараа дараагийн урлаг, соёлын хөгжилд хувь нэмэр оруулж, хөгжиж дэвжвэл, бидний үзэх юмс арвижах сан.

хммм

2009-10-21T16:20:00.000-07:00

Ёстой ичиж үхмээр зураг гэж үүнийг л хэлэх байх. 2009 оны хамгийн эмгэнэлт инээдмийн зураг гэвэл шууд шалгаруулмаар.
Яршиг, ууна аа, уучаад "Арван ембүү хараад алгаа тосдог аав уу даа хөө, Хорин ембүү хараад хормойгоо тосдог ээж үү дээ хөө" гэж дуулнаа.

Үнэмштэл бүлтрэх ээ гэж

2009-10-16T06:49:00.001-07:00

Witness - Silent Bombs: All for the Motherland

2009-09-08T04:22:00.001-07:00

Казахстаны Семипалатинскт дөчин хэдэн жил газар дээр болон хөрсөн дор цөмийн туршилт хийж, улмаар цөмийн зэвсгийн хор хөнөөлийг нутгийн оршин суугчид арван үеэрээ үйл лайгийн нь үүрч амьдрах тавилантай болжээ. Их гүрний нэг хэсэг, цөөнх байхдаа ямар ч их зовлон, доромжлол үзэх юм бэ дээ. Манай Монголын казак түмэн ёстой харин тааваараа байгаа даа.
Нүдэн дээр нь цөмийн туршилт хийж байхад хараад л саравчлаад суух нутгийн хүмүүс...албаар хэл мэдэхгүйг нь далимдуулж бага ястны Орос хэлгүй цэргүүдийг ажиллуулж сураггүй алга болгоод л...цөмийн туршилт хийсэн газар хонхой үүсэж ус тогтоход нууртай боллоо гээд баярлаад л... Юу болсон тухай энэ баримтат киноноос үзээрэй. Нэг, гуравдугаар хэсэг нь Юүтүб дээр бий.

must read book

2009-09-03T17:46:00.000-07:00

За энэ номонд би бүр орчихлоо. Жаахан зав боломж юу л гарна хуудас хуудсаар ахиулж унших гээд, уншснаа бас эргэн унших гээд, хурдан хурдан уншиж дуусгах гэж яараад, нүд салгахгүй тасралтгүй уншмаар. Үнэндээ уншаад номын талд ороогүй байгаа ч бүр сэтгэл хөдлөөд, блогт бичмээр санагдчихлаа. Сайхан ном уншихаар бүр сэтгэл хөдлөөд, жаргал мэдрээд байдаг даа. Баримтат түүхэн материал дээр үндэслэсэн ном болохоор бүр чиг шимтэж, КГБ гэж домог шиг л мэдэхээс цаашгүй байсан хүн баримт фактыг ингэж анх удаа уншиж байна. Ямар хөрштэйгээ мэдэж байхад энэ номыг заавал унших хэрэгтэй гэж санал болгоё.

КГБ-ийн ахлах архивч Митрохин КГБ-ийн дэлхийн хоёрдугаар дайн болон төмөр хөшигний үеийн тагнуулын үйл ажиллагааны мэдээ баримтыг Англид гардуулж өгснөөр КГБ-ийн түүхийг түмэн олонд дэлгэжээ. Яаж тагнуулчдыг бэлтгэж, тэд яаж ажиллаж, бас ямар гайхалтай сэтгэж, бодож, хэрэгжүүлж, зарим үйл ажиллагаа нь дэлхийн түүхийг эргүүлж, хөврүүлж, холбируулж байсныг ёстой дэлгэрэнгүй мэдэж авах юм.
MUST READ BOOK!

Алтан ураг

2009-07-31T06:04:00.000-07:00

Гадуур явж байгаад Жапантаймсын (Japantimes) үнэгүй тараадаг Japantimes Weekend сонинг олж аваад үзтэл Японд жил бүр болдог Фүжи Рок гэх рок хөгжимд дурлагсдын алдарт баяр наадмын тухай сурвалжлага байлаа.
Тэр дунд дараах өгүүлбэр байгааг хараад сэтгэл ихэд хөдөлж баярлав:

"Who, for instance, could have expected a band of traditional Mongolian musicians to rock as heavily as Black Sabbath? Altan Urag managed exactly that, helped by a formidable female drummer who added extra wallop to their dirgelike riffs. It was enough to drive the audience into a frenzy when they played at the night live house Crystal Palace in the Palace of Wonder"

Black Sabbath-тай зүйрлэнэ гэдэг....Алтан ураг та нар шүү.

Lion kiss (Арслан хүн хоёр 2)

2009-07-02T17:08:00.001-07:00

Christian The Lion

2009-07-02T16:58:00.001-07:00

Арслан хүн хоёрын үерхэл нөхөрлөл

2009-06-23T04:40:00.000-07:00

Оновчтой шийдэл?

...Японд CO2-ыг бууруулж, ирээдүйг аврахын төлөө жил бүр өдийд тог унтрааж лаа асаадаг хөдөлгөөн өрнөөд л. Энэ жил өмнөх жилүүдээс нэлээн өргөн хүрээтэй, хөл хөдөлгөөн ихтэй болж байх шиг байна. Аймаг дүүргүүд ч идэвхтэй оролцоод, өнгөрсөн амралтын өдрүүдээр энд тэндгүй лаа асааж романтик уур амьсгал үүсгэв. 7 сарын 7-нд сүртэй лаа асаах болов уу гэж. Компани, байгууллагууд ч энэ субботникт оролцож, байрныхаа тогийг тодорхой цагт унтрааж, нэг талаас өөрсдийгөө сурталчилж нөгөө талаас нийгмийн үүргээ биелүүлж буй аж.
Гэтэл нэг компани энэ кампаант ажилд оролцож байгууллагын тогоо унтраах уу яах уу гэж нэлээн бодож тунгааж сүйхээт арга олсон нь яг тэр цагт нь "хөшгөө буулгах" байв. Нүд хуурсан юм хийж байгаа ч юм шиг хачин. Нөгөө талаас яг л "Японы нийгмийн сэтгэлгээний нэг илэрхийлэл үү" гэлтэй. Нийтийн ажилд "огт оролцохгүй хойрго байгаа юм шиг харагдахгүй", тог унтраая гэсэн зорилго зүтгэлд нь "саад болохгүй", ямар нэг байдлаар бусадтай нэг адил байж харагдах гэсэн үзэл сэтгэлгээ???

Багшаа голов?

...Англи хэлний хичээл. Баахан япончууд...Ирланд багш нэг нөхрөөс ямар ажил хийдгийг асуув. Мань нөхөр компьютэрийн мэдээллийн хадгалалт (storage) хариуцдаг юм.
- Компьютаа дата стрээжи (storage гэдэг үгийг япончилж иймэрхүү дуудлагатай болчихсон).
Багш стрээжи гэдэг үгийг сонсоод огт ойлголгүй гайхаж дахиад лавлав. Шавь унаган англи хэлтэй хүн англи үгээ мэддэггүй юм уу гэсэн янзтай өөдөөс нь бүр ч их гайхав. Хэд хэд асууж хариулсны эцэст багш бичүүлж үзээд нэг юм ойлгов болтой Аан тийм үү, стөрэж юм байна шүү дээ гэлээ. Манай нөхөр толгой сэгсэрч "Ноү Ноү багш аа, стрээжи...стрээжи" гэж нерв хөдөлсөн болтой багшийн хэлснийг засаж, бусад нь ч багш аа стрээжи юм шүү гэж бухимдангуй байдалтай багшид заацгаав. Багш англи дуудлагаар стөрэж юм аа гэж тайлбарлах гэж оролдсон нь ч ойлголцолд хүрсэнгүй. Стрээжи стрээжигээр үлдэв.

Ай лав юүү

2009-06-18T04:53:00.000-07:00

Тайзан дээр. Гитарчин эр басс гитарчинд хандан асуув:
- За одоо ямар дуу тоглох билээ?
- Ай лав юүү....
- Ай лав юүү түү... Тэгээд ямар дуу тоглоно гэнээ?

"What Goes Around Comes Around"

2009-04-28T21:56:00.001-07:00

Наги Нода гэх авъяаслаг бүсгүй энэ дэлхий дээр тун богинохон амьдрахдаа гайхалтай санаануудтай бүтээлүүд хэд хэдийг гаргасны нэг нь Кока Колагийн реклам. 2003 онд Юки гэх дуучны Sentimental Journey дууны клипийг хийхэд гаргасан санаан дээр үндэслэж энэ рекламыг бүтээжээ. Клип гэдгийг зүгээр нэг видео кино бус харин шинэ урлагийн бүтээл болгож харуулснаар Нода бүсгүй олныг гайхуулж бишрүүлж чадсан юм.
Уг нь улам сонирхолтой, өвөрмөц санаа ихийг гаргах байсан байх. Даанч хорвоогийн жам гэж хатуу ч юм аа даа. Хөдөлмөрч, бүтээлч, авъяаслаг бүсгүйчүүдэд бурхан минь урт нас хайрлаарай.

2009-04-28T04:30:00.000-07:00

Энд тэндхийн яриа чалчигнал

***
- Чи ёстой сайхан аа. Нөхөртэй... Өөр амьдралаас юу ч хүсэх вэ дээ. Ажил төрөл гээд санаа зовоод байх ч зүйлгүй, мөнгө төгрөгийг нөхөр чинь олчихно. Ажил гэж зовохгүй болохоор дуртай зүйлээ хийж болно. Би ч өдөржин ажил ажил гэсээр хөгширлөө.. Чи гоё юм аа...
- Харин чи гээч. Ганц бие байхдаа л сайхан энэ тэр газраар тэнэж зугаалж авдаг байж гэж харамсдаг юм. Одоо чи ганц бие байх үедээ л сайхан эрх чөлөөгөө эдэлж авах нь дээр. Би ч өдөржин гэр гэр гэсээр л нэг айлын авгай л болчихлоо. Чамайг харахаар гоё эрх чөлөөтэй, дуртай газраа дуртай үедээ явж болно гээд л... гоё юм аа.

Бодол: Хүний нүд өөрт байгаа зүйлээсээ илүү байхгүй зүйлээ олж харахад юутай гярхай юутай хурц вэ. Өөрийн байгаа зүйлдээ сэтгэл ханамжтай байж сурах гэж явсаар амьдарсаар дуусдаг ч юм уу.

***
- Ойрд ядраад нойр олигтой хүрэхгүй, өдөр толгой өвдөх юм.
- Харин чи намайг бодоход гайгүй ээ. Угаасаа бие сайтай хүн биз дээ. Би бүр ядраад нойр хүрэхээ байгаад дээр нь ходоод өвдөөд байх болсон.
- Үгүй ээ, харин чи гайгүй шүү дээ. Миний толгой өвдөхөөс гадна бөөр ч юм уу юу ч юм ар нуруугаар хөшиж өвдөөд сууж явахад хэцүү юм.
- Тэр юу ч биш ээ. Би бүр нэг өдөр толгой манараад түргэн дуудах нь халаг болсон. Даараад байгаа юм уу ойрд бас давсаг саваар өвдөөд байх шиг байна.
- Тэр ч гайгүй ээ. Миний бүр үс унаад, гар салгалаад байх болсон шүү дээ.
- .....
- .....
- Үгүй ээ, тэр Д ямар сайхан бие сайтай юм бэ. Өглөө эрт түүртэхгүй босоод л ажилдаа явж байх юм.
- Чухам аа. Д ч угийн бие хаа сайтай хүн юм.

Бодол: Хүний өвчин зовлон үргэлж бусдынхаас илүү хэцүү, хүнд, аймшигтай санагдаж, нэг л мэдэхэд үүгээрээ бүр өрсөлдөөд л. Бүгд л аз жаргалыг хайдаг хэрнээ яг жаргалтай үедээ тэр аз жаргалаасаа айж эмээж, үгүйсгэж эхэлнэ.

***
- Төслийн материалд чиний бичсэн энэ хэсэгт алдаа гарчихсан байна.
- Хаана? Юу гэнэ ээ?
- Буруу мэдээлэл орчуулчихсан байна. Засах хэрэгтэй байна.
- Юу гэнэ ээ? Аль? Чи өөрөө харин энд алдчихсан байна ш дээ. Харж байна уу?
- Өө тийм үү.
- Тийм үү сээд байх юм алгаа. Өөрийнхөө алдааг эхэлж олчихож байвал зүгээр сэн. Өөрийгөө ер нь юу гэж бодоод байгаа юм бэ. Өөрийгөө л хичээвэл барав. Хийж байгаа нь их юм. Өөрөө хийсэн бол яаж алдаж байх бол оо. Чадаж байгаа нэгэндээ саад болохоо болимоор юм. Ганц нэг андуураа л биз. Сүртэй юм....бла-бла-бла

Бодол. Өөртөө дайсан нэмье гэвэл хүний хийснийг шүүмжлэх, алдааг нь хэлэх хэрэгтэй юм байна гэдэг үнэний хувь ихтэй юм байна.

***
- Юу болсон гээч. Би өчигдөр явж байгаад Г-тай тааралдаад. Ёстой санаандгүй таардаг байна ш дээ. Хүүхдээ тэвэрчихсэн явж байна лээ....
- Тийм үү. Г нөхрөөсөө салаагүй байна уу? Хүүхэд нээрээ хөөрхөн шүү. Манай дүү нээрээ төрөөд, охинтой болсон ш дээ. Зургийг нь явуулсан чинь ёстой муухай охин байна лээ.
- Хөөх ямар гоё юм бэ. Яанаа бид хэзээ төрөх бол оо. Хурдан хүүхэдтэй болъё оо бүгдээрээ. Чамайг хүн эргүүлж байна уу? Хөгширлөө шүү бид.
- Харин тийм ээ. Дулмаа нээрээ жирэмсэн гэж байна лээ. Би нээрээ Дулмааг эртээр дэлгүүрт явж байхыг нь харсан ш дээ. Нэг залуутай явж байна лээ.
- Тийм үү. Найз нь юм байх даа. Нээрээ би сая нэг залуутай танилцаад аа. Бүгдээрээ хамт нэг уулзаж суух уу.
- Тэгье л дээ. Хэзээ уулзах вэ? Би ойрд ажил ихтэй. Ажил гэж арзайсан муухай юм байна. Хурдан ажлаасаа гарах юм сан.
- Чухам аа. Би бас ажлаасаа гармаар байна. Ажлаас гарах гэснээс манай ажлын Баатар ганц бие юм байна лээ ш дээ.
- Тийм үү. Танилцуулаач ээ.....бла-бла-бла

Бодол. Хүүхнүүдийн яриаг ойлгох гэж хичээхийн хэрэг огт байхгүй. Хүүхнүүдийн яриаг гольфийн төвд зэрэгцэж зогсоод нэгэн зэрэг бөмбөг цохихтой адилтгаж болно. Тэдний хувьд бүгд ярих гэсэн зүйлээ ярьж, сонсох гэсэн зүйлээ л сонсохоос логик, дэс дараалал, нэг нэгэндээ ярих боломж олгох баланс этэр ер хамаагүй юм.

Did You Know

2009-04-26T17:52:00.001-07:00

Singing revolution

2009-04-13T06:22:00.001-07:00

1980-аад оны сүүл 90 -ээд оны эхээр ардчилсан хувьсгал болсон үеийн түүхээ бид бүгд л мэднэ. Зориг агсаныг үг хэлэхэд бүгд яаж дагаж байсан бас Хонх хамтлагийн дууг яаж түрэн дуулж байснаа дурсан ярихдаа бахархдаг. Тэгвэл энэ хувьсгал бусад улс орнуудад хэрхэн болж өнгөрсөн бэ?
(Бүгдийг нь нэгтгээд нэг кино хийчихдэггүй юм байх даа... )

...Эстонийн ардчилсан хувьсгалын түүхийг харуулсан The Singing Revolution баримтат киног үзэхгүй бол болохгүй кино юм. Бальтын дуучин орон Латви, Литви, Эстони гурван улсын хоёр сая хүн гар гараа барилцан 600 километр урт цуваа болон дуулалцан жагссан түүх үнэхээр сэтгэл хөдөлгөм юм. Бальтын ард түмэн үнэхээр дуучин ард түмэн юм байна. Бас халуун оргилуун цустай ч юм. Зоригтой ч юм. Хэдэн жил хамтдаа дуулсаар байгаад тусгаар тогтнолоо олж авсныг нь бахархахаас яахав.

....Хувьсгалын хэв маяг өөрчлөгдөж байна даа. Цаг хугацаа өнгөрөх бүрийд Холливүдийн киноны зэрлэг балмад явдал улам хурц хэлбэр рүү шилжиж байгааг хараад сүүлийн үед хүмүүс догшин болоод байгаа юм уу гэж бодогдох юм. Киноны хэр барагийн аллага хядлага хүний сэтгэлийг хөдөлгөхөө больчихож. Үүн шиг хувьсгал хийхэд тэмцлийн хэлбэр, гарах үр дагавар хэрцгий рүү л шилжээд байна уу даа...

