Friday, January 5, 2007

нэг килограмм

Шинэ жилээр гахайлтлаа идсэн юм болов уу эсвэл лаглайтал хэвтэж сууснаас болов уу, аль аль нь ч нөлөөлөв үү, нэг кило нэмээд таргалчихсан байх юм. Аймаар юм аа. Буцааж энэ нэг кило-ыг арьс махнаасаа авч хаяхын тулд яаж зүдэрч зовохоо төсөөлөхөд нүднээс нулимс гарах дөхөв. Нэг таргалахаар шүлсээ хүртэл залгингуут л жин нэмээд байгаа юм шиг санагдахыг яанаа. Бас эрүүн дээр нэг юм гарчихсан байна гээч. Одоо энэ арилж, оронд нь бор суурь нь үлдээд л үнэхээр гоо сайханд террорист ул мөр болно. Дээр нь ядаж байхад нас яваад байдаг. Ирээдүйн нөхөр, эргүүлэх залууст таалагдахын тулд биеийн жингээ хэвийн хэмжээнд барих, арьсаа толийлгох, гангалах, гоёх, дуу хоолойны өнгөө алтан гургалдай шиг болгох, алхаа гишгээгээ аятайхан засах гээд хийх зүйл мундахгүй. Заримдаа байгаагаараа байж байхад болно биз гэж бодогддог ч худлаа л даа. Үнсгэлжинг л харахад ойлгомжтой. Ганган сайхан байж л ханхүүгийн харцыг булаах жишээтэй.Ядаж байхад нэг бөө намайг гуч хүрээд хүнтэй суух юм байна гээд хэлчихсэн гэж байгаа. Ямар ч байсан гэр бүл зохиох юм байна гэж баярласан ч тэр болтол аальгүйтэж явна гэхээр залхуутай санагдаж байх шиг.
За ингээд ургуулаад бодоод байхад эрэгтэй хүмүүс үнэхээрийн азтай ч юм шиг. Эрэгтэй хүний чимэг бол эр зориг, өөртөө итгэлтэй байдал, амжилт. Хэр амжилттай, зоригтой байна, тэр чинээгээр хүүхнүүд татагдана. Тэгээд ч бие хаа, үзэсгэлэн төгс, хувцас хунартаа цагийн нэлээн хэсгийг зарцуулдаг эмэгтэйчүүдийн дэргэд ажилдаа төвлөрөх боломж нь эрчүүдэд илүү байгаа байх шүү.
Ингээд зөвхөн нэг килограмаас болоод нээх их юм бодож, тэрийгээ блогтоо бичиж байгаа юм шүү дээ.

3 comments:

Зэлмэ said...

turahad neeree ih hetsuu shuu. gol ni dasgal hiih heregtei yum shig baigaa yum. yalanguya gedes suusan bol butsaahad mash hetsuu. zuvhun hool soigood gedes alga boldoggui yum bilee

Лхагваа said...

Khishgee nuguu alim iddeg argaa amjilttai bolson bol zaaj uguuch...
Zereglee tegeed ailguitej yavah heden jil uldsiin?

зЭрЭгЛэЭ said...

Ter alim iddeg argiig xalit xulit xeregjuulj uzsenshdee. Yamar ch baisan setgel dagaad ter uu jin nemexgui baix shig baisan. Gexdee turj suid boloogui ee.
Bas ch ugui 1000 shono xamarguigees aaligui ni deer geed sanjignana sh dee.