Friday, December 8, 2006

i swear

i swear
ай хөөрхий, алкоголиа хэтрүүлснээс өглөө шартчихаад босон суух хэвтсэн ч хорвоо ертөнц харанхуй оргиод л. Ийгээд интернет орж элдэв юм үзэж суутал
Дөлгөөн шарталтыг шинжлэх ухааны талаас нь сайхан тайлбарлажээ. Угаас барзгар сууж байсан би бээр шарталт гэдэг үг байтугай шар өнгө ч харж чадахгүй байсан болхоор 00 руу хамаг хурдаараа чөлөөт харайлт хийлгэв. Тэгээд ийнхүү шаналж байхдаа зөндөө зүйлийг гэгээрлийн өнгө аястай бодож байлаа. Тухайлбал хүн бусдад амлалт өгөөд тэрэндээ хүрэх гэж их мэрийдэг мөртлөө өөртөө өгсөн амлалтандаа хүрнэ гэдэг худлаа юм байна даа гэж.
Өөртөө үй түмэн амлалт өгөөд заримыг нь мартаад, заримыг нь хүрэх гэж яваад замхруулаад, үлдсэнийг нь цуцлаад гэхчилэн өөрөө өөртөө хулхи зан л гаргасанаа бодоод л ихэд гэмшив.
Анх дурлаад бүтэлгүйтчихээд ахиж дурлахгүй барихгүй гээд бөөн амлалт хийчихээд маргааш нь мартаад дахиад л унаж босож, өвдөг тохойгоо шалбалж барьж, зүрхээ сийчүүлээд сийчээд.
Анх тамхи татаж үзээд хордчоод хэвтэж байхдаа тамхи бол там юм гэхчилэн толгой мөр холбох шахан гэгээрч ахиж энэ муу тамхийг амандаа зуухгүй гээд зүгээр болонгуут нь амлалтаа мартчихсан. Өнөөдөр ингээд зуун зараатай зууралдаж байхдаа алкоголийг ахиж амсахгүй, амссан ч учиртай ууна гэхчилэн хэдэн удаа андайлсанаа тоолж сууна.
За тэгээд зүгээр ч андгай тангараг тавичахгүй сонгодог зохиолоос "тэрнийхээ нэрийг барьж тангараглая" гэж сурсан хэллэгээ хэрэглэж амланаа бас.
Аав, ээж, ах, дүү, амраг садан гээд сүүлдээ нутаг усны нэрээр ч тангараглаад одоо ингэж барьж тавих нэр ч дуусаж байх шиг. Бас нөгөөтэйгүүр Бурхан гээч хүнд юмыг их хязгаартай харам ханджээ гэж гомдолломоор санагдав. Бялуу чихэр идмээр байвч идэхээр таргалах гээд л, мөхөөлдөс их идмээр байвч хоолой өвдөх гээд, архи пяав аймаар их уумаар байвч тас үсэрч тамаа цайтал шартчих гээд гэх мэтчилэн яасан хязгаартай хорвоо вэ.
Хөлсөө гартал сайхан бантан, битүү шөл, тасалсан гурилтай төмстэй шөл хийж идээд, Дөлгөөний бичснээс санаа авч глюкозондоо анхаарал тавьж энэ шарталтыг даван туулж, ирээдүй рүү цоглог алхсугай. Аа бас ахиж ингэж хэтрүүлж уухгүй гэдгээ ирээдүйд суух нөхрийнхөө нэрийг барьж тангараглав.

2 comments:

Anonymous said...

tataj unahnee

Эрхэмээ said...

:D

(Дээр хэнийхээс билээ уншсийн: Уншсан бол сэтгэгдэлээ үлдээж блог эзэнд урам өгч бай гэж.. Ийм нэг инээмсэглэл үлдээчихвэл яаж байна? )