миний буян

2009-04-05T20:47:00.000-07:00

Би ер нь өөрийгөө буянтай хүн юм гэж тоох болоод байгаа. Угаасаа л буян хурсан хүн л дээ. Гэхдээ миний үйлдээд байгаа буян өөрт илт мэдэгдэхүйц болж ирж байна. Юу вэ гэхээр бусдад буян хийх боломж олгож, хойд насанд диваажинд ороход хэрэг болох визийг баттай өгч буй маань надад ч, бусдад ч буян хураах том үйлс болоод байгаа юм. За бүр товчхондоо хэлбэл, надад зайлшгүй хэрэг болоод байгаа эд зүйлийг бусдаас гуйх, зээлэн авдаг зуршлынхаа хүчээр би өдий зэрэгтэй явж байна гэх үү дээ. Юм элбэг дэлбэг, за тэгээд эдийн засгийн хямралаар эд барааны үнэ буурч байгаа үед хүмүүс хэрэгтэй зүйлсээ захын дэлгүүрээс худалдаад авчих боломжтой болж. Хажуу айлын хүнээ ч танихгүй, хүмүүс хоорондын харилцаа унтарч, бүгд л дор дороо хувиа борлуулах болж.
Хүн хүндээ хэрэгтэй, шаардлагатай зүйл юу байна лавлаж асуудаг, дэмжиж туслан, зээлэх, зээлдүүлэх сайхан заншил устан үгүй болох нь уу үгүй юу гэж сэтгэл эмзэглэх юм. Ийм цөвүүн цагт миний бие ерөөс өөрт хэрэгтэй зүйлээ өөрөө худалдан авах амиа бодсон, бэлэнчилсэн аргаас зайлсхийж, харин оронд нь бусдаас гуйж, тэдэнд "бусдад туслах" гэсэн сайхан сэтгэлийг нь бадраахад хамаг л зүйлээ зориулъя гэж шийдсэн юм. Хүмүүс ч дуртай байгаа нь тодорхой. Эхнээсээ л авахуулаад май, ав ав, тэг тэг гээд л өгөөд байна. Бусдын гэрт зай эзлээд хэвтэж байснаас манайд байг л дээ. Ялгаа юу байна. Манайд одоо ДВД тоглуулагч, баахан двднүүд, хайруулын тавга, будаа агшаагч, тавга, аяга, халбага сэрээ, ном дэвтэр, бал үзэг харандаа гээд бусдын эд зүйлс миний эзэмшилд байна. Буцааж өгөх тал дээр надад нэгэн бодол бий. Иймэрхүү мөнх бус, эвдрээд хог болоод дуусдаг, цэцгэн настай материаллаг эд баялагт сэтгэлээ дөнгөлүүлсэн хүмүүсийн төлөө зээлсэн зүйлийг нь буцааж өгөхгүй байя гэж бодоод байна. Бурхан багш, Далай лам ч зөндөө л сургаж айлдсан. Материаллаг зүйлд хэт дасан, хойноос нь ухаанаа тавин элдэн хөөвөөс өөрийгөө л зовооно, шуналын тулам болно гэж. Тиймээс сэтгэлд суусан шуналын шулмын ад зэтгэрээс залгахын тулд тэдгээр эд хогшлыг өгөхгүй, өөртөө л байлгая, яршиг төвөг би л тэр нүглийг үүрье гэж бодлоо. Тэгээд ч ер нь тухайн зүйлийг би өдөр бүр биш ч үе үе хэрэглэх шаардлага гардгаас хойш байн байн эргэж зээлж аваад байх нь аль алиндаа төвөгтэй.

Гэтэл зарим нэг бүдүүлэг, эдийн шуналдаа хэт автсан нөхөд зээлсэн зүйлийнхээ хойноос үхэн хатан утасдан барин гүйх юм. Больцгоомоор юм. Иргэний хуулиа уншвал эд зүйл үнэ төлбөргүй зээлсэн тохиолдолд эзэнд нь тухайн зүйл зайлшгүй шаардлагатай үед буцааж өгнө гэж байгаа. Тийм зайлшгүй шаардлага гараагүйг нь би мэдэж байгаа юм чинь. Тэргүй бол үхчихгүй нь гарцаагүй.

Ухамсартай, буян өлзий нь дэлгэрсэн хүмүүс болохоор тэс ондоо. Өөрсдөө юм хумаа бариад ирнэ. Май чи үүнийг хэрэглээд үз дээ, уншаад үз дээ гээд л. Намайг авъя гээгүй байхад шүү дээ. Дуу алдаж бишрэм халуун сайхан сэтгэл рүү хүйтэн ус цацна гэж юу байхав. За гээд л алгаа тосоод авна шүү дээ. Хэрэг болохгүй ч хэвтэж л байг, хөөрхийс.

Үүний хажуугаар би өөрөө тун мартамхай хүн юм. Мартана гэдэг маниас урьдын юм хойно доо. Хэнээс юу авснаа таг мартчихна. Заримдаа миний өөрийн ч юм бил үү, хүний ч юм билүү бүр эргэлзэж тээнэгэлзэж орхино. Энэ зангаас болоод бусдын юмыг өөр хүмүүст би өөрөө зээлчихсэн байх жишээтэй. Саяхан нэг нөхрөөс авсан хэдэн номыг өөринхөө юм гэж андуураад өөр этгээдэд зээлүүлчихсэн юм. Хүний ном гэж мэдсэн бол би тэгж хүлчийх хүн биш. Тэгтэл эзэн нь номоо нэхээд унадаг юм даа. Эд зүйлдээ сүнс нь хорогдоход хүн хэчнээн зовлон өөртөө хураадаг тухай бүтэн өдрийн лекц уншсны эцэст мань эр ашгүй надаас нэг юм салсан. Удалгүй тэр нөгөө номуудаа анх худалдаж авсан үнээсээ хамаагүй доогуур үнээр шинээр худалдаж авсан байсан юм. Үгүй ээ, болж л байна шүү дээ. Миний ачаар шинэ бас хямдхан номтой л болсон байна. За тэр ДВД тоглуулагчийн хувьд ч тэр. Надад зээлсний хүчээр манай найз сүүлийн үеийн ДВД тоглуулагч өөртөө худалдаж авсан. Би тэр хогийг зээлж аваагүй бол манай найз хуучинтайгаа зууралдаад л байх байсан даа. Ажил гайгүй болохоор тэр блью рэй ДВД тоглуулагч гээчийг нь зээлж авнаа.

Хүмүүс надаас юм зээлэх гэж бас их ирнээ. Ялангуяа эзэд нь өөрсдийнхөө юмыг надаас эргэж зээлэх гэж царай алдана. Миний тэрийг түр өгөөч, би хэрэглэчихээд буцаагаад өгье гээд л. Иймэрхүү нөхдийг эдийн шуналаас овоо салчихаад гэгээрлийн мөрийг хөөж эхэлж буй яргуйс гэж нэрлээд байгаа юм. Тэд юмаа авчихаад буцааж өгөхөө мартахаар нь би мэдээж сануулж байгаад авчихна. Асуудалд бол хөнгөн шуурхай хандах хэрэгтэй.

За, одоо ч надад таван өрөө байр, зуслангийн сайхан байшин зээлэх ажил байгаа. Нэг зав гарахаар л туугаад давхичихнаа.

2009-02-23T16:08:00.000-08:00

Өнөөдөр битүүн. Бага байхад битүүн гэж ёстой бужигнуулдаг өдөр байж билээ. Бүтэн жил гэрээ цэвэрлээгүй айл шиг л хамаг юмаа гаргаж тоосыг нь гөвөөд, угаалга цэвэрлэгээ хийгээд л. Битүүний цай, бууз гээд л. Бүх л юм ёс заншилтай, дэгтэй. Монгол ёс заншлаа сайн мэдэхгүй над шиг хүнд бол битүүн, цагаан сарын үеэр ёс уламжлалаа санаж мэдэх өдөр болдог. Хотын бид л цагаан сарыг хүндрүүлж тэмдэглэсээр байгаад "яршиг төвөгтэй баяр" гэсэн сөрөг имиж төрүүлчихсэн нь харамсалтай. Айлууд цагаан сараар өөр өөрсдийн онцлогтой болчихсон байна. Зарим нь аав эжийгээ гадаад явуулаад, цагаан сараас escape болж байхад, зарим нь хамаатан садан төрөл төрөгсөд олонтой айл нэг өдөр нэг газар бүгд цугларч золголтоо хийж бөөнддөг байх жишээтэй. Нэг танилынх маань цагаан сараар өөрсдийн удам судар, нутаг усны түүх, дуртатгалын "ном" гаргаж, төрөл төрөгсдөдөө бэлэг болгон өгсөн байсан. Миний хувьд энэ бол цагаан сараар бие биедээ өгч авалцдаг бэлэгний хамгийн оновчтой санаа байлаа.

Цагаан сарын шинийн нэгэн болоод ирэв ээ хө
Цагаан эсгий гаднаа дэвсээд
Тэнгэр бурхандаа мөргөлөө дөө хө гээд л дуу хөгжим чихэнд хангинаад л.

Бултаараа сайхан битүүлж, сар шинэдээ тавтай найртай шинэлээрэй.

2009-01-14T18:00:00.000-08:00

Өчигдөр...
Надаас хэзээ ч битгий асуугаасай гэж мөргөж залбирч явдаг нэг асуулт бол Чиний (сүүлийн үед "таны" гэж авгайлуулах болсон) хобби юу вэ? эсвэл Ямар авъяастай вэ? гэх мэт онцгой сонин ур чадвар, сонирхолтой холбоотой асуултууд юм. Хобби гэж надад байгаа ч юм шиг байхгүй ч юм шиг. Бодоод байхад хобби гэж хэлж болох бүхнийг эхлэв үү үгүй юу сонирхол буурчихдаг ч юм уу яадаг юм бүү мэд. Нэг л сайхан эхэлж байснаа нэг мэдэхэд өөр юм хийчихсэн явж байх юм. Туйлбаргүй л хүн гэсэн үг байх. Арай л тууштай нь ном унших тул "Миний хобби бол ном унших" гэж их цоглог хариулж, хүнд асуултаас ашгүй бултдаг байв. Гэтэл ном унших гэдэг чинь хобби биш, соёл иргэншилт нийгэмд жирийн хүний хийж байх ёстой ажил юм гэнэ. Ингээд нүүр тахалдаг хариулт огт хэрэггүй болов.

Авъяас гэж юм надад шар будааны үртэс төдий ч үгүй болтой. Ядаж байхад солгой хоолойтой. Монголчууд бүгд дуучин ард түмэн гэцгээнэ. Миний хувьд бол М-аас бусад нь бүгд дуучин гэвэл зөв болж байгаа юм. Бүх дууг зөвхөн нэг өнгөн дээр гонгинодог гутармаар авъяасгүйтэлээс болж найр наадамд явахаар өнөөх дуулуулдаг заншлыг бодонгуут яс хавталзана. Тас үсэртлээ ууж, толгой хөл байраа сольсон үед л би дуулнаа гээд таахалздаггүй л юм бол бусад үед хэзээ намайг дуул гэж олны өмнө онигоо болгох бол гэж айж бэмбэгнэсээр таарна. Надтай адил зовлонтой хүмүүс мэр сэр байгаа байх. Бүгд нийлээд ажлын анкет болон бас бус өргөдөл маягтаас хобби, авъяас гэсэн асуултыг хасуулах талаар хөөцөлдмөөр байна.

Өнөөдөр....
...Интернэт хүнийг алж ч болно алдаршуулж ч болноо гэж...Юүүтүб-д Солонгос хүмүүстэй гэрлэхэд зуучилдаг товчооны бичлэг юм уу даа хэдэн Монгол бүсгүйчүүдийн ярилцлагыг тавьчихаж. http://jp.youtube.com/watch?v=-1lf7bZCcr8&eurl
Ёстой алж байгаа юм шүү. Төрсөн он сар өдөр, гэр бүл гээд хувийн мэдээллийг нь хайр найргүй түмэнд цацаж байдаг нь. Үүнийг үзсэн харсан хүмүүс нь бүсгүйчүүдийг юу гэж харааж зүхэхийг бодохоор сэтгэл эмзэглэчихлээ. Өөрсдөө ингэхийг зөвшөөрсөн ч юм уу үгүй ч юм уу.
Нума нума даанс шиг алдаршаад улаан фен этэртэй болчих ч юм уу хэн мэдхэв. Гэри гэгч залуу компьютерийнхаа урд Румыны Dragostea Din Tie дууны аянд арзагнаж байгаа бичлэгээ хийгээд интернэтэд тавьсан биш, дэлхийгээр нэг тарж, СNN-ээс авахуулаад телевизүүд мань эрийн талаар мэдээлж, бүр фэнүүд гарч ирээд балласан. Эхлээд хийсэн зүйлдээ ичиж үхэхээ дөхсөн Гэри харин одоо түүнээрээ бахархахаар болж. Эсрэгээрээ Солонгост галт тэргэнд нохойнынхоо ялгадсыг цэвэрлээгүйгээс болж түмний шившиг болж, сургуулиасаа гарахад хүрсэн бүсгүйн түүх шиг юм болохыг үгүйсгэхгүй. Энэ бүсгүй "dog poop girl" гэсэн нэрээр алдаршаад зураг нь нэтэд нэлдээ гарсан.
Энд тэндхийн варез, блогт Монголын сайхан бүсгүйчүүд гэх мэт нэрээр баахан зураг тавьцгаасан байдаг. ХайФайв, Фэйсбүүкээс л татаж авдаг юм уу, эсвэл охид бүсгүйчүүд өөрсдөө өгөөд байдаг юм уу бүү мэт. Зөвшөөрөлтэй л зургийг нь тавьдаг байгаа даа гэж бодох юм.
Хүний зургийг дураараа нийтлэх, дураараа зургийг нь авч тараах, зураг анх авахуулж байгаа утга санаагаас зөрүүлж эсрэг утгаар ойлгогдохоор зураг болгон хувиргах, эвгүй гарсан зургийг гаргах гээд эмзэглэмээр юм их л байна. Жишээ нь зүгээр л маяглаж байгаад даруулсан зургийг дараа нь Би биеэ үнэлэгч гэсэн гарчигтай гаргачихвал асуудалтай. Нээх сайхан инээж байгаад зургаа авахуултал, Та шүдээ арчлахгүй бол инээмсэглэх үед ингэж муухай харагдана гээд тавьчихвал би л лав уйлнаа.

Миний хөрөг, дүр төрх- миний өмч өө гэж...

2009 он гарлаа

2009-01-01T06:12:00.000-08:00

Шинэ оны мэнд хүргэе.
Ерөөл бүхэн биелэг.

хууч

2008-12-04T17:31:00.000-08:00

...Япон хөрш бүсгүй их ууртай орж ирэв. Мань эр ер нь ойрд нэлээн уцаартай, бухимдангуй байгаад байлаа. Нэг боломж гарахаар нь элдэв шалдав, ноцтой юм болоогүй биз гэж учрыг асууж, болбол хуруу хушуу нэмэрлэчих санаа гаргав. Ар гэрийн асуудал, ажил төрлийн хэрүүл уруул гээд ярьвал их л зовлон зүдгүүр байгаа бололтой. Миний зүгээс бодитойгоор үзүүлчих туслалцааны юм юу байна гэж бодоод бодоод олсонгүй. Эцэст нь угийн ухаант үгийг өөрөө л зохиосон юм шиг яруу уянгалаг, сэтгэл уярмаар хэлж чаддаг (хүмүүс ямар ч байсан намайг ингэж магтаад байдаг...олны үг ч ортой) авъяас билгээ гарган, сэтгэл санааны дэмжлэг үзүүлье гэж санав. Зөөлөн нь хатуугаа гэдэг үг байдаг шүү дээ. Тэр үгийг Япон хөршдөө тайлбарлаж хэлэх гэж нэлээн юм болов. Усаар жишээ авлаа даа. Усан дотор ямар ч төмөр чулуу хийсэн, төмөр нь зэвэрч идэгдээд, хатуу чулуу гөлгөр болж ирдэг гээд. Ус шиг зөөлөн байхад ямар ч хатуу хүйтэн хүн аяндаа зөөлөрч ирнээ гэж хэлж тайвшруулах аядаад, тэр өдөр өнгөрлөө. Ёстой гадны хамаагүй хүнд хэлмээргүй, хайрламаар сайхан үгийг тэр нөхөрт харамгүй хэлж тайлбарласан. Өнөөх маань ч ойлгоод л толгой дохиод л Аан аан гээд л байв. За ойлгосон ч юм уу бүү мэд, угаасаа Япончууд ойлгосон ойлгоогүй толгой дохиод За за, аанхаан гээд байдаг улс. Удалгүй надад мэйл ирэв. Өнөөх бүсгүйн ажлын газрын таньдаг хүнээс шүү дээ. Нээгээд унштал, тэд өдөр бүр ус шиг болох гэж хичээж байгаа бөгөөд надад тун их талархаж байгаагаа илэрхийлсэн байдаг юм даа. Хөрш нөхөр ажлын газрын хүмүүстээ очоод миний үгийг л хэлж тайлбарласан аж. За тэгээд тэнд хэсэг бүлэг хүмүүс ус шиг болохын төлөө хичээн мэрийн зүтгэж,"ус шиг болох"-ын ухаан философи хөгжиж, хөдөлгөөн бүлгэм байгуулж, сүлд дуу шүлэг, ном гаргаж ч мэдэхээр төлөвтэй. Надаар "ус шиг байх" тухай сургааль лекцээ биеэр ирж заалгах ч шинжтэй. Хөршдөө уур аашаа гаргаж чадахаа ч байх нь. Өнөөх маань өөдөөс Би ус шиг байхыг хичээж байгаа гээд инээмсэглээд байхаар тэр зөөлөн байж намайг буулгаж авах гээд ч байх шиг. Ер нь юу болоод байгааг ойлгохоо байлаа. Хамаагүй хүнд хайран үг хэлээд дэмий юм байна лээ.

...Хэд хоног орон орны нөхөдтэй хамт хичээлд суулаа. Африк, Араб, Ази гээд элдэв хангайн газраас түмэн олон цуглараад сайхан бужигналаа даа. Бид бүлэг болж хуваагаад, би хэдэн Африк нөхөдтэй хамт баг болов. Өнөө хэдтэйгээ энэ тэнүүгээр явж судалгаа хичээл хийгээд л. Тэгсэн тэнд би "од" болж тодорлоо шүү дээ. Цөөхөн хоног ч гэсэн "од" байх гоё юм байна лээ. Яасан гэхээр, өнөө Африк нөхөд чинь миний үсийг ирж илээд бариад үзээд салахаа байв даа. Амьдралдаа шулуун үс барьж үзээгүй нөхөд байна лээ ш дээ. Ер нь Африк руу үсний ширхэгээ нэг нэгээр нь савлаж экспортловол ашиг олох болов уу? За түүнээс гадна хамгийн хөгжилтэй нь надад нэг Африк хайрын захиа өгөв шүү дээ. Бод доо, төрснөөсөө хойш хайртай гэдэг эр хүнээс сонсоогүй, хайрын захиа зурвас эх хэлээрээ ч авч үзээгүй хүн чинь анхны хайрын захидлыг Африк нөхрөөс, англи хэлээр авдаг юм байна. Баярламаар ч юм шиг...яамаар ч юм бэ дээ...Надад ийм л юм дутаж дээ гэж санагдсан ч хөөрхөөн тэндээ догдлуулчихдаг эд байна лээ.

... Би тагнуулчтай хамт амьдраад байгаагаа мэдлээ шүү дээ. Нэг өдөр хөрш Япон маань тагнуулын тухай яриад салахаа байв. Хөөрхий маань зүүдээ ярих гээд хулгайгаа ярьдгийн үлгэр болох гээд байна уу. Өнөөх маань гадаадад байхад тагнуулын обьект болдог байснаа ярьдаг болов. Тэгснээ намайг гэнэт их асуултаар булж эхэллээ. Намайг ямар хүмүүстэй нийлдэг, тэр хүмүүс юу хийдэг, цаашид яах гэж байгаа зэргээс өгсүүлээд төрлийн юм сониучирхаж ирэв. Ингээд ерөөсөө хөрш нөхөр өөрөө айхтар тагнуулч байх нь гэж бодов. Хамтран байр хөлслөгчөө тагнуулч гэдгийг таамагласнаас хойш би ч баахан ажиглалт хийв. Миний орны хажууд гэгээн Мариагийн жижиг баримал гэнэт байхыг анзаарав. Манай хүн сэмхэн тавьчихаж. Чагнах төхөөрөмж дотор нь суулгасан байхаас зайлахгүй нь гэж бодоод өнөөхийг нь өвөртөлж гараад хол аваачиж хаячихсан. Тэгж ч хялбар тагнуулдуулахгүй шүү. Ерөөсөө тэр намайг тагнаад байгаа юм бол, би ч гэсэн яаж зүгээр байхав. Сөрөг тагнуулын ажиллагаа явуулна гэж шийдлээ.
Янз бүрийн юм тор дүүрэн авчраад хаяхдаа надаас нууж хаяад байгаа юм. Тэр хэрэглээд байгаа гоо сайхны эм, тос гээд юм хумныхаа хайрцаг савыг бүр нууна шүү дээ. Дараа тэрийг нь олзолж авч, Япон хүүхнүүд яг юу хэрэглээд залуу харагдаад байгаа нууцыг мэдээд чамд хэлэмз. Сөрөг тагнуулдаж тэдний олон нууцыг дэлгэнээ, гайгүй...

Planet Earth - A Great Trailer For The Greatest Documentary

2008-10-16T04:14:00.001-07:00

намар мамар

2008-10-14T05:59:00.000-07:00

Монгол сайтууд, блог, варез сайт зэргээр орж үзэхэд манайд хувь хүн, байгууллага, төрийн нууц, нэр хүнд, алдар хүнд, доромжлол, гүтгэлэг, гутаах зэрэг ойлголт байна уу үгүй юу гэж гайхмаар. Угаасаа нууц далд зүйлд дургүй, ил тод, илэн далангуй, элдэв ну, но-гүй байхыг дэндүү ихэд эрхэмлэдэг юм болов уу даа. Саяхан Монголын хэд хэдэн байгууллагын цалингийн хэмжээ, ажилчдын нэрс, регистрын дугаар гээд нарийн мэдээлэл нь нэтээр цацагдсан явдал гарав. Хэний хэдэн төгрөг авдгийг мэднэ гэдэг ёстой загнатасан газар маажиж байгаатай ялгаагүй үнэн таашаалтай байж мэднэ. Зөвхөн тэр тоог мэдснээр атаа хорсол, жөтөө гээд ил далд олон зовлонг хөнгөлж өгч, санааг нь амрааж байж болно. Хэсэгтээ л өнөө хэн чинь хэдэн төгрөгийн цалинтай юм байна ш дээ, аргагүй ээ аргагүй сүүлийн үед гангараад байсан юм, эсвэл өө тэр чинь ёстой хөгийн цалин авдаг юм байна, нээх онгироод байсан чинь гэх мэтээр ярианы сэдэвтэй болно биз. Ийм мэдээллийг нийтэд ил болгох нь тухайн компани, тэдний ажилтнууд, бусад байгууллагад ямар сөрөг нөлөөтэй нь хэнд ч падгүй. Нэг зүйлийг ялгаж салгамаар байгаа нь хэний цалин ил тод байж хэнийх нь нууц байх ёстой тухай юм. Төрийн албан тушаалтнууд, ажилтнуудын цалин ил байх учиртай. Яагаад гэвэл бид татвар төлөгч, тэднийг цалинжуулагч, бас шууд бус утгаар томилсон, сонгосон. Харин зүгээр л мөрөөрөө амьдралаа зогоож буй жирийн хүний цалин пүнлүү, орлогыг түмэнд ил болгоно гэдэг орой шөнө хөнжил дотор нь шагайж, шанаагаа тулчихаад бие хааны өө сэв эрж, муулж сайлж байгаатай ялгаагүй.

Ер нь манай иргэдийн регистр, паспортын дугаар хэн нэгний хувийн компьютерт зугаа маягтай байхад гайхах зүйлгүй. Хамаг юм нь ил задгай, замбараагүй, хүмүүс нь өөрсдөө бүр нууц юманд огт дургүй улсад хөрш орны тагнуулчид хийх ажилгүй, толгойгоо маажаад самгарддаг байх. Аягүй бол нэг өдөр хөршөөсөө өөрсдийн иргэдийн нэгдсэн мэдээллийн эмхэтгэсэн санг гуйж авч халаах вий дээ.

Интернэтэд ийнхүү нууц, ил тод байх мэдээ мэдээллийн заагийг ялгаж салгахгүй баруун солгойгүй цацаж байхын хажуугаар бусдын нэр хүнд, алдар хүндэд халдсан, доромжилсон, гутаасан, гүтгэсэн шинжтэй зүйлс их гарах болжээ. Дотуур хувцастай хувцасгүй зургаа авахуулсан монгол охидыг элдвээр нь харааж, цоллож, тарааж цацах, нэг нэгнээ хэлэх хэлэхгүйгээр харааж зүхэх, нэр гуншин өгөх гээд. За тэгээд бүр цаашлаад найз нөхөд, танил хүмүүс, хамтран ажиллагсад, дарга цэрэг гээд хавийн хүмүүсээ илжиг, морь, гахай, коммунист гэх мэт олон янзаар хочлох, доромжлохын завсар нэрлэх, зарим нэгний нууцыг нь задлах, амьдралыг нь дэлгэх гээд л. Заримыг нь бүр өөгшүүлж, "болж, ёстой сайхан, бүр дахиад муулаад өг, нэмээд доромжлоодхоё" гэсэн хандлагатай. Лалын оронд нүгэл үйлдсэн нэгнээ чулуугаар балбаж хороож байгаа дүр зураг шууд нүдэнд харагдаж байгаа юм. Гайхамшигт Гүүгл этэр интернэтийн орон зайд бичсэн үсэг бүрийг л бараг хадгалаад, архивлаад, ёстой арилшгүй устгашгүй болгож мөнхөлж байгаа үед бичиж байгаа үг өгүүлбэр бүрээ бодолтой, анхааралтай байвал хожмын муу үр дагавараас хамгаалах юм даа.
Одоо ч бараг толгойтой бүхэн блог бичдэг болсон, бүр хоорондоо уулзалддаг, дам дамаа бие биеэ мэддэг болсон, дээр ойлгосончлон нууц юманд ясны дургүй хүмүүсийн хувьд хэчнээн нэрээ нуугаад тэр блог, сэтгэгдэл бичлэгийн цаана хэн байгааг мэдчихэд хялбар. Нэг гайгүй залуу байлаа гэхэд жоохон гүүглэдээд л нөхрийн хэрүүлч уруулч, хачин этгээд занг нь олчихно. Хөөрхөн охин доо гэтэл энд тэнд эвгүй авахуулсан зураг сэлт нь байх жишээтэй. Тэр нь ураад тастаад устах биш. Шадар гурван цэргийн Миледигийн шивээс шиг, за эсвэл Дэми Мурийн тоглосон Скарлетийн захидал кинон дээр гардаг шиг шившгийн цэцэг энгэртээ байнга зүүж насаараа адлагдах тавиланг сонгож байгаа...Үгүй ээ сонгож байгаа ч гэж дээ...зарим нь сайн дураар сонгож байхад заримыг нь бусад нь нийлж польдож байгаад хүчээр шивээс хийж, цэцэг зүүлгээд тавлаж байгаа юм шиг.

...Саяхан нэг Солонгосын жүжигчин бүсгүй (Choi Jin-sil) амиа хорлосон харамсалтай хэрэг гарсан. Солонгос кино барагтай үзэх биш, тэр жүжигчнийг сайн мэдэхгүй юм. Гэхдээ үздэг хүмүүс нь зураг хөргийг нь хараад бараг мэдэх байх. За тэр бүсгүйн тухай ч яахав. Гол нь бүсгүйн амиа хорлоход хүргэсэн том шалтгаан нь интернэтэд түүний тухай хэт их доромжилсон, нэр хүндийг гутаан дарамталсан хов живтэй холбоотой гэжээ. Мөн Солонгосын интернэт хэрэглэгч дунд яаж амиа хорлох, дэлбэрдэг бодис хэрхэн хялбар хийх, хүн алах арга чарга заах гэх мэт элдэв сайтууд байдгаас янзан бүрийн хэрэг гарч байна.
Энэ мэтээс болж Солонгос интернэтэд бусдын нэр хүндийг гутаан доромжилсон хов жив, гүтгэлэг зэргийг хянах, хуулийн хариуцлага оногдуулах арга хэмжээ авах асуудлаар хэлэлцэж эхэлжээ.
....Ямар нэг айхтар хэрэг явдал гарсны дараа төр засаг яах аргагүй интернэт ертөнцөд дураараа дургиж, дунд чөмгөөрөө жиргэж байгаа байдалд хяналт тавих шаардлага гарч байгаа нь энэ. Интернэт хэрэглээний зохистой байдлыг хангах цагдаагийн тусгай алба гарч ч болно. Мэдээж хүнд үг хэлэх, үзэл бодлоо илэрхийлэх эрх чөлөө бүрэн байгаа ч түүнийгээ хэтрүүлэн хэрэгжүүлбэл хүний амь насанд хөнөөлтэй гэдгийг ойлгож байвал л...

24

2008-10-02T17:07:00.000-07:00

...Тэнд бодгаль биес зовлон гунигт унан тарчлахад энд өөр нэгэн бодгальс жаргалаа олж авдаг үйлийн үртэй бололтой. Хэн нэгэн хулгай хийж хэрэгт унаж байвал хуульчид өмгөөлөгчид цалин мөнгөтэй. Тэнд нэг хүн санхүүгийн хямралд ороход энд нэг мөнгө хүүлэгч алгаа илээд баясаад л. Шат, мөс юун дээр ч байсан яахав, хальтарч унаад хавирга, ууц, ахар сүүл гээд байдгаа хугалан алдахад хавийн хүмүүс хөх инээдээ дийлж ядан баясна. Түүний нөхөр нь араар урдуур тавиад, авгай хүүхдээ зовоож байгааг сонсвол тэсгэлгүй баярлан, ховын яриаг улам шимтэн сонсох гэж тэмүүлнэ. Нэг баян дампуурч гэж сонсвол "болж" гэж бод идсэн боохой шиг маасайна. Тэнд тэр үхэнгээ алдаж гэж дуулбал, "хөөрхий" гэж амандаа бувтнангаа өөрөө тийм гайгаас хол байгаадаа санаа амран, бага ч атугай жаргал мэдэрнэ. Цаашлаад бүр нүдэн дээр нь л зовж зүдэрч байгаагаа харуулахгүй бол жаргалдаа эрхэлсэн гэж ад үзэн, нэг л өдөр нураад унахыг хүлээн харц отно. Түүнээс ч болдог юм уу, бодгаль бид өвчин зовлонгоо ам уралдан ярьж, бие биеэсээ хэчнээн их илүү шаналан зовж, хорвоогийн бор өдрийг хэцүүхэн өнгөрөөж байгаагаа хэлэлцэнэ.
...Хэн нэгнийг зовлон гунигт унагаан байж жаргалаа олдог цэвдэг хорвоо. Эр, эмийн сайндаа бүтээсэн юм, болгосон гэж онгирох нь ахархан. Энд би амттай хоол модон савхаар савхдан идэж байхад тэнд тэр савхыг хийхийн тулд ямар үйлтэй хүний үр, яасан сайхан байгалийг устган, амьтан хорхойг үргээн үхүүлэн байгаа бол гэж хэтрүүлэн бодох нь юу юм бэ. Гэхдээ л бусдыг шаналалд оруулан байж олдсон "үнэтэй жаргал"аа үнэлэхгүй бол алдас болно чиг.

a crisis

2008-10-01T18:33:00.000-07:00

...Гучин насны эргүүлэгийн зах зухад хүрээд ирэхийн алдад элдэв юм гэнэт их бодогддог бололтой. "Гучин насны хямрал" гэж нэрлэдэг ч юм уу. Хорин насанд ёстой уулыг нурааж, эргүүлж босгоод тойруулж хана бариад гээд л юу юу ч байсан хийхэд бэлэн, хүч чадал амтагдаж, хамаг л мэдлэг чадвар бүхнийг эзэмшиж мэдэхэд хялбар санагдсан үе. Надгүй яаж энэ орчлон эргэлдэж байв аа гэж бодох нь холгүй онгиргон нэгэн чавхдаж өгнө. Их дээд сургуулиа төгсөв үү үгүй юу дүү нараа гэгээрүүлнэ, сурган хүмүүжүүлнэ, эх орноо хөгжүүлнэ, дэлхий ертөнцийг аварна, болохгүй чадахгүй юм үгүй гээд л том том зорилго, мөрөөдөл тээнэ. Энэ эрчээрээ давхиад л нэг мэдэхэд гучин насны бараа харагдахын үед гэнэт тормоз авч бодолд орно. Нөгөө бүхий л хүсэл мөрөөдөл, аугаа зорилго юу болов, би юу хийж бүтээв, миний алдаа оноо юу байв, яг юуг хийж чадаж байна, алийг нь чадахгүй байна гээд өөрийгөө бодитоор үнэлж дүгнэдэг үе бололтой. Бараг л эрчимтэй амьдралын талыг нь өнгөрөөчихөөр элдэв юм бодогдох нь гарцаагүй. Ингээд харахаар хийсэн бүтээсэн юмгүй, олигтой амжилтгүй гэж өөрийгөө голно, энэ хэвээр энэ ажлаа хийгээд л байх уу гэж эргэлзэж тээнэгэлзэнэ, шинээр өөр салбарт хүчээ үзэх үү яах уу гэж эрсдлээ бодно. Төрийн байгууллагад ажиллаж байгаа нь хувийн бизнес рүү орох уу яах уу гэж байхад, компанид хүчин зүтгэж байгаа нэгэн төрд алба хааж албан тушаалтан болдог ч юм уу гэж бодолд дарагдах жишээтэй. Өмнөх шиг оргилуун романтик бодол ч зогсонги байдалд оржээ. Одоо бол эрсдэлтэй алхам хийхэд хайран цаг, дэмий хүч чадал, хайртай гэр бүл гээд харгалзах хүчин зүйлс нөлөөлж ч байгаа байх.
Арван хэдтэйд найзууд нийлж суугаад хөөрхөн залуу, кино, дуу хөгжим ярьдаг байв. Хорин хэдтэйд улс орны хөгжил дэвшил, улс төрчид, тэдний тэнэг мангарыг гайхаж, эх оронч үзэл санаа ямар байх вэ, бид юу хийх вэ гээд л глобаль зүйл ярьж томордог болов. Харин одоо өөрсдийгөө л илүү их ярьдаг болжээ. Амьдралын баталгаагаа л хэрхэн яаж бүрдүүлэх вэ гэдэгт л дор дороо санаа зовцгоож байгаа юм уу даа. Зогсож байгаа шатныхаа гишгүүрүүдийн хэр бат бөх байгааг нэг сайн шалгадаг үе.
Үүний зэрэгцээ "ганц бие, гучаад насны бүсгүйчүүд"-ийн бүхэл бүтэн нийгмийн давхарга, арми бүрдчихэж. Бизнес эрхэлдэг хүн бол энэ армийг зах зээлийн сегментээ болгоод юм хум хийвэл ашиг нэлээн олох байх шүү. Мөнгөтэй, боловсролтой, чадвартай бүсгүйчүүд. Энэ талаар нэг найз маань туурвил бичнэ гэж байсан тул тус сэдвийг үүгээр орхилоо.
...

dull

2008-09-21T02:39:00.000-07:00

Joel-Peter Witkin-ий бүтээл

Энэ зургийг хараад хэсэг алмайрав. Таавар таах гэж ядаж байгаа юм шиг юу өгүүлэх гээд, юу хэлэх гээд, юуг илэрхийлэх гэсэн зураг болохыг тааж ядан толгойгоо базлан хажуудах хүнийхээ хавиргыг хатган хамт бодолд дарагдав. Зүгээр харчихаад орхичихож болохгүй санагдаад блогт оруулав. Там юм уу, зүүдний орчин юм уу. Хүний дотор юм уу...
Ойрд нээрээ их өнгөтэй, тод зүүд их зүүдэлж байнаа. Бага байхад зүүдээ ярих гэхэд зүүд худлаа ярьдаггүй гэж аав их хэлдэг байж билээ.
Би юм уу эсвэл надаас тасарч гарсан өөр хүн ч юм уу...ярьж алдаж байнаа. Яараад л явж байна. Хаашаа явж байгаа юм бэ гэсэн чинь Жайка руу гэж байна. Жайка руу яах гэж байгаа юм бэ гэтэл шинэ төсөл танилцуулна гэчихсэн их эд ээ. Жайка жил бүр баахан хүмүүс Япон явуулж сургаж байна, сурч ирээд ажиллах нь ажиллаад, үлдэх нь үлдээд, өөр зүйл хийгээд яг үр дүн нь хаана байгаа нь тодорхойгүй. Энд зарж байгаа мөнгөнөөс заримыг нь эдгэрэх боломжтой, хорт хавдартай залуусыг шалгаруулж Японд эмчлүүлэхэд зарцуулах хэрэгтэй гэсэн ухаантай зүйл их чухалчлан тайлбарлаж байнаа. Жилд хорт хавдартай хорин залуусыг шалгаруулах бөгөөд эдгэрээд би юу хийх вэ гэсэн эссе бичүүлэх ч гэнэ үү. Ёстой хэнхэг зүүд гэж үүнийг хэлнэ байх даа. Бушуухан орондоо эргэж хөрвөж зүүдний сэдвээ өөрчиллөө.

Тэтгэлэгт хөтөлбөр

2008-09-09T18:44:00.000-07:00

Ёкохамагийн Улсын Их Сургууль Дэд бүтцийн менежментийн чиглэлээр магистрын тэтгэлэгт хөтөлбөрөө зарласан байгаа. Мэдээллийг http://www.igss.ynu.ac.jp/imp/ynu_r/index.htm сайтаас авч танилцаарай.

Мөн тус сургууль Төрийн бодлого татварын чиглэлээр магистрт сургах хөтөлбөрөө зарлачихсан байгаа. http://www.igss.ynu.ac.jp/imp/index.htm

Аль аль нь англи хэлээр сургалтаа явуулдаг тул Япон хэлний мэдлэг шаардлагагүй.
Өргөдөлөө өгөх сүүлийн хугацаа 2008 оны 9 сарын 30.

Let me Lament

2008-09-09T17:47:00.001-07:00

Ёшиказү Мэра- Японы контратенор дуучин. Багадаа үе мөчний хүнд өвчтэй, өсөлт муутай, байнга өвдөж, бүдэрч унахын төдийд яс нь хугарчихдаг эмзэг байсан гээд их зовлон үзсэн залуу. Сургуульд байхад нь үеийн хүүхдүүд түүний намхан тагдгарыг нь шоолон элэглэж элдэвлэж шоглож өгдөг байв. Биеийн өндөр нь ойролцоогоор 150 см болтой юм. Хажуудах төгөлдөр хуурын цаанаас толгой нь цухуйх төдий. Харахад эр эм нь мэдэгдэхгүй этгээд. Guy or girl? Анх Мононоке гүнж хүүхэлдэйн киноны Япон дууг сонсоод би эмэгтэй хүн дуулж дээ, яасан өвөрмөц хоолой вэ гэж бодож байсан чинь энэ нөхөр дуулсан байгаа юм даа. Тэгээд бурхан гэж үнэхээр хүний зовлон жаргалын бүгдэд адил тэгш байхаар заяадаг гэсэн бодолдоо улам үнэмшсэн. Хэдийгээр энэ дуучинд бие хааны үзэсгэлэнт, эрүүл саруул цогц заяагаагүй ч дуучин бүрд тохиодоггүй контратенор хоолойг бэлэглэж. Түүнийг хэн ч одоо элэглэж тохуурхах аргагүй. Түүнийг ганцхан бурхан л шүүх эрхтэй гэдэг шиг. Хоолойгий нь сонсоод л уяраад унаад уйлаад дуулаад суумаар хэвтмээр босоод гүймээр.
Аугаа их тэвчээр, сэтгэлийн тэнхээ, авъяас чадвар, түүнийг нь дэмжиж байсан аав ээжийнх нь өмнө мөргөмөөр.

2008-09-03T05:42:00.000-07:00

Хорвоогийн жаргалын эдэлж, огторгуйн нарыг өвөртөлсөн шиг, намрын налгар сайхан өдөр налайж хэвтэх...

гэх мэт.

2008-09-02T05:20:00.000-07:00

Үе үе энэ "би" би биш юм шиг санагдана. Хүний амьдралаар амьдраад ч байгаа юм шиг, эсвэл хүн миний амьдралаар амьдраад ч байгаа юм шиг. Бага насны "би" тэй нүүр туулбал тэр "би" одоогийн "би"-д сэтгэл ханах болов уу. Эсвэл бодож мөрөөдөж байсныг нь хаана ч юм гээчихээд, хамаг хүсэл тэмүүллийг нь орвонгоор эргүүлчихэж гээд уурлаж хашгичих болов уу. Өтөл насны "би" одоогийн "би"-д олон л юм үглэж дуулмаар санагдах байх. Харамсал харуусал аль болох багатай өнгөрсөн үеийг ирээдүйд өвдөг эрүү нь нийлсэн өөртөө үлдээхсэн.
Хааяа хааяа өнгөрсөн, ирээдүйн зангилааг зөв уяж зангидаж байгаа болов уу гэж санаа зовно. Өвөө эмээ намайг өвөр дээрээ өнхрүүлж, нуруундаа үүрч, дээдийн жаргалаар жаргааж байхдаа одоогийн навтгар, нармигар нөхөр болсныг хараад яах бол. Аав намайг төрөхөд өлгий рүү биш, үзэг цаас руугаа ухасхийж, ерөөл үгс холбож байхдаа тэр халзан улаан атигар бие одоо ингээд шальсан юмгүй, эргүү нэгэн болчихсон сууж байгааг хараад гутрах вий дээ. Ээж хүнд биеийн хүчээ шавхан барин сүүлийн захиагаа охиндоо гэж бичиж байхдаа охиныхоо одоог хараад гуних вий дээ.
Гэнэ гэнэ төрөөгүй хүүхэд, ач зээгээ бодно. Аав ээж эмээ өвөөгийнхөө тухай дурсахад үгс амаар багтан ядаж, бахархал цээжээр булгилдаг шиг, өөрийн үрсдээ тийм байж чадах болов уу. Хөрөнгө мөнгө, эд агуурс мөнх биш. Үргэлжлэх орших түүх дурсамжид нэр бүтэн сайн айл, сайхан гэр бүлийг үлдээж чадах болов уу.

Сэхүүн зун навчсаа гөвж, ширэв татаж ширүүн салхиар нүүр ороолгочихоод яваад өглөө...Сайхан зун байлаа.

Office politics

2008-08-20T06:01:00.000-07:00

Хөөрхий би бол хэд хэдэн ангилалд зэрэг орчих л юм байна...

As Time Goes By

2008-08-15T20:04:00.001-07:00

Яамаар ч юм бэ дээ. Сэтгэлийн хатуу, зөөлнийг яаж мэдэх вэ?
Тархи зүрх хоёрын хэмжүүрээр мянга түм хэмжээд ч яаж ч болдоггүй нэг тийм хэцүү сонголт ирэх үе байх. Сонголт гэж нэрлэх үү эсвэл зүгээр л амьдралын нэг л даваа гүвээ, зам харгуй гэх үү. Аль нэгийг нь хойноо хаяж, гээж, орхиж, салахаас өөр замгүй болоход өөртөө итгэлтэй байх тэр л шийдвэрийг гаргах гэж бодоо л, бодын шийрээ тоолоод л. Аль ч замаар явсан зөв буруу тэнцүү дэнслэгдэх биз. Тэр болтол...

2008-08-04T05:31:00.000-07:00

Яамаар ч юм бэ дээ. Сэтгэл, ухаан хоёрын хэмжүүрээр мянга түм хэмжээд ч яаж ч болдоггүй нэг тийм хэцүү сонголт ирэх үе байх. Сонголт гэж нэрлэх үү эсвэл зүгээр л амьдралын нэг л даваа гүвээ, зам харгуй гэх үү. Аль нэгийг нь хойноо хаяж, гээж, орхиж, салахаас өөр замгүй болоход өөртөө итгэлтэй байх тэр л шийдвэрийг гаргах гэж бодоо л, бодын шийрээ тоолоод л.

....

2008-07-23T02:27:00.000-07:00

Өмнө бол хулгайлаад, уугаад, шорон ордог байлаа. Харин одоо хулгайлаад, уугаад унтаад эсвэл хулгайлаад, хулгайлаад дахиад хулгайлаад тэгээд бүр улсын тэргүүн болдог болж.

Өнөө үед авилгалтай тэмцэнэ гэдэг нь авилгал өгч авч үзээгүй хүмүүстэй тэмцэхийг ойлгож байна.

Ард түмний зарц улам их болж, харин ард түмэн нь цөөрч байна.

Баригдаагүй бол хулгайч биш харин овсгоотой бизнесмэн.

Баячуудын зуслан гэж орчин үеийн пирамид юм. Хэмжээ нь аугаа, яаж ямар мөнгөөр боссон нь нууцлаг.

Яг үнэн хэрэг дээрээ муу төрийг саналаа өгдөггүй сайн иргэд сонгодог.

/зохиогч нь хэнийг мэдэхгүй/

Where the Hell is Matt?

2008-07-17T08:46:00.001-07:00

зүрх савлав

2008-07-01T06:54:00.000-07:00

Өнөөдөр гэрээс гартал пиг байдаг машинууд харагддаггүй ээ. Түгжрэл алга. Дайрчих гээд байдаг тэргүүд үгүй. Сэлүүхэн байв. Яасан юм бол доо гэтэл бензин үнэд орно гээд зарахаа больчихсон гэж байх юм. Сонгуулийн дараа хамаг юмны үнэ огцом өснө, төгрөг үнэгүйднэ гээд байсан яриа цуу үг биш юм байж дээ гэж бодлоо. Болоогүй ээ бас цахилгааны үнэ нэмэгдэж байна. Өглөө иймэрхүү эхлээд байж байтал өдөр тийшээ иргэний мөргөлдөөн залгуулж зүрх савлуулав. Төв талбай тойроод юу ч болоод байгаа юм бэ. Энэ үед мэдээллийг түргэн шуурхай төвийг сахисан байдлаар Ийгл ТВ хүргэж байлаа. Нөгөө намын харъяаны ТВ-ийн мэдээг үзээд дэмий. Босогчид хавь ойрын хавтан, цементийг хамжиж элбэн эвдэж жижиглэн Ху намын байр руу нүүлгэж, хамаг цонхыг нь хагалж дуусав. Энэ сонгуулиар амьдралд нь эргэлт гарна гэж олон хүн итгэж байсан ч бахь байдгаараа нөгөө л хэд дахиад гараад ирэхээр бухимдал дээд цэгтээ хүрч байгаа болтой. Хүмүүс янз янзаар л тайлбарлаж байх юм. Архи өгөөд турхирч байна л гэнэ. Мөнгө аваад оролцож байна л гэнэ. Толгой түрүүгээ хагалан барин ийм юманд улангасан орно гэдэг мөнгө, архинаас илүүтэй зүйл түлхэж байгаа нь тодорхой.
Цагдаа, хүмүүс бие биеэ зодож нүдэж гэмтээж байгааг харахаар юу ч хэлэх вэ.
Улс төрчид ширээ тойроод хэн нэгнээс буруу олж тохож, өөрсдийгөө уснаас хуурай гаргах гэж үзэж тарж үсэрч наалдаад л. Тэдний хамгийн гол зорилго нь цаашдын улс төрийн карьераа л цэвэрхэн авч үлдэх мэт. Түүнээс тэнд байгаа хүмүүс яагаад ингэж адгуус мэт улангасан байгаагийн цаад гол учиг шалтгаантай нь тулж байгаа юм алгөө.
Хэнд дараа нь бурууг өгөх вэ, хэнийг хорьж цагдаж, өөрийгөө өөдтэй байлгах вэ гэдэг эрхэм чухал болтой.

Онцгой байдал зарлаж, цуглаан жагсаалд оролцогсдыг баривчилж хаана ч юм аваачиж, хав дарж авах гэж хичээгээд байгаа ч энэ байдлын эх болсон яр шархны угийг эдгээхгүй. Ядаж Үндэсний телевизээс бусад нь ажиллахгүй болохоор мэдээллийн гачигдалд орж эхэлж байна. Тархи угаах ажиллагаа явагдаж байна уу гэлтэй...Түвдийн бослогын үеэр Хятадууд мэдээ яаж цацаж мэдээлж байсныг санагдуулаад байх юм.

Өглөө мэдээ үзтэл уран зургийн галерейд түймэр орж зураг баримал сийлбэр шатсан явдал байлаа. Хайран сайхан зураг бүтээл. Тийм явдал болж эхлэхэд л тэр дор нь үнэтэй зүйл, ялангуя оюуны өв болсон бүтээлүүдийг хамгаалалтад авч явах ёстой баймаар. Гэтэл галерейн дарга нь шөнө 1 цаг өнгөрч байхад түймэрт автлаа гэхэд л ирлээ гээд ярьж суух юм.

Юм юм л нэг л биш.

Deer ueiin J-doramagiin duu

2008-06-28T05:35:00.001-07:00

2008-06-28T05:22:00.000-07:00

Нэг удаа Сократыг гудамжинд явж байхад нь танил нь тааралдаж ийн хэлэв:

- Сократ аа, чиний нэг шавийн талаар би юу сонссон гээч.

- Түр азнаарай. Чамайг тэр тухай ярихаас өмнө би Гурван шүүлтүүрийн шалгуураар шалгамаар байна.
- Гурван шүүлтүүр ээ?????
- Тийм ээ. Миний шавийн талаар ярихаас өмнө чи Гурван шүүлтүүрийн шалгуураар ярих зүйлээ нэг шалгачихад гэмгүй юм. Эхлээд Шударга үнэний шалгуур. Чиний надад ярих гэж байгаа зүйл үнэхээр үнэн үү?
— Үгүй ээ, Сократ минь. Би энэ тухай танилаасаа сонссон юм....
— Тэгвэл чи тэр тухай яг үнэн мөнийг нь мэдэхгүй юм байна шүү дээ. За тэгвэл одоо Сайн сайхан сэтгэлийн шалгуураар орно оо, хө. Чиний ярих гэж байгаа зүйл ямар нэг сайхан мэдээ, сэтгэлд баяр төрүүлэхээр юм уу?
— Үгүй ээ, харин ч эсрэгээрээ.............
— Тэгвэл, хөгшөөн, чи надад шавийн талаар таагүй муу зүйл хэлэх гэсэн юм уу. Тэгээд үнэн эсэхийг нь мэдэхгүй мөртлөө юу даа? За яахав, гурав дахь шалгуурыг давчихвал надад ярьж блно оо. Тэр бол Хэрэгтэй байх шалгуур. Чиний ярих зүйл надад ашигтай, хэрэгтэй юм уу?
— Үгүй л байх.......
— Тэгэхээр чи надад ямар ч ашиггүй, хэрэггүй, үнэн эсэх нь мэдэгдэхгүй, таагүй мэдээ дуулгах гэсэн юм бол ер нь тэр тухай ярихгүй байвал яасан юм бэ?
— Нээрээ тийм дээ. Чиний түмэн зөв......

зарим нэг хэцүү түнш

2008-06-17T21:40:00.000-07:00

Монголдоо ирж ажиллаад зарим нэг төрлийн нөхдөөс болж ажил төрөл ахихгүй, хойшлох, нервтүүлэх, заримдаа залхаах байдал гарч байна. Заримдаа би тэр нөхдийг "амрагууд" гэж нэрлэнэ, яагаад гэвэл байнга тэр хэдийнхээ хойноос хөөж, хормой сэлтээс зуурна. Гэхдээ тодорхой ангилалд оруулчихаад байгаа л даа.

1. Бүлтүүш. Иймэрхүү төрлийн залуус нэлээн тааралдав. "Намайг тэнд явж байхад тэгдэг, энэ чинь ийм л дээ, би урьд нь тэнд тэгж баллаад дарга захирал нь шүтээд, сүйд болоод, энэ бизнес бол ёстой юу байсан юм, би хийчихнэ" гэх мэтээр бүлт бүлт үсрээ л байна. Холливуд инээмсэглэлээр инээж байгаа л хачин соёлтой боловсон загнаад л толгой түрүү эргүүлж өгнө. "Хоёулаа ингээ л хийчихнэ, юу байхав. Би судалж байгаа. Одоо удахгүй хийнэ" гэх мэтээр бас итгүүлж өгнө. Даанч ярианаас цаашгүй. Хийх нь үгүй. Яачихваа нөгөөх чинь гээ л хойноос нь чаргуулдахаар Өө яг одоо хийж байна, маргааш өглөө бэлэн болно гэнэ. Тэр маргааш өглөө нь болтол хэдэн үе жаран зуун өнгөрнө. Бүлтүүшүүдтэй харьцахад нэг сайхан нь жигтэйхэн эелдэг. Өөдөөс инээгээ л байна. Хөгшөөн, найз аа гээл нээх дотно дуудна. Тэгэхээр яах юм бэ, би. Бас л өөдөөс нь инээж л байгаа юм чинь дээ. Харамсалтай нь ажил хэрэг яриад тогтсон шийдэлд хүрнэ гэж хэцүү.

2. Бултууш. Бултууш бүр амны фигуртэй байж чаддаггүй, харин бүлтүүшүүд овоо сайн бултана. Зарим бүлтүүшүүд бүлтэрсэн хэвээр бултахгүй улам наалддаг. Бултуушууд бол юу л асууна, заа л гэнэ. Тэгье ээ л гэнэ. Тэгээд л алга болно. Бултаад алга болчихно. Бүр хилийн чанад рүү чавхдана. Арай л дэлхийг орхиод нисчихгүй юм. Хамгийн аюултай нь өгсөн үүрэг даалгавар, ажил төрөл бүгдийг ганцаараа өөртөө аваад бултаад алга болдог болохоор зарим тохиолдолд бултуушийг ирэхийг харуулдах шаардлага гарна.

3. Балтууш- Эд бол балладаг нөхдүүд. Авилгал, хахууль, аргалах ухаанд мэргэн гэж жигтэйхэн. Авилгал өгдөггүй тендер үгүй, хахууль өгөхгүйгээр хэрэг бүтэхгүй, аргалж л байж ажил амжина гэсэн бодолтой. Ийм хүмүүс бизнес хийхэд эхлээд бөөн шат дамжлагыг хурдан шуурхай шийдээд амар юм шиг, сэргэлэн нөхөд болж харагдана. Гэхдээ бизнес урт хугацааны байх, тогтсон аж ахуйн нэгж болж ажиллах гэх мэт төлөвлөгөөтэй бол эдгээр нөхдийн хийсэн болгон ёстой тээр тушаа, гай зэтгэр болж дараа нь толгойны үс зулгаасан зовлон болно.
Хахуульдаж аргалж авсан зүйлээ хадгалах, үргэлжлүүлэхийн тулд улам л ээдрээтэй байдал үүснэ. Монголд бизнес хийе гэвэл яг ёс горимоор нь хуулийн дагуу хийвэл болж л байна. Харин ч баталгаатай. Ёстой шүүхдвэл шүүхд бид хуулиа барьсан улс гээд бардам сууж байгаамдаа. Хэнийг ч гуйх шаардлагагүй хахууль энэ тэр хэрэггүй. Болж л байна. Явж л байна.

4. Бэлэнтүүш - Эд бол зүгээр л сууж байгаад мөнгө олчих санаатай үзэж тарна. Яаж зүгээр сууж байгаад мөнгөтэй болох вэ гээд л толгойгоо гашилгана. Тэгж байгаад баяждаг бол би өдийд тэрбумтаны жагсаалтыг тэргүүлэх л байсан. Ямар нэг хэцүү ажил гарахад гялс бусад руу шилжүүлчихээд л өнөөх л мөнгө олох аргаа бодоо л суугаа л байна. Орой нь бар цэнгээний газар тэрийгээ бас л бодно. Тэрийгээ их ярина өө. Хураасан хэдэн мөнгөө хэн нэгэнд өгчихөөд л тэр нь үржүүлээ л буцааж өгөх юм бодно. Иймэрхүү хүмүүстэй бизнес хийхэд хамаг юмаа өнөөхдөө өгчихөөд өөрөө зүгээр суух гээд зүтгээд байдаг төвөгтэй.

5. Чухлууд- Эд бол их хичээж байгаа нөхөд л дөө. Бүлтүүш гэхээр арай биш. Аль болох худлаа ярихгүйг хичээж байгаа. Бултууш ч биш. Гэхдээ бултахад бэлэн. Төрийн бус байгууллага, компани, охин, хүү, ач зээ компаниуд байгуулчихсан хажуугаар нь төрийн албанд ажил хийнэ. Бөөн нэрийн хуудас гаргаж ирээд алийг нь авах уу гэнэ. Уул нь мөрөөдлийн төлөө тэмцэж байгаа мэт боловч энд тэндгүй царцаа шиг үсчээд байхаар барьцгүй. Чухлууд гол нь чухалаа мэдрүүлэх гэж байдгаараа хичээх нь огт чухал биш надад бол ажлын хажуугаар тээртэй байдаг юм. Ажил ярьж байнгуут гэнэт Чи Богд уулын Их тэнгэрийн аманд газар авахад ямар үнэтэйг мэдэхгүй биз? эсвэл Бензийн ирэх жилийн загвар ямар үнэтэй бол оо, чи сонирхсон уу гэх мэт алгебрын бодлогоос хүнд асуулт асуудаг юм.

6. Томууд- За эд бол их том хүмүүс. Их том ярина, том машинтай, том байртай, том гүзээтэй, том түрийвчтэй, том компанитай гээд л бүгд л том. Би бол шар будааны үртэс төдий л харагддаг юм шиг байгаа юм. Харц дээгүүр, ер нь бол онийсон байдалтай. Хамрын нүхний үсийг нь би бараг тоолчихмоор. Дуу нь гарах гэж их юм болно. Ганц үг унах нь говийн бороо шиг. Хөл бөмбөг, сагс тоглохдоо ч костюмнаасаа салах нь үгүй. Тийм болохоор томуудад зориулж бараг тусгай талбай бэлдэхгүй бол ирэхгүй. Эд нартай харьцаж тоогдох л хэцүү. Томууд өөрийнх нь том баг уначихвий, жинхэнэ төрх нь мэдэгдчихвий гэж үнхэлцгээ хагартал айдаг нь өрөвдмөөр ч юм шиг.

За нэг ийм амрагуушуудтай бор өдрийг өнгөрөөж байна. Мартууш, Гүндүүш гээд цаашаа үргэлжлэвэл үргэлжлэх ч гэлээ үүгээр зогслоо.

Намайг үгүй болохоор

2008-06-12T06:51:00.000-07:00

When I Am Dead, My Dearest

When I am dead, my dearest,
Sing no sad songs for me;
Plant thou no roses at my head,
Nor shady cypress tree:
Be the green grass above me
With showers and dewdrops wet;
And if thou wilt, remember,
And if thou wilt, forget.
I shall not see the shadows,
I shall not feel the rain;
I shall not hear the nightingale
Sing on, as if in pain:
And dreaming through the twilight
That doth not rise nor set,
Haply I may remember,
And haply may forget.

~Christina Rossetti

Намайг үгүй болохоор....

Намайг үгүй болохоор, голын хайрт минь
Намайг үгүй болохоор шүү, ганцхан хайрт минь
Найзаа дурсан гунгигийн дуу битгий дуулаарай.
Өнгөлөг улаан сарнай толгойг дэрлүүлэн тариад
Өтгөн навчист агар зандан ч тордож суулгахын хэрэггүй.

Нойтон шүүдэр хурын дусал бөнжигнөсөн
Ногоон өвс болж харин дээр минь халиурвал л болж.
Болбол санаж яваарай, эс болбол яахав мартаарай.
Хөөрхий би чинь нөмрөөд ирэх сүүдрийг анзаарах ч үгүй
Хөшсөн бие маань шаагаад асгарах бороог ч ажрах ч үгүй
Гаслан гингэнэх мэт алтан гургалдайн дууг ч сонсох үгүй.
Харин газар дэлхийд ургах биш жаргах биш үүрийн гэгээг нэвт зүүдэлж
Хааяа нэг санаж ч мэднэ, Үгүй ч байж мэднэ....

2008-06-12T06:42:00.001-07:00

Залуу бүсгүй аавдаа гомдолжээ.
- Аав аа, би үнэхээр ядарч байна. Миний амьдрал ямар хэцүү юм бэ. Бөөн л зовлон. Би байнга л гүйж хөдөлж байхгүй бол бологүй юм. Надад цааш тэмцэх хүч алга. Би одоо яалтай билээ?

Аав нь охинынхоо ярихыг сонсоод гал дээр гурван ижил саванд ус хийн тавьжээ. Буцлахад нь Нэгэнд нь өндөг, хоёр дахьд нь лууван гуравдахад нь кофе хийв. Тэгээд удалгүй өндөг, лууван хоёрыг гаргаж, кофег аяганд хийв.

- За хар. Юу өөрчлөгдсөн байна вэ?

- Өндөг лууван хоёр болчихсон байна. Харин кофе усанд уусчээ.
- Үгүй ээ охин минь. Гаднаас нь харахад л тийм байгаа юм. Сайн хар. Хатуу байсан лууван халуун усанд буцлаад зөөлөн болчихсон байна. Хагарчихмаар эмзэг өндөг хатуу болсон байна. Гаднаас нь харахад юу ч өөрчлөгдөөгүй юм шиг. Гэхдээ нэг ижил орчинд ороод дотор байдал нь өөрчлөгджээ. Яг л хүмүүс шиг. Гаднаа хүчтэй мэт хүмүүс зовлон жаргалд хөл алдаж унаж мэднэ. Гаднаа уян зөөлөн эсвэл сулбагар хүмүүс хатуу чанга болж магадгүй.
- Тэгвэл кофе? - гэж охин асуув.
- Аан! Энэ харин хамгийн чухал нь! Кофе халуун усанд холилдоод шинэ хэлбэрт хувирч сайхан үнэр гаргаж байна. Усны өнгийг өөрчилсөн байгаа биз дээ. Бас амтыг. Яг л үүн шиг онцгой хүмүүс бий. Тэд юу ч болж байсан орчин нөхцөлдөө уусаж, дагаж хувиралгүй харин түүнийг өөрийн дураар өөрчилж шинэ сайхан зүйл болгож байдаг юм гэжээ.

meaning of being a family

2008-05-23T21:28:00.000-07:00

If he has family, he's rich.

2008-05-18T05:50:00.000-07:00

Улаанбаатарт мод навчаа дэлгээд ирэхээр сэтгэл санаа сайхан болж ирж байна. Блогийг хэсэгтээ бодохгүй, үзэх ч үгүй байлаа. Шинэ ажилд орчоод танихгүй хамт олны дунд учраа олохгүй мунгинаж, тэрэндээ өөрийгөө шоолж үе үе эвгүй авиа гаргаж инээсэн шиг л. Ядаж би хүний нэр тогтоодоггүй муу зантай юм. Би уул нь дуугүй даруухан хүн биш ч шинэ ажилд тийм байна уу бүү мэд, их намбатай байгаад байгаа. Хэр удаан үргэлжлэхийг би үл мэдсү. Болж л өгвөл нээх амаа нээмээргүй санагдаад байх юм. Амнаасаа болж их алдаж байгаа хүн л дээ би. Бүр цаанаас нь тэгээд программчилдаг юм болов уу, жишээ нь ямар нэг албаны уулзалт, албан ёсны зоогт орохоор яагаад ч юм нэг мэдэхэд би босчихсон үг хэлээд зогсож байдаг юм. За тэгээд өөрийгөө бариад, хүнээс зайдуу, ширээний захад, жаахан эвгүйтвэл гараад алга болоход бэлэн гээд хаалганы хавьцаа суухаар явж явж миний нэрийг дуудаад гаргаад үг хэлэх л болчихно. Үгүй ээ тэгээд аятайхан үг хэлчихгүй, олон юм бас их нуршаад чалчаад байхыг нь яана. Ямартаа ч хажуудах хүн ханцуй, хормойгоос татаад Одоо болноо болно гэж шивнэнэ. Ийм төвөгтэй байдал байдаг болохоор тийм арга хэмжээнд дургүй. Тэгэхээр төлөв байдалд шилжсэн чигээр аль болох гүрийх зорилготой байна.

Ирээд Монголд яаж амжилтанд хүрэх вэ гэж нэлээн судалгаа хийлээ. Найз нөхөд, танил, зүс таних хүмүүс гээд олны туршлага, түүхээс харлаа, үзлээ. Одоо хэрэгжүүлэх л үлдлээ. Гол нь их том том ярих хэрэгтэй юм байна. Том машин унаад, том түрийвч бариад, том том юм яриад, том том хүмүүстэй танилаа гайхаад, том том үнэмлэх диплом өрөөд, том том байранд, том том аягаар том том халбагаар том том үмхэж идээд гэхчилэн.

Хаана л очино зургийн аппаратаа гаргаж ирээд том том хүмүүсийн дэргэд очиж зургаа авахуулаад л, нэрийн хуудсыг нь цуглуулаад гүйчихдэг нэг нөхөр таних юм. Дараа нь түүнийгээ бусдад үзүүлэхдээ "намайг уриад, зөвлөгөө аваад, би баахан туслаад, хамаг материалаа англи, япон, зулу хэлээр надаар орчуулуулаад тэгээд оройн хоолонд орж яваад авахуулсан зураг" гэхчилэн том том тайлбарлана. Хүмүүс ч итгэнэ. Ингээд том том хүмүүс том том юм гуйдгийг бодохоор бүүүр том хүн байна гэж бодох жишээтэй.

Ирээд би их олон боломж алдсныг эргэн тойрныхон маань сануулаад сэтгэлээр унагаагаад байх юм. "Үгүй ээ чи, өнгөрсөн жилийн 9 сард л ирсэн бол байр хямдхан авах байлаа ш дээ", "Үгүй ээ, чи, оюутан байхдаа л хүнтэй суугаад хүүхэдтэй болсон бол өдийд ингээд бүхнийг ганцаараа хийх гээд байхгүй байх байлаа", "Үгүй ээ чи, аль дээр л тэр намд ороод идэвхтэй байсан бол одоо нэг албан тушаалтай байх байлаа", "Үгүй ээ чи, тэнд нэг контэйнэр барьчихсан байсан бол одоо байшин барих газартай байх байлаа" гэхчилэн харамсмаар юм их л ярьж байлаа. Өнгөрсөн жилийн 9 сард ид дипломын ажлаа бичээд Монгол ирж чадаагүй, оюутан байхад хувь заяаны эргүүлэг таарч хүнтэйгээ учирсангүй, тэр үед контэйнэр байтугай гутлаа авах мөнгө муутай цалинтай байлаа. Намайг харамсах бүрд харилцан яригчийн царай баяраар гийн улам бүр харамсуулах гэж хичээнэ. Хамгийн сүүлд нь "Үгүй ээ, чи, ирээ л шуудай будаа аваад тавьчихгүй" гэж аймаар шүүрс алдуулна.

За одоо зун боллоо. Хурдан намар болоосой гэж л бодож байна. Наадам болтол хол л санагдаад байгаа юм даа.

гэртээ

2008-04-17T04:27:00.000-07:00

Нутагтаа ирээд сайхан байна өө. Хөгжилтэй ч, хөөрхийлөлтэй ч юм их болж байнаа. Яг улаан шороо тэнгэр газар бүрхэж, үүлс хураа харамласан, салхи ширүүнээ үзүүлсэн үед ирээд жаахан шокийн байдалтай байснаа одооноос дасаад овоо хүн шиг болж ирж байна даа.
Ирээд л иргэний үнэмлэх, гадаад паспортын хугацаа сунгуулах, өмчлөх эрхийн өөрчлөлт хийх, оршин суугаа газрын харъяаллын шилжүүлэг хийх гэх мэт ажил ундарч төрийн албаны үйлчилгээг бие махбодь, сэтгэл санаагаар айхтар мэдэрлээ. Сайхан ч болжээ. Яаралтай, энгийн гээд үйлчилгээний хоёр төрөл байх. Энгийн бол дугаарлаад, хөлөө эцээгээд, дараа нь доод тал нь ажлын арав хоног эсвэл сар гаруй хугацаатай хүлээх аж. Гэхдээ үйлчилгээний үнэ хямд. Харин яаралтай гэвэл бараг л өдөртөө хамаг юм болж бүтээд, онцлог нь төлбөр нь өндөр. Яаралтайгаар гэнгүүт л үйлчилгээ ч бас арай ондоо болоод ирж байх шиг. Сэтгэл дагаад байна уу үгүй юу. Сайхан үйлчилгээ авъя гэвэл хувцаслалт, дүр төрх бас чухал хэвээр болтой. Ямар нэг асуудлаар хандахад эхлээд болохгүй, үгүй, эсвэл тийм тийм бичиг авчир, хоёулаа хамт ир гэх мэт хүнд суртлын маягийн үг сонсох магадлал маш өндөр бөгөөд тэгэнгүүт нь аан за гээд буцаад явчихалгүй, ах аа, эгч ээ, энэ чинь ийм ш дээ, тэр чинь тийм ш дээ, яаралтай байгаа юм аа гэх мэтээр учирлах уурлахын завсар хэлэмгий доломгой байх нь чухал юм аа.

Заримдаа өөрийгөө Биелэгдэшгүй даалгавар кинонд тоглож байгаа мэт сэтгэгдэл төрөх юм. Ялангуяа гэрлэлт бүртгүүлнэ гэдэг чинь гэрлэх хүнээ олохоос илүүтэй ярвигтай, янз үзсэн, тэвчээр шалгасан томоос том даваа юм. Үе үе өөрийгөө их л буруутай, нүгэлтэй юм хийж байгаа мэт төрийн албаны ажилтнуудын өмнө гөл авч байнаа. Гэхдээ би аливаа эерэг талаас нь харах хэрэгтэй гэсэн зарчимтай хүн тул энэ бүхнийг төрөөс хосуудад үнэхээр хайр дурлал, гэрлэлт, ирээдүйн төлөө ямар ч хүнд хүчир давааг ажрахгүй даван туулах чадварыг олгох үүднээс албаар ийм байдлыг үүсгэж байна гэж сэтгэнэм. Ингэж гэмээнэ бат бөх гэр бүл тогтох буюу. Тийм болохоор өөдрөгөөр хаалга үүд татан, бичиг сэлт цуглуулан, хөлийн тавхайг эргэтэл, хацраа сайрттал гүйв. Энэ зуур мэдүүштэй юм их үзлээ. Тухайлбал нэг дүүргийн эрүүл мэндийн нэгдлийн эмч нарын дүгнэлт өөр дүүрэгт хүчингүй ажээ. Өөрөөр хэлбэл Сүхбаатар дүүргийнхний хувьд Сүхбаатар дүүргийн эрүүл мэндийн нэгдлийн дүгнэлтийг л хүлээн авах бөгөөд бусад дүүргийн эмнэлгийн дүгнэлтийг огтоос хүлээж авахгүй. Хоёр өөр дүүргийн хүмүүс заавал аль нэгний хаягт хамт бүртгүүлсэн байх ёстой гэх мэт. Өөрийн хаяг дээр ганцаараа бүртгэлтэй миний хувьд төрхөмөө эзэнгүйдүүлэх болж, хорооноос заавал хэн нэгнийг тэр гэрийн хаягт бүртгүүлж үлдээхгүй бол шилжүүлэг хийхгүй гээд л асуудал их байнаа. Бас бүрдүүлэх баримт бичиг гээд үүдэнд наачихсан цаасанд дурдагдаагүй бичиг гарцаагүй нэхдэг гэх мэт. Бүх баримт бичиг бүрэн байсан ч заавал ямар нэг өө сэв олчих санаатай зүтгэнэ. Хэрэв бүр ямар ч өөгүй байвал царай зүс, өмссөн зүүсэн харж, хахуулиар хамаг юмаа хийчихсэн юм биш үү гэсэн мэт сэжигтэйгээр харна. Яг энэ үед л нүүрний буян буюу нүдэнд дулаахан харагдахаас их зүйл хамаарна. Бүр аргаа барвал тухайлбал өөр өдөр ир, одоо завгүй, цаг ав гэх мэт асуудал гарахад лам багш яг одоо л гэрлэлтээ бүртгүүлээрэй гэсэн юм, тэхгүй бол ирэх жил хүртэл хойшлогдох гээд байна гээд л зүтгэ гэсэн асар нарийн арга заль зааж өгөв дөө надад. Торгон ухаан, түргэн сэргэлэн зан, тэвчээрийн туйлыг шалгасан тун чиг зөв зүйтэй даваа гүвээ байна гэж дүгнэлээ.

Би гэхдээ ойлгоод байгаа юм аа. Бүх зүйлээ дүрэм журмын дагуу хийх гэсэн хүн тэр бүр гараад байдаггүй ч юм уу, хэрэв тийм хүн байвал ажлаа ёс журмын дагуу хийж, өөрийн үүрэг ролио мэдрэх алтан боломж ч юм бил үү. Үгүй ээ, тэгээд энэ ч тийм ч муу юм бас биш. Ингэж тоосорч чавхдаж байх зуур олон түмэн төрөл бүрийн арга чарга, учир начир, заль мэхийн талаар өгөөмөрөөр зааж өгч байлаа шүү дээ. Хойшид гэр бүл болсны дараа энэ мэдлэг хэрэг болж л таарна.

За тэгээд энэ бүх давааг элдэв хэрүүл уруул, бухимдалгүй даваад, таван зуун мянган төгрөг төсвөөс хорогдоно доо. Хамгийн гол нь энэ олон даваа гүвээг туулан байж й гэрлэсийм шүү гэж бодохоор юун салах барих, хачин их нандигнах шүү дээ.

тэмдэггүй

2008-03-24T06:47:00.000-07:00

...Чингэхэд шавь асуужээ: Багш аа, гэрлэлт гэдгийг тайлбарлаж өгнө үү?

Багш хариулжээ:

Та хоёр хамтдаа байх гэж төрсөн, насан туршдаа бие биеэ түшиж амьдарна.

Та хоёрын дундуур үхлийн элчийн цагаан далавч дэвтэл цугтаа байх тавилантай.

Бурханы чимээгүй дурсамжид ч та хоёр хамт байна.

Гэхдээ хамт байна гэдэг тас зууралдана гэсэн үг биш ээ.

Тэнд, та хоёрын дунд диваажингийн салхи бүжиглэг.

Бие биеээ хайрла, гэхдээ хайраа зорилго болгож болохгүй.

Дурлал хайр- та хоёрын сэтгэлийн эргийг холбогч гүүр- давлагаалах далай болог.

Бие биеийнхээ уух аягыг дүүргэ- гэхдээ нэг аяганаас битгий уу.

Бие биедээ идэх талхыг өг- гэхдээ нэг зүсмээс хамтдаа бүү ид.

Цугтаа дуулж, бүжиглэж, хөгжилд. Гэхдээ бие биеийнхээ орон зайг хүндэл.

Пийпаа хөгжмийн чавхдас салангид ч хамтаа хөглөгдөн аялгуу эгшиг гаргадаг бөлгөө.

Бие биедээ зүрх сэтгэлээ өг. Гэхдээ бүү өмчил. Гагцхүү амьдрал л та хоёрын зүрхийг өөртөө багтаах чадал буй.

Хамтдаа зогс, гэхдээ бүү наалдаж нал.

Сүмийн багана бие биесээсээ хол зайдуу байдаг юм,

Царс, наргил мод бие биеийнхээ сүүдэр дор ургадаггүй юм.

Халиль Жебран (Khalil Gibran)

миний урд

2008-03-23T20:43:00.000-07:00

Ард алхсан гишгэсэн мөр... Урд...цав цагаан...цэлийсэн... Заримдаа бодох юм... Залуу байх ямар сайхан юм бэ...
Харуки Муракамигийн нэг номны талаар япон нөхрийн сэтгэгдэл тэмдэглэлийг уншаад уг номноос ишилж надаа хэлсэн найзын үг..."Чи миний ор тас мартаж, санахыг ч үл хүсэх тэр зүйлийг, тэр өнгөрснийг үнэхээр мэдмээр байна гэж үү?"

Ямар номон дээр нь хэн ийм үг хэлдэг юм бол оо?

...Үгүй ээ, би мэдмээргүй байна, бас чи ч дахиж санаад хэрэггүй. Тэр тэнд гишгэсэн мөртэй хамт үлдэг. Болоод өнгөрснийг дахин дахин босгож, амилуулж, байнга тэнд торлогдож байхыг хэн хүсэх билээ. Хоёулаа хамт ургашлая, явъя, гараа өгөөч...

үймсэн дотор

2008-03-23T18:03:00.000-07:00

***Хөгшин муур явж байтал хөөрхөн жаахан муужгай дороо эргэлдэн нэг унаад л, буцаж босоод л, дахиж эргэлдээд л байхыг харж гэнэ. Хөгшин муур муужгайг өхөөрдөн асууж гэнэ.
- Чи яагаад дороо эргэлдээд байгаа юм бэ?
- Сүүлээ барих гээд.
Хөгшин муур балчир байхдаа бас л ингэж сүүлээ барих гэж оролдоод бүтэхгүй болохоор нь бухимддаг байснаа санаж гэнэ. Одоо бол сүүлээ төвөггүй бартчихдаг, хүрчихдэг болсон аж.
-Яагаад сүүлээ барих гээд байгаа юм бэ?
- Хэн нэг нь өмнө нь миний сүүл миний аз жаргал байдаг гэсэн юм. Тийм болохоор би аз жаргалаа алдахгүйн тулд баттай гэгч нь барьж авах гэсэн юм. Чингэхэд нь хөгшин муур муужгайг илэн хэлж гэнэ.
- Намайг яг чам шиг байхад хэн нэг нь энэ үгийг хэлж байсан юм. Тэргэхэд би бас яг л чам шиг сүүлээ барьж авах гэж адгаж байлаа. Өдөр бүр барих гээд чадахгүй, хүрдэггүй байсан даа. Сүүлдээ залхаад сүүлээ хөөцөлдөхөө байчихсан. Тэгсэн юу болсон гэж санана?
- Юу??????
- Томоо болсон хойно анзаартал сүүл үргэлж надтай хамт байгааг мэдсэн дээ.
****
Нэг нөхөр талийгаач болж. Нөгөө ертөнцөд Бурхантай хамт өөрийн туулж өнгөрүүлсэн амьдралыг эргэж нэг харж гэнэ. Тэгэхдээ амьдралыг харуулахдаа далайн эрэг дагуу элсэн дээрх хөлийн мөрөөр дүрсэлж үзүүлж гэнэ. Анзаартал, ихэнх үед хоёр хүний хөлийн мөр гарсан байтал, хамгийн их зовж шаналж байх үед ганцхан хөлийн мөр гарсан байж гэнэ. Хүн хэлжээ:
- Бурхан минь, та намайг хүнд хэцүү үед яагаад ганцааранг минь орхисон юм бэ? Яаж ингэж чаднам бэ? Бурхан хариулж:
- Би тэр үед чамайг тэврээд алхаж байсан юм аа.

***
Нэгэн хүн амьдралын зовлон бэрхшээлд зовж ядарч туйлдаа хүрч гэнэ. Тэрээр Бурханд ямар хэцүү байгаагаа хэлж, мөрөн дээрх ачаанаас нь хөнгөлж өгөөч гэж гуйн мөргөжээ. Бурхан өгүүлэв:
- За тэгвэл чи эндээс хүзүүндээ зүүж явах эрхиэ өөрөө сонго. Хүнд эрх хүнд ачаа. Хөнгөн эрхи хөнгөн ачаа болно. Ингээд Бурхан эрхиний агуулахад аваачив. Өнөөх эр өөрт ачаа бага байх эрхи хайж эхэлжээ. Ихэнх нь хүнд, эсвэл том, эв хаьгүй байлаа. Явж хайж хайж эцэст нь хамгийн хөнгөн, жижиг эрхийг олж
- Би үүнийг авлаа гэжээ. Чингэхэд Бурхан хэлжээ:
- Наад эрхи чинь угаасаа таны хүзүүнд зүүлттэй байсан чинь шүү дээ.

Ингээд энэ долоо хоногийн хагас сайн өдөр гэхэд эх орныхоо газар шороон дээр хөрвөөж байх нь. Юу хүлээж байгааг бурхан, чөтгөр хоёр л мэдэх байх. Гэхдээ бүх юм сайн сайхан руу тэмүүлж байдаг гэдэгт үргэлж итгэдгээрээ урагшаа.
Монголд намайг нүдээ ширгэтэл хүлээж байгаа хүн эмээ. Аргагүй, манайд байгаа хоёр эмэгтэйн нэг нь эмээ, нөгөө нь би юм чинь дээ. Сүүлийн үед өдөр нүдээ аниад суугаад байдаг болсон гэнэ. Яагаад ингээд байгааг асуухаар ач охиноо иртэл нүдээ гамнаж байгаа юм гэнээ. Ер наслаад нүд, чих нь аргагүй муудсан ч харъя гэснээ хараад, сонсъя гэснээ сонсоод л байгаа юм. Ойрд Монголын улс төр гэж бантангаа хутгаад эмээгийн дэмждэг ардчилсан нам нь хийморийг нь сэргэтэл хөгжөөхгүй байгаа бололтой. Очиж байгаад л улс төрийн халуун сонин, сонгуулийн прогноз сонсох гээд байгаа юм шүү дээ, эмээгээсээ.

2008-03-18T21:09:00.000-07:00

Сканер вашего сердца (Триникси)

1. Ваш выбор символизирует человека, который мог бы вам понравиться в реальной жизненной ситуации.
Лошадь - Безудержный, свободолюбивый и свободный.
2. Ваш выбор символизирует впечатление, которые вы хотите произвести на человека.
Лошадь - Оптимизм.
3. Ваш выбор символизирует поведение, которое заставило бы порвать отношения с вашим партнером (любимым человеком).
Акула - Ваш партнер такой человек, который пойдет по головам и не остановится ни перед чем.
4. Ваш выбор символизирует вид отношений, которые бы вы хотели иметь с вашим партнером (любимым человеком).
Кролик - У вас очень теплые отношения. Вы всегда с любовью думаете и часто вспоминаете своего партнера.
5. Ваш выбор показывает смогли бы вы совершить измену.
Человек - Вероятнее всего, что нет.
6. Ваш выбор демонстрирует ваше отношение к браку.
Белый тигр - Для вас брак - это нечто драгоценное, когда вы поженитесь,вы будете высоко ценить брак и вашу вторую половинку.
7. Ваш выбор демонстрирует ваше отношение к любви.
Лошадь - Вы не любите длительных взаимоотношений, вы готовы только на флирт.

Пройти тест!

ууртай ууртай

2008-03-17T19:08:00.000-07:00

Аймаар ууртай байлаа уул нь өчигдөр. Зулайнаас нь уур савссан, нүднээс нь гал гарсан, амнаас нь утаа савссан түнтийсэн юм л өнхөрсөөр гэртээ ирэв. Товчхондоо нутаг буцахын өмнө байрны эзэндээ мөнгөө дэлсүүлчихлээ. Ёстой уур их хүрэв. Байрнаас гарахад барьцаа мөнгөнөөс зөвхөн цэвэрлэгээний мөнгийг аваад буцааж өгнө гэсэн боловч цагаа тулсан чинь нэмэгдээд ариутгал, шал солих мөнгө орчихдог байна. Хагас жил хөлслөхөд ердөө гурван сар л амьдарсан, шаланд нь сэв ч суулгаагүй байхад шал солино гэж гэрээнд заагаагүй тусгаагүй асуудал гаргаж ирээд мэдрэлийн эс таслав. Ийм зүйл гэрээнд байгаагүй шүү дээ, анх байранд ороход хийсэн гэрээ, хүлээж авсан баримтад угийн хэд хэдэн газар шалны зураас гарсан байсныг тусгасныг эргэж харна уу гэтэл байрны эзэн болон зуучлагч компани хоёр ихэд гайхав. Энэ байрны эзэн угаасаа л ийм хэмжээний мөнгө авдаг, өмнө нь нэг ч хүн гомдол гаргаж байгаагүй, анх удаа та байлаа гээд эргүүлж тойруулаад, гэрээ, цаасыг үл тоомсорлож байх юм. Ариутгал, цэвэрлэгээ яаж ч бодсон тийм үнэтэй гарах учиргүй гэтэл тэр ажлыг хариуцсан компани нь өнөөх байрны эзнийх байж таардаг юм аа. Тэгэхээр үнээ өөрөө тогтоогоод, завших нь аргагүй. Хөлслөгч ч гэсэн үүнийг мэддэг ч юм уу, гарах эрсдэл гэж тооцолчихдог ч юм уу. Танай Иргэний хуулиар гээд л эхэлтэл зуучлагч компани тэр тухай огтхон ч сонирхохгүй байгаа нь илт. Эцэстээ над шиг асуудал үүсгээд байдаг буруу номтон тэр бүр байхгүйг ойлгов.
Байрны гэрээ байгуулах үед стандарт гэрээтэй танилцахад ихэнх заалт нь л миний үүрэг байхаас миний эрх ердөө хугацаанаас өмнө нүүх л байв. Гэрээнд барьцааны тооцооны талаар оруулж, төлсөн мөнгөө шаардах эрх, зайлшгүй гарах элдэгдэл хорогдлын тооцоог бодох аргачлал зэргийг оруулах санал тавьтал зуучлагч компани хэрэв тэгнэ гэвэл доод тал нь сар гаруйн хугацаа орох бөгөөд бүх хөлслөгчид нэг л гэрээний загвараар хийдэг тул таны энэ шаардлагыг бараг л утгагүй гэж үзэж байгаагаа эелдгээр хэлсэн л дээ. Тэгээд ч цөөхөн сар амьдрах байрны төлөө ямбагначихав уу, япончууд муухайтахгүй л байлгүй дээ гэсэн чинь хөнгөмсөг бодол байлаа.
Ер нь асуудлын гол нь мөнгөндөө биш, харилцан тохиролцсон хэлцэл, хүлээлгэж хүлээлцэж өгсөн бичигт хэт найдсандаа уур хүрсэн юм. Гэрээ бол баталгааны үүрэгтэй болохоос гэрээнд юу гэж зааснаас үл хамаарч гол асуудал, ноён нурууг практик, хэв маяг шийдэх нь тэрийг мэдэхгүй надад шударга биш санагдав. Яах гэж тэгвэл тэр олон бичиг цаас болсон юм бэ?

Хоёр жил найман сар амьдрахад Японд анзаарсан зүйл гэвэл нөхдүүд сав л хийвэл бичиг цаас, тамга тэмдэг дарах дуртай. Тэгсэн мөртлөө тэр бичиг цаасны агуулга, ач холбогдолын талаар тэгж их чухалчилдаггүй санагдсан. Хамгийн гол нь тэр баахан цаас нь нэгдүгээрт, ингэх ёстой гэсэн мануальтай, хоёрдугаарт тамга тэмдгээ дарж байгаа этгээд "цаасан дээр мөрөө үлдээсэн тул нэрээ хичээх, нүүрний арьсаа бодох"-ыг ухамсарлуулж байгаа юм байна гэж ойлгов. Ямар нэг асуудал, маргаан гарахад өнөөх бичиг цаас руу орохоос өмнө ам хэлээрээ зохицоод шийдэхийг эрхэмлэдэг бөгөөд байдал бүр бишдээд, дордоод, эцсийн шатандаа орохоор тэр гэрээ сэлтэд юу гэж бичснээ хуульчаар ч юм уу уншуулж асууж эхэлнэ. Тэгж цагаа гарзадсны оронд зүгээр л наашаа харж инээж, цаашаа харж ярвайсан л яалт ч үгүй дээр л болчихож байгаам.
Ерөнхийдөө нэр нүүрээ бодоод, хоорондын харилцаагаа хадгалах, муудалцахгүйн үүднээс өөрт хохиролтой байсан ч гэрээ хийх, төлбөр төлөх, үг дуугүй даган биелүүлэх зарчим дээгүүрт тавигддаг юм байна гэж стереотайпдаж дүгнэв. Тогтсон хэв маягаас амархан гарч, шинэчлэгдэхдээ маруухан ч юм уу. Бухимдаад дутуу дулимаг дүгнэсэн байж магад. Эрүүл ухаантай болохоор тухтай бодохоос.

Гэхдээ ч япон үг яриаг ойлгоод байгаа. Жишээ нь ямар нэг үдэшлэгт урихдаа "Ийм баяр болох юм байна. Төлбөр нь их үнэтэй, танай гэрээс хол юм даа. Буцаж харихад хэцүү юм даа. Нэг монголд байсан хүн ирэх юм байна лээ.Чи танихгүй л дээ" гэхчилэн яг намайг уриад байгаа юм уу эсвэл очоод дэмий дээ гээд байгаа нь мэдэгдэхгүй юм яриад эхэлбэл "очино оо" л гэх. "Ажилбар чинь их сайн болжээ. Одоогийн байдлаар энэ төвшинд хийнэ гэдэг болж байна. Хуудасны тоо зуугаас дээш байвал зүгээр. Гэхдээ болж болж" гэвэл хуудасны тоогоо зуугаас дээш гаргах л ёстой гэсэн үг. "Өнөөдөр тэндээс нэг хүн ирж лекц уншина" гэвэл аа тийм үү гээд өнгөрөх бус харин би тэнд суух ёстой ч юм уу. "Дөнгөж л хорьтой жоохон хүүхэд шиг харагдаж байна шүү. Эгдүүтэй хөөрхөн юм аа. Хуульчаар ажиллаж байсан гэхээр итгэмээргүй" гэх мэт зүйл яривал намайг "бацаан аа, чамайг хуульч гэхээр инээд хүрээд өхөрдмөөр байна" гэсэн үг биш, үнэнгээсээ л сайхнаар магтаж байгаа гэх мэт. Анх эргүүтээд ойлгодоггүй байсан чинь одоо бол овоо болчихоод байгаан.

Жич. Асуудал үүсгэсний ачаар ч гэх үү тээрээс ч гэх үү, байрны эзэн ядаж жоохон ч гэсэн мөнгө буцааж өгөхөөр болов. Заргач юм аа би.

Milgram Obedience Experiment

2008-03-16T19:43:00.001-07:00

Ажилд ороод хэдхэн хоноод, удаагүй байхдаа бага даргын тушаалыг үг дуугүй даган биелүүлээдэхсэн чинь уг тушаал нь дүрмийн бус байж таараад том даргаасаа банга хүртэж билээ. Юу юу ч гэж загналаа даа. Ямар ч дарга байгаад хүн ал гэвэл чи алах уу? Хуулиа мэддэг хүн байж даргын тушаалыг буруу байна гэж бодвол эсэргүүцэх ухаан алга уу гэх мэтийн агуулгатай л байсан. Чихний хулхийг нээж, нүдний нуухыг авсан шиг сайн банга байсан. Түүнээс хойш дарга босс хэнбугай ч бай тушаал заавар өгөхөд нь хууль дүрмийн дагуу биш л бол үгүй ээ, чадахгүй ээ, болохгүй ээ гээд гэдийгээд хэдэрлэдэг аашны тулам л болсон л доо.
За тэр яахав. Өөрийгөө ойлгох гэж психологидов. Өөрийн тэр дээр үеийн алдаа сургамжтай холбоотой ч юм уу, Милграмын туршилтыг үзлээ.
1963 онд Стэнли Милграм Дэлхийн 2-р дайны үед цэргийн албан тушаалтнууд дээд том даргын үгийг дагаж биелүүлсэндээ тэр олон мянган хүнийг хороов уу, эсвэл угаасаа хэрцгий хүмүүс байв уу гэдэг асуултад хариулахаар туршилт хийжээ. Тэрээр туршилтандаа урьдаас бэлдсэн нөхрийн биед нь цахилгаан гүйдлийн багаж зүүлгэн, багшаас өгсөн асуултад буруу хариулсан тохиолдолд тодорхой хэмжээний тог цохиулахаар "төлөвлөжээ". Багш сургагч этгээдэд асуулт тавин, эхний буруу хариултад 15 вольт, дараагийнханд вольтын хэмжээг ихэсгэсээр 450 буюу үхэлд хүргэх аюултай төвшинд хүргэх даалгавар өгч. Багш, сургагч хоёр өөр өөр өрөөнд оруулжээ.Үнэндээ бол тэр нөхөрт ямар ч вольт ирэхгүй бөгөөд харин тодорхой төвшинд ирэхэд нь болъё оо, зогсоогооч ээ, чадахгүй нь ээ, үхлээ гэх мэт үг хэлэх заавар авчээ. Харин "багш"-д энэ жүжиглэлтийн талаар хэлэлгүй нуужээ. Багш эхлээд буруу хариулахад тогоор цохиж байснаа вольтын хэмжээ ихсээд ирэхэд дахин хэмжээг ихэсгэхгүй, үргэлжлүүлэхгүй гэж татгалзахад туршилт удирдагч харин үргэлжлүүлэхийг шаардаж байв. Туршилтын үр дүн: оролцсон багш нарын 65 хувь нь 450 вольтоор цохиход бэлэн буюу олонх нь хэдийгээр цаана хүн үхэх аюултай байгааг мэдсэн ч тушаалыг даган биелүүлэх төлөвтэйг тогтоожээ. Үүгээр Милграм хүн өөрөөсөө илүү дээд албан тушаалтан, эрх мэдэлтний хэлсэн үг, заавар тушаалыг үг дуугүй даган биелүүлэх хандлагатайг харуулж байна. Мөн хүн эгзэгтэй үед шийдвэр гаргаж чаддаггүй буюу чадваргүй үед асуудлыг өөрөөс дээгүүрх этгээд ба бүлгийн гарт өгөх, тэрчлэн эрх мэдэлтний тушаалыг даган биелүүлэх үед хүн өөрийн үйлдэлдээ хариуцлага хүлээх тухай бодохоо байдаг байна.
Милгармын туршилттай холбоотой хүний хар, барзгар талыг харуулсан The Human Behavior Experiments баримтат киног үзвэл сонирхолтой санагдсан. Яагаад гудамжинд бүсгүй хүн тусламж гуйж орилоход хөршүүд цагдаа дуудаагүй, яагаад найз нь нүдэн дээр нь амь тавихад эмнэлэг рүү утасдаагүй, цагдаа гэж өөрийгөө нэрлэсэн этгээд утасдаад хувцасаа тайл гэхэд даган биелүүлсэн МакДональдсынхан ичиг ичиг үү, энгийн сайхан хүмүүс яагаад харгис хэрцгий болж хоригдол яргалж, тарчлаах болов гэх мэтийг сэтгэл судлал талаас харуулж тайлбарласан кино. Цаашлаад хало эффект, Festinger ба Carlsmith-ын туршилт, Стэнфордын шоронгийн туршилт, Робберсын агуйн туршилт, Asch-ын тест мэдмээрийн байлаа. Хамгийн гол нь хүнд юу юунаас ч илүү эрхэм, тэрбум сая долларт ч үл цохигдох эрхэм үнэт зүйлтэй байх нь чухал юм. Тэр нь мэдээж эд хөрөнгө бус харин ёс суртахууны тансаг дээд чанар, хүн байхын эрхэмсэг оршихуй ч юм уу. За тэгээд ийм үнэт зүйлтэй байлаа ч хар талаа арилгаж чадахгүй тул ямар нэг ёс суртахуун, ёс зүй, хууль дүрэм, хүний эрх эрх чөлөө, миний хүний хувь заяа, өөрийн, гэр бүл, улс орны нэр төр, өнгөрсөн ирээдүйтэй холбоотой асуудалд шийдвэр гаргахдаа ямар нэг бүлгийн, эрх мэдэлтний, хало эффект зэрэгт автагдчихаагүй байгаа гэдгээ бодож дүгнэж байх нь хэрэгтэй гэдгийг гүнээ ойлгож авлаа.

Тэнгэр минь гэж.

2008-03-14T00:36:00.001-07:00

Амьдралдаа ээжтэйгээ ганц л удаа хошин шог явж үзсэн. Толгойтой бүхэн л хошин шог үзээд байх юм, тийм сайхан инээдтэй, хөгжилтэй байдаг юм байх даа, нэг удаа ядаж үзье гэж ээж санал тавьснаар харж хайж хамгийн гайгүй гэх жүжигчидтэй хошин шогийн хамтлагийн тоглолтыг үзсэн юм. Тоглолтын дараа ээж бид хоёрын стресс гарах битгий хэл, зүрх нь цохилчихсон, баргар царайтай, хана түших нь халаг болсон хоёр нөхөр гэртээ харьсан л даа. Тувтан л хараал зүхэл, хэрүүл, хашгираан, доромж үгс... Тэрэнд нь хүмүүс баясаж инээхэд нь бүр цөхөрчихсөн. Энэ Нөхөр гэсэн хошин шог тухайлбал нэг жишээ нь. Эхэлж сонсоод, шулуухан, хэлэхэд ой гутах шиг.
Эхнэр нөхөр хоёр бие бие рүүгээ хашигчаад л, ах дүү нар нэг нэгнээ хорлоод л, хадам ээжээ алах гээд л, ардуур урдуур нь тавиад л... Бид бодит амвдралыг л үзүүлдэг гэж хошин шогийнхон өөрсдийгөө хамгаалдаг. Хэний амьдрал? Өөрсдийнх үү? Эргэн тойронд уу?
Гэр бүл гэж ийм л аймшгийн орон биш баймаар. Уул нь монгол бүсгүйчүүд уламжлалаа бодвол намуун дуутай, уран үгтэй, уураа барьж, учрыг ухаанаараа олдог, гэрийн эззн эр хүнээ хүндэлдэг, журамтай гэж боддог. Жоохон байхад орос кинонд л хүүхнүүд хашигчаад л, үсчээд л, яаж эр хүн тэсдэг байнаа гэж гайхдаг байсан чинь одоо хошин шогийн тоглолтоор юм л бол монгол эмэгтэйчүүд ийм аймаар шулам мангаа нар уу гэж бодож зугттал орилуулчих юм аа. Болж л өгвөл эмэгтэйчүүдээр эрчүүдийг байдгаар нь доромжлуулж дуусах юм. Яс хавталзмаар. Хэрүүлийн үгсийг уран гарамгайгаар сэтгэн олж нийтийн муу ярианы үгсийн санг баяжуулж байгаад нь иймэрхүү хошин шогийн хамтлагуудад талархууштай ч бусдаар бол чиг...

Randy Pausch Lecture

2008-03-13T20:32:00.001-07:00

Карнеги Мэллоны Их Сургуулийн компьютер программын профессор, Alice программыг зохиогч, виртуаль ертөнцийн хөгжүүлэхэд үнэлж баршгүй хувь нэмрээ оруулж буй пионер Randy Pausch ходоодны хорт хавдрын хүнд шатанд орж, цөөхөн сарын настай гэж оношлогдоод байх үедээ "Really Achieving Your Childhood Dreams" Сүүлчийн Лекцээ өнгөрсөн оны 9 сарын 18-нд хийжээ. Энэ лекц маш олон хүний зүрх сэтгэлд хүрч, амьдрал ахуйгаа эргэж нэг харах, үр хүүхдийнхээ хүсэл мөрөөдлийг хориглож хаалгүй дэмжих ухаарал хайрлажээ.
"Хэрэв та удахгүй үхэхээ мэдээд, хамгийн сүүлчийн лекцээ унших байсан бол оюутнууддаа чухам юуг хэлж ярих байсан бол?" Энэ асуултад Randy Pausch юу гэж хариулсан бэ гэдгийг Сүүлчийн декцээс нь үзээрэй. Сүүлчийн лекц: http://www.etc.cmu.edu/global_news/?q=node/42 - aas uzev.
http://download.srv.cs.cmu.edu/~pausch/-аас өөрийнх ьн лекцтэй холбоотой мэдээллийг татаж авч болно.
Бид бүгд л нэг өдөр энэ ертөнцийг орхих болно. Тэглээ гээд үхэлтэй эвлэрээд, "өө яадгийн, үхэх л юм чинь" гэж хэнэггүй амьдрах хайран. Профессор Pausch Сүүлчийн лекцээ хийснээр хүүхэд багачуул, хөгшин залуус, адилхан хорт хавдартай шаналж байгаа хүмүүстэй амьдралын үнэ цэнийн талаарх ойлголтоо хуваалцаж, итгэл зориг, хүсэл мөрөөдөл өгч байна. Юу юунаас илүүтэй профессор Pausch гурван бяцхан жаалдаа үргэлж нүдэнд нь харагдаж чадахгүй ч үг сургаал_ захиасаараа мөнхөрч, түшиг тулгуур болж явна даа.

syndrome ni hodolson hunii soliorol

2008-03-12T02:24:00.000-07:00

албадан инээх

2008-03-06T17:19:00.000-08:00

Амьд байгаа мөч бүхэндээ баярладаг. Баярлах бүрд аз жаргал мэдэрдэг. Мэдрэх бүрд тэр бүхэн хөөс адил хөөрөн дэгдэж, замхарч алга болдог...Амьдрал хүсэл мөрөөдлийг биелүүлдэг, гэхдээ хүнд аз жаргал мэдрэх, үнэлэх эсэхийг нь өөрт нь үлдээдэг...Бие, сэтгэл хоёроо мөргөлдүүлж арцалдуулах шиг...Уухын ташаалдаа автан хайран биеэ гэмтээх, арван хуруундаа багтахгүй байтал хорь гучин бөгж хүсэх...

Тэр яахав ээ...Гол нь инээмсэглэ...Өнөөдөр хэцүү байсан ч, туйлын зовж шаналсан ч инээмсэглэ, инээ...Яагаад гэвэл:

Маргааш өнөөдрөөс ч илүү сайхан өдөр байж магад. Өнөөдөр маргаашийн босго...

эсвэл....

Маргааш өнөөдрөөс ч долоон дор байж ч магад. Өнөөдрийг хайрла...

Тийм болохоор өнөөдөр инээ... гэж айхтар сургаалдав.

Төрийн бодлого ба татвар тэтгэлэгт хөтөлбөр

2008-03-04T23:48:00.001-08:00

Ёкохамагийн Үндэсний их сургууль хэд хэдэн тэтгэлэгт хөтөлбөртэй. Түүний нэг болох "Төрийн бодлого ба татвар" тэтгэлэгт Магистрын сургалтын зар гарчээ. Дэлгэрэнгүй мэдээллийг вебсайтаас нь аваарай.

http://www.igss.ynu.ac.jp/wb-ppt/howtoapply01.html

хичээгтүн

2008-03-04T18:46:00.001-08:00

Чихэндээ нүгэлт үгийг бүү сонсъё хэмээн хичээгтүн.
Нүдэндээ самуун өнгийг бүү үзье хэмээн хичээгтүн.
Санаандаа хорт сэтгэлийг бүү үүсгэе хэмээн хичээгтүн.
Амандаа чалчаа шалигийг бүү үгүүлье хэмээн хичээгтүн.

...‘’Нэгэн үсгийн эрдэм’’ хэмээх сургаал

хад

2008-03-04T03:17:00.000-08:00

Хүүхэд насанд хүргэж өгдөг галт тэрэг, бүр үнэгүй байлаа ч би суухгүй ээ. Өнгөрснийг өөрчлөх шидэт үрэл, бөгж, саваа өглөө ч би лав хэрэглэхгүй ээ.

Яг өнөөдөр, одоогийн "би", оршихуй ахуй, ухамсар - алдаа оноо, жаргал зовлон, гуниг баяр, инээд нулимс, өвдөлт шаналалтай хамт төгс төгөлдөр. Мөрөөдөл хүсэл биелж байдаг болохоор, заримдаа надаар тохуурхаж байгаа мэт шоглоомтой бүтдэг болохоор - одоогийн "би". Үүнээс илүү сайхан амьдрах байсан гэсэн харуусал- зогсолтгүй эргүүлэг.

just words

2008-02-26T18:41:00.000-08:00

АНУ-ын ерөнхийлөгчөөр сонгогдчих магадлал өндөртэй хоёр нөхрийн мэтгэлцээн, маргаан сонирхолтой өрнөж байнаа. МакКэйнийг оруулбал гурав гэж болох юм. Гэхдээ МакКэйнд тийм ч их найдахгүй л байна. Клинтон, Обама хоёрын аль нэг нь гарлаа гэхэд нэг бол анхны эмэгтэй эсвэл анхны өнгөт арьстай ерөнхийлөгч болох. Ер нь тэгээд угсаа гарал, арьс өнгөний үзэл, жендерийн асуудал, эмэгтэйчүүд эмэгтэй хүнээ сонгох эсэх, залуу хүнд улс хариуцуулах итгэл гэх мэт олон зүйлийг шалгаж байгаа нэг шалгуур гэж ойлгож болох.
Миний сонирхолыг залуу, эрч хүчтэй Обамагийн эсрэг авч байгаа Хилари Клинтоны тактик илүү татаад байна. Наад зах нь Клинтоны хувцаслалт, биеийн хөдөлгөөн, олонтой харьцах харилцаа зэргээс авахуулаад. Анзаарвал Клинтон хатагтай Обамагаас дутахгүй цовоо харагдахаар тод шар, улаан, хөх, хүрэн гэх мэт өнгийн хувцаслалт, залуу үсний засалт гэх мэт, Обамад харин туршлагатай, итгэл даахаар харагдахаар сонгож өмсгөсөн /ард ажилладаг имижмэйкерүүд л шийддэг байлгүй дээ/ өмсгөл сэлтийг ажихаас авахуулаад гар биеийн хөдөлгөөнийг хэрхэн удирдаж зохицуулж байгаа нь сонин. Хүнд гадаад төрх, биеийн хөдөлгөөн, илтгэл тавьж буй ур чадвар, мэтгэлцэх авъяас энэ тэр нь бусдын сэтгэл зүйд хэрхэн нөлөөлдгийг судалж мэдэж байгаад хөрш айлынхаа хүмүүсийн хайрыг татах ажиллагаа явуулах гэж байгаа юм.

За тэгээд сүүлийн үеийн маргаан болох Обамагийн илтгэлдээ бусдын хэлсэн өгүүлбэрийг өөрийн юм шиг хэлсэн явдал байна. Хэн нэгний санаа, бүтээлийг өөрийн юм шиг болгож хэрэглэх асуудлыг эргэн харах шаардлагатайг харуулж байх шиг.
2007 оны Обама ийм үг хэлж: “I’m not just asking you to take a chance on ME. I’m also asking you to take a chance on your OWN aspirations.”
Яг энэ үгийг нь 2006 онд by Массачусетсийн захирагч Деваль Патрик “I am not asking anybody to take a chance on ME. I’m asking you to take a chance on your OWN aspirations.” гээд хэлчихэж.
Саяханы асуудал нь Wisconsin-д хэлсэн үг: "Don't tell me words don't matter. "I have a dream." Just words? "We hold these truths to be self-evident, that all men are created equal." Just words? "We have nothing to fear but fear itself"—just words? Just speeches?"
Энэ үгийг нь Патрик 2006 онд хэлсэн байж ""We hold these truths to be self-evident, that all men are created equal." Just words—just words! "We have nothing to fear but fear itself." Just words! "Ask not what your country can do for you, ask what you can do for your country." Just words! "I have a dream." Just words!"

Ингээд Обама plagiarism хийчихэв үү? Ер нь бол хийчихсэн л байна. Патрик харин Обамаг өмөөрч "ямар хуулийн нийтлэл, ном биччихсэн биш" гэж хамгаалж. Обамагийн найз Патрик факт болоод өнгөрсний дараа хэчнээн өмгөөлж хамгааллаа гээд plagiarism -ыг plagiarism биш болгож болох уу? Рlagiarism-ыг хэлсэн үгэнд ашиглахад ондоо, хэрэв ном, нийтлэлдээ хэрэглэвэл өөр үр дагавар хүлээж байх уу? Хэн нэгэн хүний урьд нь хэлсэн үгийг би тэхээр өөрийн үг шиг хэрэглэчихээд өнөөх хүн нь намайг өмгөөлчихвөл миний нэр цэвэршчих үү? гэх мэт асуудал гарна л даа.

Нөгөө талаас хүн болгоны мэдэх эсвэл бурхан болсон хүний үгийг өөрийн юм шиг буюу нэр дурдалгүй хэлвэл plagiarism болох уу? Сүхбаатар жанжны алдарт үгийг хэлвэл plagiarism болох нь юу л бол. Тэртээ тэргүй нийтэд танил болсон үгийг хэлэхэд Сүх жанжны үгээс иш татлаа л гэж шууд ойлгож болох. Харин хэн ч юм гадаадын алдарт улс төрчийн үгийг Монгол хэл рүү орчуулаад хэлчихвэл тэр хүр хүмүүс мэдэхгүй болохоор plagiarism болох гэмтэй. Үүнтэй адил оюутнуудад даалгавар болгож орос, англи ном тарааж өгөөд орчуулуулаад эмхтгэж өөрийн нэрээ тавьж хэвлэх, бусдын дуу, ая, шүлэг, клип гэх мэтийг өөрийн бүтээл болгон таввж алдар хүнд олж авах нь явуургүй л дээ. Бурхангүй газар бумба галзуурна гэдэг шиг. Бурхан нь мэдэгдэхээр бумба будаа болмоор.

Обамагийн хувьд эргээд Хилари Клинтоны plagiarism-ыг ухаж төнхөж эхэлж байна. Гээндээ ч бий гоондоо ч бий гэж...

2008-02-25T18:50:00.000-08:00

Утас хангинав.

- Байна уу?
- Байна аа. /паг/
- Аанннн.....
- Энэ дугаарыг ээжээс чинь авсан юм
- Юууууу? /???????ээж?????? тэнгэрт хальсан эжийгээс минь үү?????/
- Ээж чинь туслалцаа хэрэгтэй бол хэлээрэй гээд энэ дугаарыг өгсөн юм.
- Та андуураад байгаа байх аа даа....
-Андуураагүй ээ.
- Үгүй ээ, уучлаарай....
- Чи хаана байна?
- Би дэлгүүрт байна.
- Хаанахын?
- Токиогийн.
- Аан. Нагояагаас хол уу?
- Хол оо.
- За тэгвэл яахав.
Дийд дийд....

Монголд: Утас дуугарав.

- Байна уу?
- Хэн бэ?
- Та хэнтэй ярих гэсэн юм бэ?
- Чи хэн бэ?
- Та хэн рүү залгасан юм бэ?
- Энэ 99-бла-бла мөн үү?
- Биш ээ.
- Тэгээд ямар дугаар вэ?
- 99-блэ-блэ байна.

Дийд-дийд....

Гэрийн утас чарлав.

- Байна уу?
- Факсаа дарчих.
- Факс байхгүй.
- Байхгүй ээ.... Ямар сонин юм бэ? Факс ерөөсөө байхгүй юм уу?
- Харин тэхххх, байхгүй.... Гэрийн утас л даа.. Та дугаар андуурсан бололтой.
- Чи Д биш юм үү?
- Биш.
- Тэгээд гэрийн утас гэдгээ түрүүний хэлэхэд яадгийн. Хамаг цаг үрээд....Тас....

Ажлын утас...
1,
- Хүү-Хаа газар байна.
- Юу гэнээ?
- Хаа газар байна аа.
- Юу гэнээ? Зүгээр л нэрээ хэлээч. Чи хэн юм бэ?

2,
- Хүү-Хаа байна.
- Танайхаас ирүүлсэн хурлын зарыг авсан. Манайх оролцоно оо.
- Аан за. Та хаанаас ярьж байгаа юм бэ? Яг ямар хурлын талаар та хандаж байгаа юм бол?
- Хаашаа хэн рүү юу явуулснаа мэддэггүй юм уу????? /тас загнав/

Япон...
/Би интернэтийн гэрээгээ цуцлав. /

- /Япон:/ Do you need us to send you the contract cancellation form?
- I am sorry... I have already made cancellation of the contract. So, I don't understand why do I need it.
- Do you need us to send you the contract cancellation form?
- I don't understand what is the contract cancellation form? Do I have to send it back to you?
- Do you need us to send you the contract cancellation form?
- Do you mean a notice of contract cancellation?
- Do you need us to send you the contract cancellation form?
- Well, if it is necessary to complete the procedure, please send me.
- Do you need us to send you the contract cancellation form?
- OK...then... please send me.
- Do you need us to send you the contract cancellation form?
- YES! YES! YES!
- Thank you very much.

2008-02-24T16:25:00.000-08:00

Гадаад иргэдийн бүртгэлийн газарт...

Найз олон удаагийн орох гарах визээ хүлээгээд, дэргэд нь би дэмий чалчсан шиг сууж байлаа. Гадаадын иргэдийн бүртгэлийн газарт хар, шар, бор, саарал, хүрэн, холимог гэх мэт төрөл бүрийн арьстай түмэн хүнийг харж, олон сайхан мэдэхгүй хэл нэгэн зэрэг сонсож болно. Бид хоёр хэн л тоож чагнаад ойлгов л гэж гэсэн шиг эх хэлээрээ чалчигнаж өгч байтал Солонгос бололтой охин, хүү хоёр урдуур гүйлдэж, хөөцөлдөн тоглож эхлэв. Гүйлдэж байснаа миний "гоо үзэсгэлэн"-д нүдээ булаалгав уу, гэрэл цохив уу, хүү нь миний зүг баясгалантайгаар харж, намайг өөдөөс нь инээтэл, гялс харцаа бууруулснаа, нүдний булангаар ширтсэн хэвээр мушийн, нөгөө охиндоо очин үл мэдэгдэх харь хэлээр нэг юм хэлж байв. Охин, хүү хоёр гартаа хуйлсан цаас барин, пин пин гэж дуугарч урд хойгуур гүйн, тэгэх болгондоо намайг харан харан баясан баясан инээж байв.
Найздаа гайхуулмаар санагдаад хэллээ: "Харав уу, энэ хоёр намайг хараад салахаа байлаа. Хүүхэд, нохой хоёр сайн хүнийг андахгүй гэж... Хаа яваа газарт хүүхдүүд намайг харахаараа инээд алдаад, таг ширтээд тоглож наадах гээд эхэлдгийм ш дээ... Ямар ч ааштай хүүхэд байсан намайг харахаар л зөөлрөөд ирдэг юм... Аргагүй сайн энергитэй, сайхан сэтгэлтэйг маань мэдээд байдаг юм шиг..."
Найз ч юу дутах вэ гээд л "Чухам аа чухам... Чи бид хоёр адилхан юм байна... Намайг бас тэгээд байдаг юм..." Ингээд л найз бид хоёр хүүхдүүд бидэнд хэчнээн хайртай дуртай, өөрсдийнхөө үнэхээр сайн хүмүүс болохыг мэдэрч, олон янзын тохиолдлыг өрсөн өрсөн ам булаалдан чалчигнаж эхлэв. Түүнийг нь батлах гэсэн мэт өнөө хүү, охин хоёр нэг хэсэг л бид хоёрыг жаргалтайгаар харан урдуур гүйлдэв.

Хүү охин хоёр... Хүү охинд Солонгос хэлээр хэлж байна : "Энэ зэвүүн муухай харь гаригийн маасайсан царайтай малигар эмэгтэй, дэргэдэх гонжгор этгээд эрэгтэй хоёр дэлхийг сөнөөхөөр ирсэн байна. Хоёулаа энэ хоёрыг лазерын буугаараа буудаж эх дэлхийгээ аврая. Чи эмэгтэйг нь би эрэгтэйг нь...Гэхдээ хоёулаа мэдэгдэж болохгүй...Инээж байгаад сэмхэн сэмхэн буудахгүй бол энэ хоёр ээж аавыг бариад авчихаж магад...". Охин: "Өөдөөс нь инээхээр эргүүлж инээгээд байна...Мангар юмнууд..."